المشاركة الأصلية كتبت بواسطة ahmedkhaled754 (المشاركة 755711)

انا عندى لادا روسى 2006 بس كاربراتير و كان عندى نفس المشاكل دى بس أحب أقولك
1- البوش فى اللادا عادى جداً طالما فى حدود معقولة لأن كل اللادا الدركسيون بتاعها مش بيبقى مظبوط عالشعرة يعنى و حتى لو غيرت العلبة أو روحت لحد يرجلش عليها بردو البوش مبيختفيش نهائيا و بردو الراجل بتاع العفشة هو الى يقدر يفيدك أكتر عن حلول البوش دة
2- اللادا عربية تخليك تقلق من السفر بس لو ظبطها كويس قبل السفر متقلقش من أى حاجة لحد 100 حاتلاقيها تمام معاك :THUMBS~220: و أهم حاجة قبل ما تسافر يبقى معاك سير دينامو و جركن مياه 5 لتر و تروح للميكانيكى و العفشجى قبل السفر يتأكدو إن كل حاجة تمام.
3- موضوع الغربلة هو ترصيص زى ما أستاذ شريف قال.

المشاركة الأصلية كتبت بواسطة mr_astra (المشاركة 755796)

المشاركة الأصلية كتبت بواسطة KHALED89 (المشاركة 755626)

انا معايا لادا 2107 روسى انجيكشن موديل 2006 العربية مخليانى ماشى وانا قلقان وخايف اطلع على طريق سريع:hd:
العربية لما بعدى بيها ال100 بحس ان العربية بتتهز وبتغربل دى اول حاجة
تانى حاجة العربية بقت بتحدف يمين حتى وانا ماشى وسط البلد بردو بتحدف ولازم اعدل العربية بالدريكسيون تانى
تالت حاجة البوش الى ف دريكسيون العربية تعبنى اوووى وخايف افتح علبة الدريكسيون بنفسى لاحسن ابوظ حاجة لاقدر الله
ان شاء الله انا ناوى اصلح العربية عند بتاع العفشة بس ياريت من حضرتكم تعرفونى وايه الحل للمشاكل دى لانى مش عايز بتاع العفشة يضحك عليا
وحاجة اخيرة امتى اعرف ان البيض بتاع العربية محتاج يتغير ؟؟

المشاركة الأصلية كتبت بواسطة محمد حسن عبد الرحمن (المشاركة 755941)

زى ما الرجالة قالت لك مستر أسترا وأستاذ شريف بس هى حاجة مش مقلقة أوى أنا معايا لادا 2106 بها الأتى حاليا العفشة محلولة وبتحدف يمين مع الفرامل وعايزة ظبط زوايا وترصيص وعلبة الدركسيون فيها بوش وعضة وبيتهيالى زيت علبة الدركسيون قد يكون ناقص والطار لما أجى الفها تلقى زى تزيقة حديد فى حديد وتيل الفرامل بحاجة شديدة إلى تغيير وبتبطل على السلانسية وفيها كهرباء مقدمة والفردة اليمين وراء فيها صفارة وتزيق بسبب تيل الفرامل وأكيد الطنبورة أو القرص بحاجة الى وش نظافة عند الخراط مستنى لما ربنا يكرم بفلوس وأعمل الحاجات دية وبطلع بيها صحرواى ودولى وبجرى بيها بس أهم حاجة حضرتك تكون متحكم بالسيارة تحكم كامل حتى لو فيها حاجات أكتر من كدة المهم التحكم الكامل وأن مفيش حاجة تخلى العربية توقف منك على السكة غير كده جمد قلبك وأتكل على الله ومتقلقش من حاجة وبلاش سرعات عالية لغاية ما تعمل الكردان.
[/RIGHT]