رد: كل ما يخص الشهر العقارى
 

كلامهم صحيح خذ العقد الابتدائى وصورة التوكيل وارفقهم فى ملف السيارة القديمة

رد: كل ما يخص الشهر العقارى
 

رد: كل ما يخص الشهر العقارى
 

قولى موديل السيارة سنة كام

رد: كل ما يخص الشهر العقارى
 

1300 cc سوزوكى سويفت وموديل 92 -3 سلندر وشكرا للرد جزاك الله خير

رد: كل ما يخص الشهر العقارى
 

الرسوم هى 160 جنية
اما بالنسبة لعنوان الشهر العقارى فمن حقق تعملة فى اى مكان ولكن نظرا للغلاسة اللى بيعملوها الموظفين برفض عناوين خارجية شاترى دماغك واعملة بالشهر العقارى التابع لوالدك فى البطاقة
اذا كان بمدينة نصر عنوان والدك بالبطاقة يبقى هتروح مكتب توثيق مدينة نصر
عمارات عثمان – ش عباس العقاد
اما بالنسبة تعمل ايه والدك يذهب للشهر العقارى ومعاه الرخصة والبطاقة الخاصة به سارية ويقولهم عيز انقل ملكية
وبعد كده انت هتاخد العقد والرخصة وتروح المرور تنقل ملكية هناك وتبقى الرخصة باسمك يعنى هتفحص وتامينات وضرائب وحوار المورو الرخم ده
بس الافضل انك تروح المرور قبل انتهاء الرخصة مثلا بشهر
اما بالنسبة للشهر العقارى ممكن تروح فى اى يوم بس انت متمضيش مشترى

رد: كل ما يخص الشهر العقارى
 

وبعد كده انت هتاخد العقد والرخصة وتروح المرور تنقل ملكية هناك وتبقى الرخصة باسمك يعنى هتفحص وتامينات وضرائب وحوار المورو الرخم ده
طيب حضرتك متعرفش المصروفات قد ايه ؟؟ وايه حكاية الفحص ده لانى مش فاهموه خالص بيفيد فى ايه يعنى ؟؟؟

بس الافضل انك تروح المرور قبل انتهاء الرخصة مثلا بشهر
اما بالنسبة للشهر العقارى ممكن تروح فى اى يوم بس انت متمضيش مشترى

يعنى حضرتك تقصد انى اروح االمرور انقل الملكية رسمى فى اخر شهر فى تاريخ انتهاء الرخصة مظبوط كده !! واروح الشهر العقارى فى اى وقت بس ممضيش مشترى ليه امال حنقل العقد باسمى ايزاى يا ريت توضحهالى دى والف الف شكر بجد تعبتك معايا ربنا يكرمك ويوفقك فى حياتك

رد: كل ما يخص الشهر العقارى
 

انا معرفش التكاليف فى المرور كام لانها حسب الموديل والسى سى اما الفحص هو تطابق رقم الشاسية والموتور وطفاية الحريق والمريات وممكن والدك يقولك عليه

اما نقل الملكية فانا بقولك متمضيش علشان لو مضيت فى الشهر العقارى مشترى يبقى لازم تروح المرور فى خلال شهر من العقد واما هيسقط والعقد وتعمل عقد جديد اما لما متمضيش بتروح بعد ان شاء الله سنة المرور وتمضى هناك