رد: اجمد تعديلات على فيات (( وتحدى ))
تتكلف كام عشان تبق بالنضافة دي والشكل دا
وتعديل الاداء يتكلف كام؟ |
رد: اجمد تعديلات على فيات (( وتحدى ))
اولاً يا مايك يا اخويا البى ام اللى كانت معاك ربنا يعوض عليك وتجيب احسن منها ان شاء الله بس ال 132 ركوبة بعيدة اوى عنها فانا خايف بعد التعديل كمان متعجبش مقارنة بالبى ام
وبالنسبة للتعديلات اللى فى الفيديو الفيبر بالكتير 500 جنية عتب وكساحات ولو هتعمل فيها شوية سمكرة على دوكو نظيف اوى هتخش فى 2 - 3 الاف جنية يعنى ممكن فى رينج 5 الاف تظبطها برة وجوة فرش واكسسوارات تبقى احسن من اللى فى الفيدو كمان التونينج ممكن ياخد معاك خمسة كمان وممكن عشرة كمان لانك هتغير موتور (يستحن تجيبة كامل بكل حاجتة) ده غير اى تعديلات تانية فى الحوض (شدادات - قواعد موتور) ده غير غير ريداتير اكبر واحدث ده غير طرمة بنزين وبوجيهات فلاتر سبور وسلوك بوجيهات سبور وباقى اكسسوارات التوننج وبالنسبة للمواتير هى ليها موتور 2000 سى سى عادى 2.0 litre petrol with Bosch L-jetronic fuel injection producing 122 hp (91 kW) 1995 cc والفين بسوبر شارجر وديه الموديلات بتاعة ال 132 والارجنتا الاخيرة تمانينات بس مليش فى قطع غيار الفيات ممكن تجيبها منين وبكام |
رد: اجمد تعديلات على فيات (( وتحدى ))
جديد موتور الفيات التيبو فى بورسعيد 2000 سى سى 16 صباب
من أقوى مواتير الفيات وأحسنهم لل132 |
رد: اجمد تعديلات على فيات (( وتحدى ))
اقتباس:
اولا انا عمري ماسمعت ان في موتور 132 سوبر شارجر فا ياريت توضحة اية دا لان انا بجد جديد في الفيات خالص انا هقولك دماغي عايزة اية وانت قولي هتاج اية انا عايز عربية نضيفة واسعة متكنش شكلها عرة يعني وانا بتكلم عن ال32 مش اي عرلابية تانية يعني عايزها زي ما بقولك كدا من حيث الشكل متكنتش يعني زي ال32 الي بنشوفها طالع عين اهلها دي عارف ان دا كلو سمكرة وحجات من دي ورش نيجي بقي للاداء انا عايز عربية سحبها حلو مش وهمي يعني وانا عارف انها حتي مش هتقرب للبي ام خالص لان البي ام حتي لو اتزنقت وحطتلها 80 بتجري ولا كان حاجة حصلت تفتكر ال32 ممكن يكون ليها موتور ميخربش بيتي يعني لان مشاويري طويلة اوي ويكون سحبة حلو وابن ناس زي العربيات الكوري او الصيني مثلا مش بي ام ولا مفيش منها رجا يعني بطة بلدي زي الي بنشفها وهل العربية دي ممكن توطا شوية ويركبلها جنوط كبيرة ولا متستحملش وهل ينفع ليها تكييق وباور والكلام دا ولا بردو لا يعني من الاخر ممكن تقرب من انها تكون حديثة بنسبة كام بتكلفة مش كبيرة في العادي يعني معلش انا عارف هتعبك معايا بس انت بقي موسوعة يعني ربنا يحميك فا شوف كدا وقولي تنصحني بئية المسافة الي ممكن امشيها في المستقبل القريب حوالي 230 كيلو في اليوم وبالمناسبة البي ام كانت 1800 سي سي وكانت بتستهلك في ال350 كيلو 30 لتر تقريبا 92 واقل بكتير لو 80 دي بالموتور الي هترشحهولي هيبق نظامها اية اسف بجد طولت عليك معلش |
رد: اجمد تعديلات على فيات (( وتحدى ))
اقتباس:
ازاي ينفع لل32 معلش اصل بجد مش عارف فا اتمني معلومات اكتر وسعرة كام معلش هتعبك معايا |
الساعة الآن 07:07 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017