رد: اسئلة تهم المبتدئين فى عالم السيارات
 

دي طريقة كوية و انا بستخدمها كتير بس دي صعبة علي ناس كتير عشان كده انا هقول لكم علي حاجة كنت بعملها قبل ما اتعلم الميزان و هي انك ترفع فرامل اليد و تطلع عادي و اول ما تحس اني العربية هتتحرك تقوم منزلها بسرعة

رد: اسئلة تهم المبتدئين فى عالم السيارات
 

بصي هو اولا مفيش حد معصوم من الحوادث بس في حاجة عايز اعلق عليها في كلامك و هي انك بتمشي ببطء و دي حاجة طبعا حلوة بس مش دايما لاني في مواقف يتطلب فيها السرعة و كمان من باب الرحمة بالغير يعني مثلا الاقي واحد ماشي قدامي علي 40 و الطريق حارة واحده و الطريق فاضي ادامه خالص يعني هافضل وراه لاخر الطريق و دي حاجة تنرفز علي الاخر

رد: اسئلة تهم المبتدئين فى عالم السيارات
 

شكراً على الموضوع الجميل دة ولكل المشاركين فية
احب اسأل كام سؤال :
1- البوجيهات الجديدة اللى بسلك متوصل على الموتور اية فايدتها بالظبط و هل ليها اضرار
2- فلتر الهوا اللى زى الابجورة اللى فى محلات كتر اية لازمتة
3- العربية عندى اول ما تدور تطلع صوت عالى وال ار بى ام بيوصل ل 2ونص بعدين شوية ويهدى قاللولى عيب كومبيوتر وعيب صمامات محتاج اعرف العيب فين بالظبط
4- احياناً بعد مشوار طويل العربية تحس انها بتنهج يعنى ال أر بى م بيهز وواضح اوى

وشاكر ليكو جدا انتو منتدى رائع ودى اول مرة ليا فى المنتدى واول مشاركة يا رب تفيدونى

رد: اسئلة تهم المبتدئين فى عالم السيارات
 

والله روعه
ممتاز
اية الجمال ده يا اخلى اعضاء فى الدنيا
اللى عاجبنى المعلومات اللى فى الموضوع والاكتر منها ان كل واحد عايز يفيد اخوة او اختة
يار يت نبقى كدة فى كل حاجة
الى الامام يا احلى منتدى سيارات فى الدنيا (شكرا مصر موتور)

رد: اسئلة تهم المبتدئين فى عالم السيارات
 

طيب سؤال ؟
لو العربيه جر امامى فرملة اليد هتكلبش العجلتين الخلفيتين
ولو العربيه جر خلفى كلبشة فرملة اليد هتبقى فين بالضبط ؟