رد: كيا بيكانتو هاى لاين - الحقونى بسرعة
 

انا نفسى الناس تقطنع انى مفيش فرق بين الكورى واليابانى ويمكن فى عربيات الكورى افضل بمراحل
يعنى حد جرب تويوتاا كورولا عربية ممتازة جدا طب حد جرب الالنترا اللى جرب هيعرف انا بقول اية
وطبعا انا مرضتش اجيب مقارنة بين النيسان صنى وبين اى عربية كورى
لانها تقارن فقط بين التوكتوك او تروسيكل وطبعا التوكتوك يكسب :fun_10_1_124[1]:
بجد عربيه اخر قرف من 2007 الى 2011

رد: كيا بيكانتو هاى لاين - الحقونى بسرعة
 

طبعا البيكانتو عربية لا غبار عليها كفاية ال ABS و EBD و ال AIRBAGS بس اللى يقدر
اختيار موفق و تستاهل السعر دا
و على فكرة الماتور جبار بالاخص مع وزن العربية لان فى حاجة اسمها power to weight ratio اللى هو نسبة قدرة الماتور لوزن العربية و ده رائع مع البيكانتو يخلى ادائها يكاد يتفوق على عربيات كتير اكبر

انا مكنتش قريت بقيت الكماليات و قريتهم ..........ما شاء الله حاجة قيمة بجد

Re: كيا بيكانتو هاى لاين - الحقونى بسرعة
 

بصى حضرتك من المعروف ان موقع كونتاكت كار موقع متخلف و عمره ماكتب مواصفا صح لاى عربيى و الموقع ده متدخليهوش الا لو عايزة تبيعى عربيتك او تجيبى عربيى مستعملة او تجيبى عربيى غير كده مفيش لانى عمرى مالاقيته كاتب مواصفات عربية جديدة صح و كلام موقع كيا مصر هو الصح لان دى عربيتهم وهما عارفين فيها ايه و موقع كيا مصر بيتم تحديثة بشكل مستمر

Re: رد: كيا بيكانتو هاى لاين - الحقونى بسرعة
 

يعنى حضرتك سبت اليابانى كله ومسكت فى الصنى الى متقفلة فى مصر وبعدين ازاى تقارن تويوتا كورولا بالانترا ومهما كانت الصنى فهيا افضل من عربيات كورى تانية معلش يا باشا روح شوف انت عربيتك مكملتش 8 سنين وكمية المشاكل اللى بتلاقيها فيها والدليل مواضيعك انت بتحاول تصبر نفسك ان الكورى اجمد حاجة عشان معاك عربية كورى وعايز تقارنه باليابانى باى طريقة مع ان صدقنى روح سوق الكورولا 2012 والالنترا 2012 وقولى رايك

رد: Re: رد: كيا بيكانتو هاى لاين - الحقونى بسرعة
 

اولا اوعى كلامى يكون زعلك فى الاول والاخر دى عربيات واحنا اللى اخوات فى النهاية
بس اعتقد المشاكل اللى عندى مشاكل عرضية يعنى معرضة فى اى عربية نظرا للاستهلاك بس كلامى دا ميخلنيش ادخل الفيرنا مقارنة مع التويوتا
انا قلت النترا اللى هى تعتبر نفس الفئة صدقنى والله العظيم انا ركبت التويوتا كورولا الللى هى الشكل اللى قبل الجديد عربية ممتازة جدا جدا
تعالا بقى للالنترا من كلامك انت مركبتهاش ومجربتش تسوقها عربية فوووووق الممتازة وافضل من التويوتا بكتيير فى السحب القوة النعمومة واداء الفتيس الاتوماتيك وعلى الطريق تحفة ولحد 160 لما جبت بيها كانى ماشى على 100
مش معنى كلامى انى التويوتا عربية وحشة ابدا جميلة جدا وهادية واعتمادية وكلها مجرد اراء
اهم حاجة بقى ودى اللى غيظانى ممكن متقولش على النيسان صنى عربية من فضلك
لما تيجى تقولى احسن من عربيات كورى كتير اقولك انت غلطان الفيرنا احسن منها بمراحل ومتقارنش بيها اساسا (الشكل القديم الجديد مركبتوش خالص ؟)
محدش يجيبلى سيرة العربية دى عشان بتخنق لما بفتكر مشاكلها مع العائلة

رد: كيا بيكانتو هاى لاين - الحقونى بسرعة
 

رد: كيا بيكانتو هاى لاين - الحقونى بسرعة
 

عذرا .....انا بال i10 بتاعة مراتى بتشيلنا و ال 3 اطفال و زيى الفل الحمد لله فاكيد البيكانتو افضل