رد: Bolbolan يطلب المساعده فى التفكير لشراء....
 

النيو اكسنت اللي بسمعه عنها انها ثباتها حلو و سريعة و كويسه بس عفشتها ناشفه و حاجتها مولعععععععععععععععععععععع ععععععععععة فعلا حاجتها غالية جدا جدا جدا ولا اكنك راكب الماني مثلا !

النيو سيراتو تحفه جميلة جدا في نظري رغم اني مبحبش الكوري و عندي الابيزا بتاعتي احسن منهاptmnlo123per122 ده عندي انا مش عند الناس ptmnlo123per1147


بس بصراحة النيو سيراتو احسن بكتير انما فرق ال 45 الف انت اولي بيه طبعا خصوصا ان الاكسنت موتورها جراي برضه 1600 cvvt و 113 حصان مش ضعيف يعني بس اضيق من السيراتو و شكلها مش حلو زيها انما هي كلها مبررات يمكن التغاضي عنها في سبيل 45 الف جنيه مصري فقط لا غير ptmnlo123per122

رد: Bolbolan يطلب المساعده فى التفكير لشراء....
 

صباح الخير يادكتور اسمحلى اقولك رأيى المتواضع.......... طبعا النيو سيراتو الجديدة تحفة بجد......... وافضل من الاكسنت بكتيير فى كل حاجة .... كماليات وفخامة وقوة ومتانة وعفشة وثبات ........ قول للصبح ..... بس بصراحة 45000 جندى مش شوية دى فرقة مشاة كاملة تقدر تدخل بيهم حرب فى الظروف اللى زاى الزفت اللى احنا عايشينها دلوقتى وحضرتك اولى بيهم طبعا لكن لو بيتدور على حاجة تشبه السيراتو فى كل اللى انا قولته يبقى عليك وعلى الواجا بروتون تكنولوجيا انجليزى وتقفيل ماليزى بس ممتاز وبجد تحفة وافضل من الاكسنت والسعر تقريبا زاى الاكسنت بس الوكيل بتاعها رخم شوية فى التعامل وقطع الغيار مش هاتلاقيها غير فى التوكيل واغلى شوية من الاكسنت بس الغالى تمنه فيه
وده رأى ورزقى على الله وربنا يوفقك ان شاء الله

رد: Bolbolan يطلب المساعده فى التفكير لشراء....
 

هقولك على موقف حصل امبارح ابويا قالى تعالى نبيع الفيرنا و نجيب سيراتو و بالفعل روحت المعرض اللى قدام البيت عندى و اتكلمت معاهم شويه ليت نفسى هادفع 60 الف جندى زياده على حبيبتى الفيرنا

و طبعا روحت للابويا قولتله قالى على ايه ده كل الفيرنا ماله مش ماشيه و فيها تكييف و كل الاسطه طبعا ياسطه يبقى بلاها سيراتو و تحيا الفيرنا

الكلام على لسان ابويا ( انا يعم اروح اتجوز با60 الف دول ) هههههههههه

من الاخر كده النيو اكسنت انا شايفها ممتازه جدا جدا صحيح خامتها الداخليه فقيره نسبيا بالنسبه للسيراتو لكن العربيه ممتازه

و عن تجربه ثبات رائع حتى 175 و بعد كده بيقل جامد
الموتور هو هو موتور الفيرنا بس زاده عليه خاصيه ال cvvt
و ايضا كل بوجيه بموبنه منفصله و دى ميزه عن النظام القديم ( الاول لو الموبينه فصلت يبقى العربيه هاتقف لكن لو كل بوجيه يموبنه يبقى لو فصلت واحده العربيه هاتمشى برضو لكن هاتكون مثلثه )

بس انا عاوز اقول حاجه الاولاد زمان غير دلوقتى لازم نبص لعامل الامان شويه

انت لما كنت بتديهم الكرولا كانوا لسه فى الاول و بيخافوا و كده من السواقه دلوقتى لو معاهم عربيه جديده بموتور احدث من الكرولا اكيد اكيد هايجروا على الاقل من اجل تجرييب العربيه و هنا بقى لازم نبص لعوامل الامان اللى مش موجوده فى الاكسنت و موجوده فى السيراتو

ولا انت ليك رائى تانى

و بخصوص السيراتو بتتمتع بالموتور الجاما 2 و هو الموتور المعدل لموتور الالينترا جاما 1 و دى بصراحه كل معلوماتى عنها

لو انت عاوز السيراتو بدون حجز ممكن اجيبهالك بس هاتكون خليجى غالبا و هاظبطك فى السعر ماتقلقش

رد: Bolbolan يطلب المساعده فى التفكير لشراء....
 

