|
رد: نصائح للحفاظ على درجة حرارة المحرك
اقتباس:
اقتباس:
تمام والله يا بشمهندسين الواحد مش عارف كان هيعمل اية من غيركم شكرا على الخبرات و المعلومات الوافية و الجميلة ديت |
رد: نصائح للحفاظ على درجة حرارة المحرك
موضوع مميز جدأ يا لانسر باشا و ردود جميلة جدا من سامح بك و يونس بك بارك الله فيكم جميعا و الحقيقة انا بمناسبة السخونة لى سؤال هل تشغيل التكييف اثناء توقف العربية ( يعنى مشغل التكييف و هى واقفة مش بتجرى يعنى ) هل هذا لة أضرار على الموتور أو يسبب فى سخونة أكثر للعربية أم أنة عادى و لكم جميعا وافر الشكر |
رد: نصائح للحفاظ على درجة حرارة المحرك
شكرا على المعلومات القيمة و بالمناسبة المياه الخضرا هى مياه مضاف لها مادة ايثيلين جليكول بنسبة حوالى 40 - 50 % لأن درجة حرارة غليانها عالية حوالى 129 درجة مئوية لو بنسبة 50 % و المادة فى حد ذاتها تقريبا 190 درجة و لكن لا ينصح بزيادة نسبتها لأن نقلها او معامل توصيلها للحرارة أقل من الماء العادى فيعمل الماء على امتصاص الحرارة و الايثيلين جليكول على رفع درجة غليانها
|
رد: نصائح للحفاظ على درجة حرارة المحرك
اقتباس:
انا مقدرش افيدك اوي في النقطه دي يا دكتور ... لكن من تجربتي الشخصيه ... بشغل التكييف عادي و العربيه واقفه ولمده طويله بدون اي مشاكل .... متهيألي ( والله اعلم )إن كمبرسور التكييف غير مرتبط بعدد دورات الموتور .. وإن موضوع السخونه يفرق مع العربيات القديمه ... اللي مجرد وقوفها دايره ممكن يسخنها ... لكن العربيات الجديده طالما دوره التبريد كويسه ومحكمه ... مبقلقش من تشغيل التكييف... لكن برضو ميمنعش اني كل شويه ببص على امبير الحراره .. الحاجه اللي دايما بعملها لما اجي اشغل التكييف لما تكون العربيه واقفه في الشمس ... بفتح الازاز و المروحه الاول على اعلا سرعه ... و ابتدي امشي بالعربيه دقيقتين تلاته .. لحد ما الهوا السخن يبتدي يخرج ,, و بعدين اشغل التكييف و اقفل الازاز بس مش للاخر علشان الهوا البارد يطرد الهوا السخن ... وبعد كده اقفل الازاز تماما .. اتمنى اكون افدتك .. و في انتظار رأي المتخصصين ... |
رد: نصائح للحفاظ على درجة حرارة المحرك
لا مفيش اي مشكله لما تشغل التكييف العربيه و هي وقفه
و بالنسبه للمياه الخضرا انا هحكيلكم تجربه و يارب الناس تستفيد منها انا من فتره كنت بعمل جوان وش سلندر و ببص علي الموتور من الداخل لقيت كل مجاري المياه ملانه صدا فقولت لنفسي غير كل دوره المياه عشان ابدا اصل العيب ده غيرت كل الخراطيم و جميع الوصلات و طرمبه المياه و حطيت مياه خضراء و بعد اسبوع كامل بتاكد من المياه لقيتها تمام التمام بس لقيت حاجه فزعتني !!!!!!!! الرادياتي مفهوش مياه كله طين تاني يوم رحت غيت دورة المياه لفينا فعلا طين نازل من العربيه و ده بسبب ان المياه الخضراء اتفعلت معا الصدا و دوبته في المياه و الراجل في البنزينه قالي العربيه بتنضف نفسها و نضفت دورة المياه 4 مرات في شهر واحد و بعد كده من حاولي شهرين حتي الان لا يوجد طين او ارتفاع في الحرارة و ده بسبب المياه الخضراء و بذات الهي موبيل او السعودي لان المضروب كتير مياه عاديه و فيها صابغه خضارء مش اكتر |
رد: نصائح للحفاظ على درجة حرارة المحرك
اقتباس:
شكرا يا نور على التوضيح و التجربية ديت يا ريت تقولى على الاسم بالتفصيل و سعرة كام علشان احطلها مياة خضراء انا كمان اصلى ناوى |
رد: نصائح للحفاظ على درجة حرارة المحرك
تصدق يا صاحبي
انا الاول مروحه التبريد كانت بتشتغل بسرعه انما لما رحت لبتاع الريداتيرات ونظفه من الطدأ اللى جوه هو مش صدء بس شوائب بتحجز جزء كبير من المياه ودلوقتي بتشتغل 100% وبعد وقت طويل ومش بتسخن بسرعه. بس بجد الموضوع ده فتح عيني على حكايه التبريد اللى الواحد مكنش متابعها بشكل دائم مشكور مره تانيه يا حبيبي على الموضوع |
| الساعة الآن 01:56 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017