|
رد: صوت المحرك عالي
ربنا يبارك لكم فى العربية وهى بجد عربية محترمة جداً ويكفى سعر قطع الغيار وهذا هو الدافع الأساسى لخلق اعتمادية هذه السيارة:fun_36_3_11[1]::fun_36_3_11[1]::fun_36_3_11[1]:
|
رد: صوت المحرك عالي
طيب تيل التويوتا الاصلي بكام من فضلكم ؟
من باب العلم بالشئ وشكرا |
رد: صوت المحرك عالي
ياريت تقول لنا العربية ايه عشان ممكن يكون العربية اخرها كده
|
رد: صوت المحرك عالي
تيل التويوتا ب 260 جنيه (الاصلى اليابانى)
|
رد: صوت المحرك عالي
اسف لتأخري في الرد......بصو ياجماعة مدام في ناس عندها التيل مفيهوش مشكلة معناه ان مش كل اللي نازل في العربيات دي معيوب بس اللي كان عندي طبعا معيوب ومع كل فرملة كبيرة صغيرة من اول 100 كيلو وهي بتصفر وبتعمل اصوات احتكاكية غريبة مع كل فرملة
اضطريت اني اشتري اغلى حاجة ممكن حد يشتريها والراجل كان مذهول وانا بشتري منه التيوتا الياباني الاصلي وسعره الياباني عامل 330 والتيواني تيوتا برضه عامل 270 وجبت الياباني وركبته وربنا يسهل في صوت صفارة بسيطة بس مستني يمكن محتاج وقت شوية علشان تروح بس اكيد الاصوات الغريبة في التيل القديم اختفت طبعا العربية عاملة 11 الف كيلو انا بجد اللي يحزني ان مش يكون كل العربيات فيها نفس العيوب يعني دا معناه ان العيب الرئيسي في البهوات الفنيين والمهندسيين اللي شغاليين في خطوط التشغيل والتجميع للعربية اكيد في تقصير من فئة معينة فبتطلع عربيات معينة معيوبة وطبعا لاننا دولة نايمة مش نامية وبس كمان في مصيبة اكتر اننا مفيش حاجة اسمها كوالتي كنترول زي موزمبيق العيوب اللي واجهتها زي ماقلتلكم قصة التيل الامامي - الصوت العالي جدا احيانا للموتور - وجود صوت صفير في الزجاج الامامي للسائق بعد سرعة 100 والتوكيل اما كنت بروح صيانة قلت عليها اكتر من 5 مرات في كل مرة كنت بشوف الاخ اللي بيحل المشكلة بيبص ويحط اسبراي تنضيف عالازاز في دقيقة ونص ويقول كله تمام مفيش حاجة واما مرة اصريت ان في حاجة وحاجة كبيرة اوي كمان لان دا مزعج ليا جدا طلع بالعربيه مع حد وجربها وقالي مفيش اي صوت اطمن وطبعا كان فعلا بيطمن البيبي بتاعه رغم اني مكنتش ماسك بزازة ولا اي حاجة ودي نيجي لمشكلة كبيرة ان اللي بيتكلم معاك بيفتكر كتير اوي انه اذكى منك لدرجة العبط رغم انه ميعرفش احياانا كتيرة انه ممكن يكون بيتكلم مع حد اعلى في التفكير من اللي شافهم كلهم في حياته متجمعين علشان مش اكون سودت الحياة للي الناس اللي سألتني حقول عالحاجات اللي بحبها فيها اكيد الارتفاع عن الارض وعدم الحك مع اي مطب زي عربيات تانية كتيرة بنشوفها الثبات الجميل عالسرعات العالية والاتزان بتاعها الراديو بحبه مش عارف ليه معجب بفكرة انه في الزجاج الخلفي:lvly: شكرا للجميع |
رد: صوت المحرك عالي
اقتباس:
مع أحترامي ... المشاكل البسيطة دية موجودة في أغلب العربيات حتى الأوربية صناعه بلدها زميلي في الشغل أشترى فيات بونتو كلاسيك كان كل صيانة لازم يغير تيل فرامل على حسابه ويقولو خلاص المشكلة اتحلت وعلى طول الفرامل عنده بتصفر واشتكي امر الشكوي ... لدرجة انه راح عمل للتوكيل محضر في القسم وبعدين عمل شكوى في حماية المستهلك ... وتم حل المشكلة في النهاية بتغير التيل والطنابير على حساب التوكيل انا بقولك على الحكاية دية عشان متصدقش المقولة بتاعت ((( أقولنالك ابعد عن الصيني ))) حاجة تانية واحده زميلتي اشترت فيرنا فول أوبشن نزلت اتفرج عليها شكلها من جوه فااااااااااااضي ومتحسش بالفخامة نهائي وتقفيل يقرف وعندها مشكلة في الزجاج كل ماترفع الزجاج يصفر بصوت مزعج جدا ...... والله العظيم قولت الحمد الله على الـ BYD وهكرر تاني المشاكل دية موجودة في أغلب العربيات في جميع الموديلات ومش الصيني بس بس أحنا مستنين أي عيب يظهر في العربيات الصيني عموما ونضخمه ونظهره للناس عشان نقتنع ان منتج معفن مع ان نفس العيب لو ظهر في عربيه ذات ماركة مشهورة ... منصدقش |
رد: صوت المحرك عالي
ان كان على مصايب السيارات التانية فىه كوارث موش مصايب بس الواحد بيقول خلى الطابق مستور
|
| الساعة الآن 04:32 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017