مصر موتورز مجتمع السيارات - ارشيف الاستراحة 2010

قصة رائعة حقا ياباشا

واستمتعت بها جداا

وتذكرت رحلتى مع الصين وهونج كونج وكانت لمده 10 ايام

وكان سعر تذكرة الطيران على مصر للطيران ذهاب وعودة
من القاهرة الى (بانكوك) عاصمة تايلاند وكانت حوالى 8 ساعات
ثم من مطار بانكوك الى كونزوا فى الصين ومن كونزوا الى القاهرة
مبلغ 7200 جنيه على الدرجة السياحية ودرجة رجال الاعمال كانت عاملة 10400 جنية
ولكنى فضلت السياحية وكان الفرق للى ما يعرفش ان درجة رجال الاعمال بتختلف انهم بيبقوا اول كراسى ولون الكراسى بيبقى متغير ودرجة الراحة فى الكرسى وكمان الاكل بيوصل ليهم الاول والكوبيات بتاعه العصير بتكون كبيرة شوية وليها شكل تانى وليهم حمام مخصص للدرجة بتاعتهم وكمان شاشة العرض بتبقى L C D وكبيرة مش اقل من 25 بوصة
اما السياحية فبتبقى شاشة زى بتاعه الاتوبيس اللى هيا بتشتغل فيديو زى اتوبيسات الاقاليم كده والسوبر جيت
وبالنسبة لموضوع دخلة الصين مرة واحدة دى انا لما رحت هونج كونج جبت تاشيرة تانى للصين علشان كانت عودتى لمصر من الصين وقدمت الجواز بتاعى فى السفارة الصينية فى هونج كونج واخدت التاشيرة بتاعة دخول الصين مرة تانية بعد يوم وكانت تاشيرة دخول لمدة 15 يوم علما بأن اول تاشيرة كانت لمدة 30 يوم فى البلد
وفيه حاجه عاوز اقولها برضه ان فى الصين فتحة العداد بتاعه التاكسى 7 ريبمبى
وفى هونج كونج فتحت العداد 18 دولار هونجونكى
بس لاحظت ان حضرتك بتقول دفعت 10 دولار هونكنجى بس مش عارف ازاى
وطبعا وانا فى هونج كونج زورت الاوشن بارك وركبت التليفريك واشتريت حاجه اسمها اوكتابس ده من محطة ال المترو اسمه هناك M T R والاكتابس ده عبارة عن كرت ممغط زى الفيزا كده مدفوع القيمة وكان ب 500 دولار هونكنجى واقدر اتعامل بيه فى حاجات كتير جداا مثل لو هركب اتوبيس وعاوز ادفع مجرد بس ما اقرب الكرت من الماكينة المخصصة له فى الاتوبيس بيتم خصم قيمة التذكرة من الكرت وايضا فى عبور الحواجز فى القطارات وفى اغلب المحلات اللى بتبيع لعب وهدايا فى هونج كونج بتتعامل مع الاكتوبس ده وبالمنسبة كنت دافع مبلغ تأمين 150 دولار هونكنجى لما ارجع الكرت استلمهم ولكن هو لسه معايا
وطبعا انا جلوسى هناك كان غيرك خالص لانى كنت نازل عند واحد صاحبى
مأجر شقة فى هونج كونج فى الدور ال 20 وكان سعرها 8500 دولار هونجنكى
وبالمنسبة هونج كونج بتأجر فيها الشقق بالسنتى مش بالمتر
لانها صغيرة جداا وفيها نظام عجبنى اوى
وهو ان البلد كلها فيها كاميرات مراقبة وانت ماشى فى الشارع على الشجر تلاقيى كاميرات التصور متوصلة بالشرطة
وانت طالع فى الاسانسير متراقب
وانت داخل اى برج سكنى متراقب برضه
ولاحظت كمان وجود لوحة على باب البرج بالرقم السرى مكون من 4 ارقام
