رد: اى سؤال بخصوص الرخام و الجرانيت انا تحت امركم
 

السلام عليكم..
كان عندي استفسار اخر بالنسبة للارضيات
لو عملتها من نوع الفلتو المصري ... ايه رأي حضرتك فيه و سعر المتر بتاعه في حدود كام .. و لو حضرتك ليك نصيحة عن نوع معين يتعمل في الارضيات و يبقا سعره مش عالي و جودته عالية
و شكرا ع مجهود حضرتك

رد: اى سؤال بخصوص الرخام و الجرانيت انا تحت امركم
 

اولا اسف جدا على التأخر فى الرد
بخصوص الارضيات من رخام مصرى سواء فلتو او جلالة او صنى فهى للاسف لاتصلح نظرا لمشاكل تلك الخامات من تمليح وتنقير . الخيار الافضل اما رخام مستورد مثل الامبرادور اللايت ودة سعرة يبداء من 500 جنية للمتر المربع او تركيب ارضيات بورسلين
مع خالص تحياتى

رد: اى سؤال بخصوص الرخام و الجرانيت انا تحت امركم
 

لو تسمح انا بعمل رخامة المطبخ فطلبنا من بتاع الرخام يعملنا جيرانيت علشان الشقة ايجار والجيرانيت يتحمل النقل فجابلنا نوع هندي لونه بيج منقط بلون اسود او زيتي كدة سعر المتر منه ب 700 جنيه . وبعدين رجع قال الكمية اللي معاه مش هتكفي فهيعملنا رخام اسمه كاليمارا سعر المتر منه 750 . هل الرخام سعره اعلي من الجيرانيت ولا انضحك علينا . وهل الكاليمارا ده كويس في الصلابة واللمعان ويمكن نقله وتركيبه لمكان اخر؟

رد: اى سؤال بخصوص الرخام و الجرانيت انا تحت امركم
 

بصفة عامة لاينصح بعمل قرص المطابخ من الرخام . اما بخصوص نوعية الرخام الكاليميرا فهو رخام تركى لونة بيج ويحتاج للمحافظة الشديدة وخصوصا من الزيوت حيث تسبب بقع لايمكن ازالتها .
اما بخصوص الاسعار فلكى لا اظلم احد شغل المطابخ تحديدا لا يمكن تقييم السعر الا بعد رفع المقاسات وايضا معرفة مكان التركيب ( لحساب تكلفة النقل ) وايضا معرفة الشقة بالدور الكام ( لحساب تكلفة التشوين ) فشقة بالدور الاول تختلف عن شقة بالدور السابع مثلا . واخيرا كمية الرخام بالمتر المربع ( تكاليف مطبخ باجمالى 4م2 تختلف عن مطبخ 10 م2 )
مع خالص تحياتى

رد: اى سؤال بخصوص الرخام و الجرانيت انا تحت امركم
 

انا ليا استفسار هو الجرانيت لسلام العمارة اية احسن نوع ويستحمل و تكلفة ممكن تكون فى حدود كام ؟ شكرا