|
رد: فيها إيه لو " لو جان "
اللوجان افضل عشان احنا عايشين في المحروسه
يعني عفشه و قطع غيار استيراد و ثبات وانا جربت العربيتين وحسيت ان اللوجان افضل لمصر |
رد: فيها إيه لو " لو جان "
اتكل على الله وهات اللوجان...ان شاء الله هتبسط جدا..وده بعد طبعا متصلى صلاة استخارة..والله الموفق
|
رد: فيها إيه لو " لو جان "
اعتقد ان اللوجان مهما قيل عن انها تكنوولوجيا قديمة هتكون احسن من الفيرنا بكتيير
|
رد: فيها إيه لو " لو جان "
اقتباس:
أنا معايا الفول أوبشن مشيت بيها 2000 كيلو عشرة على عشرة فى كل حاجة بأمانة بافكر فى أى حاجة سلبية لقيتها فى الفترة دى عشان اكتبها و مش لاقى أنا مستغرب ان فيه ناس بتهاجهمها من غير ما يجربوها .. أنا من الحاجات اللى عجبتنى فيها أول ما رحت أشوفها فى المعرض، شياكة الصالون والتابلوه عشان كده أنا باستغرب جداً من الناس اللى بتقول ان الخامات الداخلية وحشة وشكل التابلوه مش كويس لدرجة انى شكيت فى نفسى ، وبقيت كل ما أركب عربية حديثة مع زميل أخلى بالى من الصالون والتابلوه .. ولقيت ان صالون اللوجان لا يقل عن أى عربية شفتها ان لم يكن أشيك .. أكبر دليل على نجاح اللوجان ان عليها ضرب نار .. واللى بيشترى ، بيخللى عشرة غيره يشتروا .. أنا فيه 2 راحوا حجزوا بناء على تجربة عربيتى .. وحضرتك لما تروح تحجز هتلاقى قائمة انتظار فى التوكيل لغاية شهر مارس .. |
رد: فيها إيه لو " لو جان "
ع فكره لوجان الماتور بتعا متطور يعنى مش قديم او تكنولوجيا قديمه جدا ولا حاجه التسارع مرضى جدا انا بجيب 14 بسهول وثبات ماشاء الله وجبت بيها ع الصحرواى 160 وثبات عالى وتسارع مرضى جدا تعالو نفكر عايزين ايه تانى ف عربيه انا بتكلم عن نقطه التسارع الى جانب المميزات الاخرى ال ف السياره |
رد: فيها إيه لو " لو جان "
مين اللي بيتكلم علي التسارع دي بتنطلق من الثبات الي ال100كم في 11.5
الخامات والفرش الداخلي احسن 1000 مرة من الفيرنا ومننساش ان اللوجان قبل ما يتشال من عليها الجمارك كانت في فئة الاوبترا (مثلا) وايه هو الموتور القديم دة الموتور دة كانت الميجان شغالة بيه لحد 2004 تقريبا والموتور سحبه ناعم وكل حاجة وغير ان الفول اوبشن فيها كل ماتتخيله من جراب النضارة لحد كمبيوتر المعلومات والعفشة عالية والصالون واسع جدا ياخد 3 ورا مستريحين و الشنطة 510 اتر يعني تحط فيها اللي انت عاوزو ومع احترامي للجميع اللي مجربش العربية يجربها ويتكلم وبلاش كل واحد يقول اللي هو عاوزه عن العربية وبمزاجه |
رد: فيها إيه لو " لو جان "
مميزات الفرنا موتور قوى, شكل داخلى احلى و اكثر تطوراً من اللوجان, سهولة الصيانه, سعر إعادة بيع جيد, قطع غيار منتشره و بأسعار معقوله, مفيش عيوب كبيره, اداء العربيه و التسارع افضل من اللوجان و إستهلاك بنزين اقل و عيوبها عدم الثبات على السرعات العاليه
مميزات اللوجان وجود ايرباج, شكل خارجى أفضل, عربيه اوسع و اريح و عيوبها شكل داخلى من القرون الوسطى (سئ للغايه) و عدم إنتشار قطع الغيار و ارتفاع سعرها نسبياً و إن كانت قطع الغيار حتنتشر نتيجة إنتشار العربيه و سعر إعادة البيع مش كويس حتى الأن و حضرتك ممكن تفكر فى البروتون الساجا الجديده و ده لينك لموضوع مقارنه بين لوجان و بين ساجا http://www.masrmotors.com/vb/showthr...526#post108526 و ده لينك لموضوع مقارنه بين الفرنا و اللوجان عامله الدكتو عمر http://www.masrmotors.com/vb/showthr...536#post108536 |
| الساعة الآن 01:31 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017