مصر موتورز مجتمع السيارات - باركوا لي يا جماعة اشتريت اول عربية في حياتي (جوليييييييت) ومحتاج نصائح

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

رد: باركوا لي يا جماعة اشتريت اول عربية في حياتي (جوليييييييت) ومحتاج نصائح

والله وانا كمان لسه شارى جوليت من 3 اسابيع عملت حاات كتير جدا بس الاهم انك تعرف ميكانيكى كويس علشان يبص على الموتور وهو هيقولك تعمل ايه بالظبط ولو انت قريب من حلوان ممكن اوصفلك ميكانيكى شاطر جدا واسعاره كويسه وده اللى انا بتعامل معاه

رد: باركوا لي يا جماعة اشتريت اول عربية في حياتي (جوليييييييت) ومحتاج نصائح

اقتباس:

المشاركة الأصلية كتبت بواسطة مشمش1 (المشاركة 757773)

والله المستعان

ياباشا تسلم
انا هشوف حوار زرار الامان

رد: باركوا لي يا جماعة اشتريت اول عربية في حياتي (جوليييييييت) ومحتاج نصائح

اقتباس:

المشاركة الأصلية كتبت بواسطة هانى عيسى حسان (المشاركة 757849)

ياباشا ربنا يباركلك فيها ويكفيك شرها
انا علي فكرة من بنها ورحت لميكانيكي وبصلي علي الماتور وقاللي حالته حلوة بس في شوية حاجات كده هيغيرها بس لما اروحله بالنهار ويكشف عليها صح ده بعد ما عملتلها سيرفس كامل

رد: باركوا لي يا جماعة اشتريت اول عربية في حياتي (جوليييييييت) ومحتاج نصائح

اقتباس:

المشاركة الأصلية كتبت بواسطة m_ss2 (المشاركة 757843)

========================= =====
والله اعلى واعلم

يا فندم كلنا خبطنا كدا فى الاول والحمد لله لاقينا الى يفيدنا
وانت كمان جزاك الله خير لما تعرف حاجة متبخلش بيها على غيرك

ياباشا انا فعلا بتعلم حاجات هنا كتير جدا وفعلا بتنقذ الواحد من مواقف كتير ومبتخليش الالصنايعيه يمرمطوا فيك ويستغلوا جهلك واكيد اي معلومه هعرفها مش هبخل بيها علي حد

وسؤال بس كده علي الطاير (اشايك علي العفشة واربط الاول واضبط زوايا وارصص بعد كده ولا مش هتفرق اعمل ايه الاول!)
والميكانيكي كان بيقوللي اجيب رنجات للجنوط عشان محملش علي المسامير!
هل الكلام ده صح ومفيد ولا مالوش لازمه!

رد: باركوا لي يا جماعة اشتريت اول عربية في حياتي (جوليييييييت) ومحتاج نصائح

مبروك وعقبال المرسيدس
:12C186~161:

رد: باركوا لي يا جماعة اشتريت اول عربية في حياتي (جوليييييييت) ومحتاج نصائح

واللهى يا باشا مش هقدر أفيد حضرتك الا فى حاجتين تربيط العفشة يوم ما يتمعظم عشرين جنية 20.
بالنسبة لغسيل الردراتير حضرتك ممكن تعملو بنفسك بتفك خرطوم الراجع بتاع المياة اللى خارج من الموتور وداخل على الردارتير وتحاول تبعدة عن كبوت السياترة وأى أسلاك تبع السيارة وتجيب خرطوم مياة وتدور العربية وتحط الخرطوم فى فتحة غطاء الردارتير وتفتح المياة ومن الخرطوم اللى حضرتك حطه خارج السيارة بص على المياة اللى خارجة منه لونها أيه بنى ولا مياة عادية وبعد لما المياة تبقى صافية بطل المحرك وركب الخرطوم تانى وضيف مزيل للصداء مع المياة وأسال ميكانيكى تمشى بيه أد ايه وبعديت تعمل نفس الحركة ويا ما بعد كده تحط مياة خضراء أو مياة من الحنفية وكل سته شهور سنة دورة نظافة لدورة التبريد ملحوظة لو حضرتك حتحط مياة خضراء حط الأصلية وديه تمانها فى حدود 120 جنية فما فوق متحطش من أما 20 ولا 30 الأنواع الرخيصة ملهاش لزمة.
أرجو انى أكون قدرت أفيد حضرتك ولو بالقليل.
وآلف آلف مبروك على العربية ربنا يديك خيرها ويبعد عنك شرها.

أخوك محمد
:fun_36_3_11[1]::fun_36_3_11[1]::fun_36_3_11[1]:

رد: باركوا لي يا جماعة اشتريت اول عربية في حياتي (جوليييييييت) ومحتاج نصائح

اقتباس:

المشاركة الأصلية كتبت بواسطة goudai (المشاركة 758464)

مبروك وعقبال المرسيدس
:12C186~161:

متشكر جدا يا باشا