المشاركة الأصلية كتبت بواسطة خالدخليفة (المشاركة 238379)

الحقيقة بتجينى كل شوية رسالة عندك رد فى الموضوع ده وانا مش فاكر انى شاركت فيه
ورغم ان احمد كروزير حبيبى وراح معايا مرة اسكندرية واتهورت وانا سايق وجه من بعدها قرر م يتجوزش احسن يفضحنا ولقيت مشاركتى عبيطة ولاتليق بحبيبى واخويا الصغير
ونقول كمان
خالد خليفة
خريج حقوق دفعة1987
تاجر اراضى وعقارت وعطور و.....و.......و.........( اشتغلت حاجات كتير اوى واولها مهنة المحاماة سنتين) وعندى محلى المتواضع بحلمية الزيتون
رحالة ولفيت مصر كلها وبجد نفسى اقتحم سينا لانها الوحيدة فى مصر اللى م دخلتهاش والمعلم لما يقتحم يبقى هيقتحم مش يروح شرم يتفسح والا الكلام ده يبقى فين المغامرة
عندى مغناطيس قوى للمشاكل مع انى مسالم جدا وبتسامح مع كل الناس لكن تقول ايه
عندى سلمى وكان عندى عمر وتوفاه الله وهو فى تانية ابتدائى وكان عندى فاطمة توفاها الله وامها حامل فيها فى الشهر الخامس بس كنت عرفت انها بنت
اول من اثبت ان النيسان الصنى يمكن تحويلها الى توك توك عند اللزوم
مبحبش الظلم وادافع عن المظلوم حتى ولو واحد سايق عربية حديثة كسر على واحد سايق عربية قديمة اجرى وراه وانفضه واعلمه ان الكبير دايما فى اكبر منه(ويمكن بقع فى مشاكل بسبب كده لكن وايه يعنى ده مبدأ) ومتعاطف جدا مع الغلابة من ابناء هذا البلد لانى منهم (بغض النظر عن النيسان /كل دى حاجات زائلة /والباقى علاقتنا بربنا ثم الناس)
بحب اساعد الناس جدا واعرض خدماتى عليهم بغض النظر عن قبلوها او رفضوها
وبــــــــــــــــــــــس

المشاركة الأصلية كتبت بواسطة sad-bird (المشاركة 238390)

مصايبك كتييييييييييييييييير
مش يكفيها نقابة المحامين كلها
خليك جنب الحيط يا بني وبطل تلعب في عداد عمرك كتير

المشاركة الأصلية كتبت بواسطة خالدخليفة (المشاركة 238400)

طول م انت تعرفنى ولانقابة المحامين كلها هتنفع معاك
هههههههههههه

المشاركة الأصلية كتبت بواسطة abo-salama (المشاركة 238540)

أحمد باشا كل موضيعك زى افل وانت انسان جميل جدا (كمان شاطر يعنى خليت كل الناس دى عرفت بعض بشكل كويس )
د.محمد سلامة
مدرس مناهج وطرق تدريس
كلية التربية - جامعة حلوان
35سنة - مدرب تنمية بشرية (فى بداية حياتى )
واخد دكتوراه لسه فى يناير 2010
وده موقع الكلية http://www.helwan.edu.eg/edu/

المشاركة الأصلية كتبت بواسطة sad-bird (المشاركة 238639)

نورت يا دكتور
36 سنة يا بااااااااااااااشا متاكلش سنة على الحكومة والا بتخزي العين
على فكرة لو دققت في الاسم هتلاقينا ولاد عم
احمد عمل لنا حاجة مفيده اهو عرفني بابن عمي
ههههههههههههه

صحيح احمد كل حاجة بيقلبها مراجيح لكن الموضوع ده كان كويس على رأيه اول موضوع مفيد يعمله لو ان كل مواضيعه كلها مفيده لكن هو اللي مش شايفها كويس

حضرتك اي تخصص في المناهج ؟؟
واخبار التنمية البشرية ايه دلوقتي ؟؟