رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

السلام عليكم ورحمة الله
تعبت وزهقت من الاشتغالات بصراحة ووصفولى انى ألجأ لك والموضوع ببساطة كالتالى :
- العربية اولا رينو كليو موديل 2004 اتوماتيك 1400ccصباب 16
- بدأت بضعف فالبطارية بسبب ضعف شحن الدينامو وتم تغيير الدينامو والبطارية وفى هذة الاثناء كان طبعا وعن جهل يتم عمل كابل من البطارية لاخرى وفجأة السيارة لاتعمل على فكرة دة عند كهربائى الله يسامحة متخصص رينو
- اتقال كنترول اتحرق ينفع يتصلح قالوا طبعا اسبوع اصلاح وبعد كده لا يعمل اشترى واحد جديد
- نشترى واحد جديد ويتقال نفك الشفرة عند فلان (علما لن اذكر الاسماء وحسبنا الله ونعم الوكيل) نفك الشفرة ماشى خد ادفع وفك ندور تدور ولمبة الاوتو منورة
- يقول الكنترول بتاع المانيول مش الاتوماتيك روح اشترى واحد اتوماتيك تانى حاضر نروح نشترى فك الشفرة نفك حط سوفت وير نحط تدور تدور ولمبة الاوتو شغالة برضة تانى مش حرام ياجماعة لاعادى فالاخر عاوزين طقم دوارة كامل
- واخير اعمل اية اقلبها مانيوال ولا اقلبها نفسها فترعة ولا من فوق كوبرى لان الموضوع مش موضوع فلوس لا دة موضوع الواحد تعب من النصب والاشتغالات
- عند حضرتك حل

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

الزجاج الامامى لبيجو 404 موجود فين ثانيا ممكن يركب على الموريس شكرا

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

السلام عليكم ورحمة الله وبركاتة
عندى سيارة بيجو 405 فرنساى
1. المشكلة الاولى التكيف السيارة لايعمل رحت الى لاكى اشخن التكيف قال لى الكمبروسر فية عيب لازم يتغير؟
2. صوت العربية عالى
3. الكبرتير فية مشكلة السخان لايعمل ؟ ماذا افعل
4. بور السيارة فية مشكلة لة تصليح او اشترى مستعمل ويعمل كام اوجديد ويعمل كام
5. عوامت البنزين لاتعمل ؟

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

مكان حضرتك فين ربنا يباركلك انا عندى بقى كذا مشكله بس محتاجه حد يكون بيفهم فى السيتروين انا معايا سيتروين ax موديل 96 وطبعا عندى مشاكل كتير واكيد مفيش غير حضرتك تقدر تحلهالى يا باشا ربنا يبارك فيك لانك لو ظبطلى العربيه حكون اسعد واحده فى الدنيا من كتر المشاكل الى بتظهر مره واحده مبقتش اعرف اعمل ايه ولا اروح لمين اقول لحضرتك حاجه منها اولا انا حسى ان كهربة العربيه كلها بالكامل مش مظبوطه مره الكهربه ولعت منى العربيه وتقريبا على كلام الكهربائى الى لصملى الاسلاك وكده طبعا خطر عليا الان انه قالى انها حرقة مفتاح الكشافات الى بيعلى وبيبطء وبيفتح النور الصغير ده اول مشكله يعنى شكلى محتاجه اعادة كهرباء للعربيه بالكامل ثانيا بقى محتاجه اكشف عليها لان السحب قل مره واحده بطريقه فظيعه لدرجة انى بقيت حسى انى ماشيه بمتوسكل مش عربيه مع العلم انها كانت سريعه جدا وخفيفه الان بقت تقيله الدواسه بتاعت البانزين مع العلم انى اخر مره اروح للميكانيكى نزلى الفتيس لان المسامير كانت مكسوره فيه وظبطلى العصايه بقت الغيارات سهله وغيرلى الاسطوانه والدسك بس غيرهوملى مستعملين لانى اكتشفت ان الى بعلى العربيه الله يخرب بيته يا رب زى ما خرب بيتى بالكامل بسبب العربيه دى كونت محتاجه اغير قاعدة الفتيس غيرتها وكمان غيرت قاعدة الماتور وغيرت الاسطوانه والدسك مستعملين لانى كونت خلاص فلست وقتها يعنى العربيه عايزا تغير كهرباء بالكامل وكمان عايزا اشغل العداد لانه مفهوش الوير الى هو سلك السرعه عايزا واحد اعرف بس مكان حضرتك فين لانى حبقى جيالك من مدينة الشروق طريق مصر اسماعليه الصحراوى واعمل حسابى على كام تقريبا تكلفه انا اسفه طبعا انى بسألك لاكن انا حبى اعرف علشان لما اجبهالك واسبها ابقى عامله حسابى وانا متشكره جدا انك حتقرأ كل ده

رد: حل لاى مشكلة خاصة بالسيتروين والبيجو والرينو واجابه لاى استفسارات مجانا
 

السلام عليكم ورحمه الله وبركاته
عندي سؤال خاص بستروين ax
هل من الممكن تركيب موتور الاكسارا 1600 علي ax 1400 وان لم يكن ممكن
وهل يمكن تركيب سكاترا باور ل ax او جعلها باور بأي شكل
وشكرا
اسلام