المشاركة الأصلية كتبت بواسطة POP EL GAMED (المشاركة 141106)

احب اقولك ان موضوع التقفيل ميختلفش من خليجى للمصرى
لان مفيش بومه مصرى دى بضمان ودى من غير ضمان ده كل الفرق
والفتيس عادى انك تغير الفتيس للعربيه انما مش بالضروره انها تكون طالعه من المصنع الرئيسى لانه عادى الكرولا الMMT بتنزل من مصنع جنوب افريقيا عادى
والبومه من 2008 بقت انتاجها من مصنع الهند والكلام ده حضرتك ممكن تسأل اى حد فى التوكيل هيفيدك فى الكلام ده(الكلام سارى على اللى بضمان الوكيل والخليجى)
التقفيل واحد فى الخليجى وفى اللى بضمان الوكيل والموضوع ده انا متأكد منه تماما لان عندى فى العيله بومتين واحده 1300 مانيوال(خليجى) وواحده 1600 اوتو(بضمان الوكيل)الفرق فى حاجات بسيطه جدا جوه العربيه زى المخدع اللى فى الكنبه والطاسات لكن مفيش فرق كبير يعنى و متفرقش فى التقفيل زى ما حضرتك متخيل وال2 موديل 2008 ولما سألت يا جماعه انتوا عارفين انها تجميع هندى مش يابانى قالوا عارفينptmnlo123per144

المشاركة الأصلية كتبت بواسطة sh_masry (المشاركة 6924)

هذا الموضوع منقول و قد قرأته و اعجبت به حيث انه قريب من رأيي الشخصى و الموضوع كتبه شخص اسمه mandooo و هو كالتالى :


لنتكلم على السياره اللانسر التى سبب شبة حالة ادمان للشعب المصرى .......
اولا اللانسر سياره يابانى تابعة للشركة العملاقه ميتسوبيشى التى تصنع اشياء عديده اخرى عملاقه وعديدع بجانب قسم السيارات
شركة ميتسوبيشى فى الاونه الاخيره عانت من ضعف بالغ فى المبيعات العالميه وقد اغلقت بالفعل مصنع لها فى استراليا بعدما حقق خسائر فادحة وفى تراجع مستمر على مدار ال 10 سنوات الماضيه
وعندما نختص السياره اللانسر بالذكر ارجو ان يذكر لنا احدا .....اى دولة اخرى تجد فيها الكمية الغير عادلة وغير عادية من السياره لانسر
السؤال الان .......ما هو سر ادمان الشعب المصرى للسياره لانسر؟
الاجابة .....اسعارها معقوله بالنسبة لسياره تحمل اسم شركة يابانيه عريقه وتغطى فئات وشرائح مختلفه من الملاك
ولكن ماذا حدث؟؟؟ عندما كانت تتراوح اسعارها من 80 الف الى 104الف جنيه للنسخة السبورت فيرجن كانت معقوله الى حد ما ولكن ان يصل ثمنها الى 123الف جنيه اى يذيد ثمنها نحو 20 الف جنيه بعد الاقبال المنقطع النظير اليها فهذا شىء غير عادل تماما
عندما نقول اللانسر فيجب ان نشير الى انها ليست افضل سياره فى فئتها اطلاقا ونشير الى :-

1- صوت موتور عالى ومرهق للاعصاب ولا تتوقع حياه هادئه (QUIET LIFE) على حسب ما شارت به احد المواقع المشهوره عالميا بتقييم السيارات.......اضف الى ذلك انعدام وجود العوزال تقريبا سواء للمحرك او خارج السياره ........اضف الى ذلك رداءة نوعية الكاوتش المستخدمه بها التى تضيف الى ذلك ارتفاع الصوت الصادر منها .....(كملت) رغم ان الكورولا من 2001 الى 2007 كانت تستخدم نوع الكاوتش تويو الذى يصدر صوتا عاليا نوعا ما ولكن عند مقارنته بنوعالكاوتش المستخدم فى اللانسر فيعتبر هكذا الكاوتش المستخدم فى الكوكو ناعما.................لا يجب الاستهانة ابدا بهذا العيب ........فهذا العيب كانا كفيلا بان يجعلنى اكره السياره ولا تتوقع ان يتم مقارنتها بالكورولا فى العزل واذا نزلت من اللانسر وركبت الستروين C4 ستعرف مدى الفرق لو اعطيت درجة العزل فى الستروين c4 90% فيجب ان نعطى اللانسر 22%

