مصر موتورز مجتمع السيارات - استفسار عن طريقه فك الريدياتير لتنظيفه من جوه ...

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - استفسار عن طريقه فك الريدياتير لتنظيفه من جوه ... (https://www.masrmotors.com/vb/showthread.php?t=96354)

رد: استفسار عن طريقه فك الريدياتير لتنظيفه من جوه ...

انا مع أنك توديها لواحد بتاع ريداتيرات .....أدى العيش لخبازة
انا لسه عامل الموضوع ده من يومين وقعدت اتفرج عليه وحسيت إن الموضوع سهل وانا بتفرج عليه بس لما هتيجى تعمله انت بنفسك هتلاقيه مش بنفس درجة السهولة بتاعتة لآن طبعا الخبرة بتفرق وكمان السيخ اللى بيسلك بيه مقاسات بتختلف عل حسب نوع الريداتير وكمان لاحظت انه بيبقى حريص جداً وحنين وهو بيسلك وكمان مابينزلش بالسيخ للأخر علشان مايخرمش الماسور اللى بتبقى رقيقة جدا بطبيعتها والخامات كلها الومنيوم مش نحاس زى زمان.
وكمان بيكبس الريداتير بعد التسليك وتركيب العلبة والدق على الكلبسات بحرفيه علشان يبرشمها ويشوف فى تسريب ولا لأ واذا كان التسريب خرم ولا من كلبسات العلبة بيعيد تانى على الكبسات وهو حاطط الرداتير على ترابيز حديد ليها شفه علشان يقفل البرشام بدون مايعوج الورق الالومنيوم الرقيق جدا ده لو اتلمس حتى.
عموماً الموضوع ده استغرق حوالى ساعة ونص بالفك والتركيب والغسيل والتسليك وكمان غسيل دورة التبريد بعد التركيب وكمان فك القربة وغسلها رجعت جديد وتأكد ان مافيش هوا داخل الريداتير وطلعا بعد ده كله قعدت مستنى حوالى 10 دقائق مدور العربية وبعمل امبلهات علشان اتاكد إن المروحة اشتغلت.
بصراحة عجبنى شغله جداً وكان راجل كبير وفاهم والتكلفة كانت 70 ج.
أسف للأطالة وتقبل مرورى وتحياتى....

رد: استفسار عن طريقه فك الريدياتير لتنظيفه من جوه ...

انا بصرحة لى رأى مختلف وهو ان الصدى اللى عند حضرتك مش سببه الريدياتير لان الريدياتير يا اما المونيوم يا نحاس ولكن الصدى سببه البلوك الحديد بتاع الموتور وده ممكن من ركنة العربية فترة طويلة او استخدام مية الحنفية مش المية الخضرا
وده علاجه ان حضرتك من غير فك الريدياتير ولا حاجة انك هتروح اى بنزينة محترمة عندهم جهاز تنظيف دورة مياه الموتور والريدياتير معا وبعد كدة تحط مية خضرا من نوع محترم زى ايادا الاسبانى مثلا وهتلاقى موضوع الصدا ده انتهى بامر الله

رد: استفسار عن طريقه فك الريدياتير لتنظيفه من جوه ...

كلام كلو فاضى ناس مش فاهمة حاجة وبتتكلم
اول حاجة ريداتير بلاستيك حيبقى المينيوم ومش ينفع مية النار معاة
ولازم متخصص يعملو يفكو يدخل سيخ فى كل عين من العيون الى فى الداخل عشان يتسلك وبعدين تنظف دورة المية فى المحرك وخلاص
ومش ينفع تعملو لوحدك دة فى صنيعية لحد دلوقتى مش بتعرف
والناس الى مش بتعرف تسكت احسن عشان عدم الضرر

رد: استفسار عن طريقه فك الريدياتير لتنظيفه من جوه ...

اقتباس:

المشاركة الأصلية كتبت بواسطة aldebbas (المشاركة 754748)

السيد الفاضل العضو الجديد اعتقد انك ممكن تدى النصيحه بدون التهكم على باقى الاعضاء وناس فاهمه وناس مش فاهمه ودى مش الاخلاق السائده فى هذا المنتدى رجاء من سيادتك مشكورا الرد او تصحيح الفكره الخاطئه لدى العضو الزميل باسلوب الاحترام المتبادل فما تعتقده سيادتك خطا يظنه البعض صواب ونحن ندخل لنتعلم ونفيد ونستفيد
ولسيادتك جزيل الشكر على الالتزام بتقاليدنا مستقبلا :bb127bc6eab060e3e23

رد: استفسار عن طريقه فك الريدياتير لتنظيفه من جوه ...

