رد: مغامرات أبو كمال فى الصحارى و الجبال من الكويت لمصر
 

ايوا يا باشا هى فعلا نفس العربية و صورة التوقيع دى كانت امام مكتبة الاسكندية قبل الفجر بشوية و انا فى مصر اثناء الاجازة اللى فاتت..

و ان شاء الله جاي مصر بيها بعد عشرين يوم تقريبا

و شكرا ليك يا باشا على الدخول و التفاعل

رد: مغامرات أبو كمال فى الصحارى و الجبال من الكويت لمصر
 

مشكور يا كيمو على المعلومات دى
طب ولو واحد عايز يعمل العكس من مصر الى الكويت (مصرى ومش معايا تأشيرة)
يبقى أيه الحل لان أسمع إن الكويتين بيدخلو من غير تأشيرة إنما إحنا لازم لنا تأشيرة
عايز أروح سياحة

رد: مغامرات أبو كمال فى الصحارى و الجبال من الكويت لمصر
 

ربنا يخليك يا باشا
ايوا يا باشا لازم تدخل الكويت بتأشيرة زيارة او عمل او سياحة
او يكون معاك اقامة سارية لدولة خليجية اخرى.. فا تقدر تدخل الكويت عادى بالباسبور بس ليها شروط الحكاية دى و انا مش عارف ايه هى بصراحة

و بعدين انت عايز تيجى سياحة فى الكويت بجد ؟؟ هههه هتيجى تعيش فى الفرن عشان تعمل سياحة :) الا لو كنت ناوى تدور على شغل دى حاجة تانية ....

رد: مغامرات أبو كمال فى الصحارى و الجبال من الكويت لمصر
 

يا كيمو الراجل بيقولك سياحة
يعني عايز يسيح
و مفيش مكان احسن من الكويت خصوصا اليومين دوا عشان الواحد يسيح

احمد باشا
الحق خلص اجراءاتك بسرعة
عشان اليومين الجايين دول يقال ان درجة الحرارة هتوصل 47 في الظل
فيا تلحق يا متلحقش

رد: مغامرات أبو كمال فى الصحارى و الجبال من الكويت لمصر
 

والله يا كيمو أنا عايز أجى الكويت عشان والدى كان واعدنى أنه هيسمح لى بالسفر الكويت لما كان إبن خالى هناك
لكن إبن خالى رجع مصر ومش هيرجع الكويت تانى وأنا ما صدقت والدى واقف فقولت الكويت وخلاص أحسن من غيرها أهو الواحد يغير جو ويشوف حاجة جديدة
لكن أنا عن نفسى عايز أسافر أوربا بس فين بقى دة وافقو على الكويت بالعافية
وأكيد طبعا مش دلوقتى لانو عارف يعنى إيه الكويت فى الصيف (الواحد بيسيح على نفسه )
لكن أنا عايز اسافر على أول الدراسة يعنى فى اول شهر 10 كدة