2-العفشة السبورت اللى كل الشعب المصرى بيتكلم عنها كانها عفشة فيرارى .....لو تعرفوا مدى نشوفية العفشة الذائد عن الحد الذى لا يرقى ابدا للشعور بادنى راحة عند التنقل فى اى مكان على مصر الحبيبه حتى على الطرق السريعه المستقيمة فالسياره ستراها تقفز على الطريق رايح جاى كاننا فى ملاهى ......قد يتحدث البعض على نعمة تلك العفشة فى الثبات ......اى ثبات ساشعر به وانا على سرعة 140 مثلا والسياره تقفز باستمرار على طول الطريق ........اضف الى ذلك الشعور فى ان السياره ستفلت منك عند اخذ المنحيات بثقه بالغة وبالفعل لى صديق لى كان يمشى على الطريق الدولى الساحلى ووجد فاجاه منحنى وهو على سرعة 130 كم السياره فلتت منه فعلا (لذا ولم يكن مجرد شعور اشعر به) والسياره فضلت تلتف حول نفسها الى ان ربنا سطر ودخل فى رمل على جانب الطريق وكانت الخسائر غير فادحة ولكن الله كان الساتر فى تلك المره....... وللعلم عفشة الستروين سبورت وانعم منها بكتيييييييير واللانترا برضه عفشتها سبورت وانعم منها والهوندا الذى يقول البعض ان عفشتها خشنه فهى انعم من اللانسر ايضا اضف الى ذلك الكراسى التى لا تريح الظهر ابدا اثناء السفر وتجعل احساس الشعور بالسفر لعدة اميال بسيطة كانها مسافات كبيره من كتر عدم الراحه نهائيا

3- لنتحدث على الباور ......الباور غير جيد اطلاقا عند المقارنه باى سياره فى فئتها ويذيد من الارهاق فى السفر ايضا كما انه ضعيفا ايضا بالمقارنه بنفس السيارات فى فئتها

4- لنتحدث على التصميم الايروديناميكى >>>>>>طبعا بالاضافى الى العيوب المستفزه السابق ذكرها السياره ليست لها اى علاقه بالتصميم الايروديناميكى اى التصميم الانسيابى فى مقاومه الهواء وسيشعر المرء باى هواء قد يقابل السياره او حتى عند المرور بجانب اى سياره على سرعات عاليه.....ويا سلام لو عديت جنب عربيه نقل.......طبعا ده بالمقارنه بالتويوتا وايضا بالستروين اللى هما استاذه الايرودينامكس لو اعطيت الكورولا 70% والستروين c4 85% يمكننا ان نعطى اللانسر 50%

5-لنتحدث على استهلاك البنزين بشع بمعنى الكلمه اللانسر فى احسن حالتها يعنى على الطرق السريقه بتعمل 230كم فى الصفيحه والمتوسط 190كم واعلى شىء تم الوصول اليه فى استهلاك الوقود هو 160 كم فى الصفيحه

6- الفتيس cvt نفمة مش ميزه يعنى لما تفضل شادد وتلاقى صوت الموتور يفضل عالى مش بيوطى معاك خالص والعربيه مش بتنقل خالص يعنى RBM هيفضل على 6 ودا ازعاج غير عادى

7- الموتور المفروض انه 122 حصان حسب الكتالوج مع االعلم انه نفس تسارع المازدا 3 (تقريبا) مع ان الماذدا 3 105 حصان بس مع العلم المازدا 3 اتقل منها

وللعلم ان اللانسر ex الجديده اصبحت اكثر تطورا من اللانسر البومه من ناحية كل شىء ولكن كرهى للانسر البومه جعلنى لا اثق بها تماما +سعر مبالغ فيه ولا تستاهل اكثر من 130 الف للنسخة السبورت ايديشن


الخلاصه ان استعارض تلك النقاط الهدف منه هو النصيحة للقادمين على الشراء للسياره ان يقارونوا بينها وبين السيارات الاخرى عن قربوالقرار يرجع لهم اولا واخيرا وانصح بشراء السياره الهيونداى النترا لانها عند مقارنتها باللانسر تفوقت عليها .....ولم يعد هناك شىء اسمه كورى ويابانى...اللالنترا سياره محترمه جدا وانصح ايضا بالسوزكى sx4 والنيسان تيدا رغم ان شكلها قد لا يحبه البعض لكنها سياره عن جد جيده جدا وعن تجربة هناك ايضا السياره سوزكى سويفت واذا سنتحدث عن البدائل للانسر 1300 (مع العلم انها انعم من اللانسر السابق ذكرها لاننى كنت اتحدث عن اللانسر الرياضيه) هناك الياريس والجين 2 ...انصح بالياريس اذا كان الاستخدام لفتره طويله.......اما اذا كان لاستخدام 5 سنوات او اقل انصح بالجين 2 (مع العلم ان الجين 2 سعرها فى المستعمل غير جيد ولكنه مقبولا)
ارجو ان تستقبلوا منى كلامى بصدر رحب وعذرا لملاك اللانسر الحالييين باى حال من الاحوال لا اريد المجادلة باى شىء سبق ذكره لانى واثق من كل الكلام انه صحيح بالفعل لتجربة ليست بقليلة ابدا باللانسر


و ازيد عليه قائلا انه يوجد جزء كبير من اللانسر مصنع بالصين اى نعم تحت اسم ميتسوبيشى اليابانيه و لكن بمقاومات و خامات اقل بكثير من المصنع باليابان .