مافيش بعد كلام احمد باشا كلام

رد: Bolbolan يطلب المساعده فى التفكير لشراء....
 

انا راي يا دكتور انك تبص للموضوع من جهة تانية
اية اللي السيراتو هتديهولك و مش موجود في الاكسنت.و هل فعلا محتاج الفرق ده و لا لا. اذا كنت محتاجه او شايفة ضروري يبقي خليك علي السيراتو او اي بديل ليها بنفس الامكانيات اللي انت محتاجها و اذا لا فتوكل علي الله في الاكسنت و مفيش مانع تبص علي منافسيها من حيث الفئة السعرية او الامكانيات.

تاني حاجة انا شايف ان اكبر فرق بين العربيتين هو الحجم و اعتقد ان اي مشوار هتطروا تروحوا فيه كلكم اكيد هتخلي حد من ولادك يسوق و غالبا هيكون بعربيتهم الكرولا فاعتقد مشكلة الحجم محلولة

و بالتوفيق في اختيارك

رد: Bolbolan يطلب المساعده فى التفكير لشراء....
 

في الحالات اللي زي دي يا دكتور لازم نقول كلمة حلوة قوي المصريين بيحبوها الا وهي.....
(ما تيجي نقسم البلد نصين)

حضرتك بتقول انك عايز تجيب نيو أكسنت أوتوماتيك ودي تمنها أعتقد 83 ألف وتحتفظ بالكورولا اللي تمنها 45 ألف
طب ما أنا عندي اقتراح أشد بكتير
_احنا نبيع الكورولا أم 45 ألف وناخد منهم 10 ألاف نزودهم على ال 83 بتوع الأكسنت ونجيب نيسان صني أوتوماتيك (بالأيرباج وال أيه بي اس) ...... واسمك راكب ياباني....والصني عربية جميلة وحتعجبك جدا
وزيفضل معانا 35 ألف ممكن نجيب للأولاد اللي هما عايزينه في الحدود دي
ممكن شاهين...فيليشيا....ابيزا. ...كورسا....اللي حضرتك تلاقيه مثلا حالته حلوة


ايه رأيك بقى في الفكرة دي؟!

رد: Bolbolan يطلب المساعده فى التفكير لشراء....
 

الله الله عايزين آراء كمان ! أنا شايف لغاية دلوقت الغالبيه بتقول سيراتو ! يمكن علشان حبايبى نفسهم

حد من المنتدى يبقى عنده سيراتو أو فعلا شايفين انها الآحسن و الآفضل ( ماختلفناش ) بس أنا برده

لسه ما حدش قال لى ان عنده أكسنت أو عند حد من قرايبه علشان ناخد معلومات مباشره موش من كتيب !

عموما أنا لسه متصل تليفونيا بمعرض سيارات فى النزهه الجديده و هوه ما يعرفنيش و سألته عن النيوسسراتو

و قاللى عنده خليجى كاملة المواصفات و ب 119500 ج يعنى أرخص من التوكيل ب 6400 ج و طبعآ العهده على

الراوى و سأنزل مساء أعاينها لمجرد العلم بالشىء !

يا جماعه شراء سياره ده زى الجواز ممكن يبقى عن حب أو زواج عقل أو الاثنين ! ويبدوا انى ح أدوخكم

و أدوخ دوخة الدكتور درش ! ( الا م الحق يعنى مافيش ولا كلمه عن الاسبرانزا يا درش ؟؟ )


Dr. Bolbolan ptmnlo123per1127