استحالة الباب يفتح الا لو كتبت الرقم صح وده طبعا علشان مفيش حاجة اسمها مندوب مبيعات وطلع البرج يقلوله تعالى جبت منين الرقم السرى اكيد تعرف حد ساكن فى البرج
وكمان الشعب الهونجنكى دايما سريع فى خطوته تلاقيه دايما مستعجل
وصعب تلاقى حد يضحك فى وشك عكس الصينيون
وافتكر وانا فى محطة المطار المتجه الى شنزن الحدود الصينية اشتريت علبة مناديل ب 6 دولار هونكنجى
واشتريت قطعة جاتوة ب 10 دولار هونكنجى
وسعر تذكرة الاوشن بارك ب 250 دولار هونجنكى وتعدى بيها مرة واحدة بس وعلى كده وهيا لسه معايا اهى مرسوم عليها حيوان الباندا
وكان فيه كمان فى الاوشن بارك غير التليفريك للتنقل من مكان لاخر اعلى الجبال
كان فيه عرض للدولفين وقضيت وقت ممتع جداا فى الاوشن بارك واكتر من عجبنى فكرة اطلالها على المحيط الهندى
والالعاب هناك فظيعة جداااا وساعتها كان عندى صداع ومقدرتش العب كل اللعب
وبالنسبة للصين روحت هناك مكان اسمه spa internatoinal
وده عبارة عن مكان شبيه لفندق لكن هو بيتكون من 2 طابق او 3
والطابق الاول بيقابلك موظفى الاستقبال وبيدخلوك مكان مليان ادراج وكل درج ليه رقم وبعدها بيقف معاك واحد وتقلع هدومك قطعة قطعة وهو ياخد كل قطة ويحطها فى درج ليه رقم معين وفى الاخر بتبقى بالفوطة بس او الباشكير
:D
ولاحظت فى الصينيون انهم بيغيروا قدام بعض عادى جدااا ومش بيتكسفوا من بعض
ولكن احنا كامصريين فينا شوية خجل وكنت متدارى وانا بغير هدومى :d
لحد ما بقيت بس بالفوطة وبعدها بتدخل تاخد شاور حمامات كتير جدااا وكلها من غير ابواب واللى قدامك شايفك وحاجه نيله :d
ولكن انا اخترت اخر حمام وكان فى المقابل حمام فاضى
المهم شغلت الماء الساخن واخدت دوش وكان فيه جميع انواع الشامبو
وكنت باخد بافترى واحد على شعرى
المهم وبعد كده وقفت فى وش جهاز زى دفاية كده
وبعدها بيديلك ملابس غريبة جديدة لسه بكيسها
بتبقى عبارة عن شورت من الكتان
وتيشرت مفتوح من الامام زى القميص كده ولكن بيتقفل بحبل مش بزراير :
d
المهم بعد كده طلبت مساج وكان ب حوالى 300 ريممبى تقعد 90 دقيقة مع موزة
صينية وممكن تلاقيها بتتكلم انجليزى مكسر
وانا قعدت معااها اعلمها يعنى ايه شورت ويعنى ايه تى شيرت بالعربى
وكنت فرحانه فرحة الاعمى انى علمتها مصرى ::crazyW14:
وهيا كانت بتعلمنى من 1 الى 10 بالصينى وانا اردد وراها وهيا تقولى فيرى جود
وبعدها ب 10 ثوانى الاقى نفسى اللى علمتهولى كله طار
هههههه
واللى لسه فاكره بالصينى هاى او التحية يعنى (نيها )
مع وجع ايدهم تحت دقنهم وانحناء راسهم لتحت
معناها اها بترحب بيك
ولما تحب تقولك شكرا تقولك شى شى
واتذكر وانا هناك حبيت اعمل فيها فهلوى واحد وهو بيعطينى تحية قولتله شى شى
راح فكرنى بتكلم بقا صينى وقعد يلضم صينى وانا رحت سايبه وماشى
وكفاية لحد كده بقا هههههه
:14369D~149:

وفى النهاية يارب اكون قدمت ولو معلومة بسيطة
وشكرا للجميع