مصر موتورز مجتمع السيارات - عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

السلام عليكم ورحمة الله وبركاته
انا معايا هيونداى نيو اكسنت 2010 وعاوز اركب فيها وحدة رفع للزجاج وسألت فى التوكيل بالاسكندرية عن التكلفه ولكن المهندس فى التوكيل نصحنى بعدم تركيبها لان كل الانواع فى السوق صينى وساعات بتعلق ومش هاعرف اقفل الزجاج لو علقت .
أرجوا النصيحه

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

هو يعتبر عنده حق فى موضوع الأنواع الصينى, معظم المكن صينى ونادرا لما تلاقى حاجة تانية ,بس الوحدة مش لعبة علشان تعلق, والصينى بالذات تمنه فيه بالنسبة للحاجات الغالية شوية.

ولو خايف من الموضوع ده ممكن تجيب الوحدة بجميع مستلزماتها من محل قطع غيار أستيراد بس متهيألى هتبوظ الضمان.

ومش حضرتك سألت فى التوكيل, بس أنا مش فاهم مين اللى هيركبها, كهربائى عادى ولا التوكيل؟

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

اقتباس:

المشاركة الأصلية كتبت بواسطة Injection (المشاركة 225283)

هو يعتبر عنده حق فى موضوع الأنواع الصينى, معظم المكن صينى ونادرا لما تلاقى حاجة تانية ,بس الوحدة مش لعبة علشان تعلق, والصينى بالذات تمنه فيه بالنسبة للحاجات الغالية شوية.

ولو خايف من الموضوع ده ممكن تجيب الوحدة بجميع مستلزماتها من محل قطع غيار أستيراد بس متهيألى هتبوظ الضمان.

ومش حضرتك سألت فى التوكيل, بس أنا مش فاهم مين اللى هيركبها, كهربائى عادى ولا التوكيل؟

شكرا لرد واهتمام حضرتك بسؤالى
انا سألت فى التوكيل على تكلفة التركيب وهاشترى الوحدة من خارج التوكيل علشان مفيش فى التوكيل والمفروض بكده مش هاخرج من التوكيل والمفروض ناس متخصصين هما اللى هايتعاملوا مع ضفيرة كهرباء العربية
علشان كده انا قلقت من المعلومه اللى قالها المهندس فى التوكيل وقولت اسأل اهل الخبرة او يكون حد جرب تركيب وحدة الرفع.

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

السلام عليكم و رحمة الله وبركاته
لو سمحت حضرتك كنت عاوز اعرف رايك بالنسبة لتعديل هيونداى اكسنت 99
ايه بالضبط اللى تنصحنى بيه و تكون ميزانية معقولة
اسف للازعاج

رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.

لو الميزانية فى حدود 1000 جنيه ككل مثلا:-

حضرتك ممكن تركب فاميه على الزجاج الأمامى, وتركب ستائر كبس على الزجاج الخلفى, علشان اللجان (تنزل الزجاج وتسحب الستائر بسرعة) وعلشان شكل العربية يبقى حلو, والشمس والخصوصية, والموضوع هيتكلف حوالى 150 جنيه.

وطبعا الزينون, عدة زينون صينى كويسة عالى وواطى هتبقى فى حدود 450 جنيه, ولو عالى بس فى حدود 350 جنيه. وطبعا مع تغيير اللمض الصغيرة بلمض زرقة أو بيضاء بحوالى 10 الى 20 جنيه, وممكن كمان تغير لمض الأشارات بلمض زرقة أو بيضاء بس منصحش بكده علشان الأمن العام (الناس مابتشوفهاش كويس زى الصفراء الأصلية).

وممكن تجنط جنوط أسبور نفس المقاس الموجود عند حضرتك وتركب الكاوتش القديم عليه, الجنوط موجود مستعمل أو جديد, وهيبدأ من 700 الى ممكن نقول 1000 جنيه حسب الشكل وبلد المنشأ وجديد ولا مستعمل.

ولو ليك فى الصوتيات ممكن تركب كاسيت بايونيير أو كينوود جديد بحوالى 500 الى 600 جنيه (تعددت الموديلات و رينج السعر واحد :)), وتجيب طقم سماعات 200 وات مثلا (المهم مايكونش محتاج جى أم) بحوالى 250, وده بيضاوى وأحتمال تضطر تقص فى الصاج أو تركب قواعد ليها (بس صوت خطير) , لو مش عايز وجع دماغ هتجيب مدور مقاس الفتحات اللى عندك والطقم هيعمل من 90 الى 140 لأغلب الماركات المتوافرة وهتجيب السماعات اللى ورا وللأبواب, وطبعا الكاسيت هيغير شكل العربية والسماعات هتعمل تحسن كبير فى الصوت.

وممكن كسوة كويسة برضه تغير شكل الصالون من جوه وهتبتدى من حوالى 200 جنيه فيما فوق وطبعا هتقلب شكل العربية تماما.

دى الحاجات اللى قدرت أفكر فيها بميزانية محدودة, ولحضرتك حرية الأختيار, ومعظم الأختيارات هتغير شكل العربية, خصوصا الكسوة وتغيير اللمض, بالتوفيق.