اقتباس:

المشاركة الأصلية كتبت بواسطة aldebbas (المشاركة 754748)

السلام عليكم
اولا الريداتير يتكون من بلاستيك و المونيوم مش بلاستيك ذي ما تفضلت وقلت
ثانيا العمليه مش محتاجه متخصص عن نفسي في بعض الأحيان بقوم معمل صيانه ولحام للريداتير ومره سلكته وعملية التسليك مش صعبه ولا حاجه بس ممله وبعد تقفيل الطبله ( العلبه) بحط طبقه خفيفه من لحام 1 و2 للأحتياط فقط
وفعلا في صنايعيه كثير مش فاهمين
واخيرا كل عضو في المنتدي يقول رأيه بدون تهجم علي اراء الأعضاء الأخري من باب الأحترام
والله المستعان

رد: استفسار عن طريقه فك الريدياتير لتنظيفه من جوه ...

اقتباس:

المشاركة الأصلية كتبت بواسطة aldebbas (المشاركة 754748)

اخى الفاضل
انت لسه جديد فى المنتدى ولسه متعرفش الاعضاء كويس مينفعش تحكم عليهم بعدم الفهم
فى اعضاء بتتكلم عن دراسة وخبرة واخرين يتكلمون عن تجارب شخصية لوكلامهم فيه خطأ قول حضرتك على الصح وعلمنا جايز نسفيد منك وكلنا بنتعلم من بعض
دون تجريح او اساءة
وربنا يوفقك لما يحبه ويرضاه

رد: استفسار عن طريقه فك الريدياتير لتنظيفه من جوه ...

بص يا باشا أنا الحاجة اللى جربتها هى غسله وبطريقة بسيطو وهو رأكب بالمتور بتيجى عند الخرطو بتاع المياة اللى طالع من الالمحرك وداخل مرة آخرى على الردراتيروبتخلعة من ناحيت الردراتير وتقوم بفتح غطاء الردراتير ووضع خرطوم مياة بداخلة وتدور العربية وتفتح المياة بتاعت الخرطوم أما بالنسبة لخرطوم المياة المخلوع من الردراتير يفضل توصيله بماسورة خارج كبوت السيارة علشان المياة اللى هتنزل هتكون وسخة وثانيا قد تطول بعض الأسلاك الكهربائية ويحدث مشكلة لهذه الأجزاء وكل فترة سته 6 أشهر أو سنة وكل موسم صيفى يتعمل الحركة ديه مرتين وكل بأذن الله يكون تمام أما لو حاجة غير ذلك وحضرتك متأكد أنه بيه أنسداد فلازم تخلى وأحد متخصص يعمل لحضرتك عملية التنظيف والحمد لله أن مياة النار كانت خفيفة وعملتش حاجة لحضرتك بجوانات المحرك وخراطيمة وبعد كدة لو فى غسيل بمياة النار يكون والردراتير خارج الكبوت ومخلوع منه الخراطيم الخاصة به حتى لا يحصل عملية تأكل للخراطيم بفعل حامض الكبرياتيك المركز وعل فكر المياة الخضراء أم 20 أو 30 أو 45 ملهاش فايدة ومضرة الصح فى جراكن مياة خضراء تبدأ من 120 جنية فما فوق وعند حضرتك يوجد فى محلات الأكسسورات مزيلات صدأ للردراتير ممكن تستخدمه بنفسك بعد أن تتعرف على طريقة أستخدامها من البائع أو يكون مكتوب عليها طريقةت الإستخدام.
أرجو أنى أكون قدرت أفيد حضرتك بشئ ولو بسيط وكمان فى حاجة لو حابب تتعلم لأزم تجرب وتغلط علشان تتعلم والأفضل تشوف الحاجة مرة وأتنين لغاية ما تتعلم وتعملها بنفسك.

أخوك محمد
:soccer_372: