مصر موتورز مجتمع السيارات - افضل نوع سيارة 4 *4 في مصر

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - افضل نوع سيارة 4 *4 في مصر (https://www.masrmotors.com/vb/showthread.php?t=95770)

رد: افضل نوع سيارة 4 *4 في مصر

اقتباس:

المشاركة الأصلية كتبت بواسطة ahmed_eng2001 (المشاركة 745542)

موضوع سيارات الدفع الرباعى ده شرحه يطول حبتين .... ازاى ؟؟!!!!

حضرتك لازم تحدد انت عاوز عربية دفع رباعى ليه !!!! علشان تدخل بيها الصحراء و السفارى ..... و لا عندك حاجات تحتاج انك تشدها و تقطرها ... و لا علشان حضرتك بتحب تركب عربيات عالية عن الارض و شكلها جامد و حلو ؟؟!!!!
لو حضرتك عاوز عربية تدخل بيها الصحراء ....
1- لاند كروزر .... و دى تمنها عدى المليون جنيه
2- لاند روفر و رينج روفر ... و دول تمنهم قرب من الـ 2 مليون جنيه
3- النيسان باترول ... مش عارف تمنها بصراحة ... النيسان ارامادا شكلها حلو جدا ... بس غالية

لو حضرتك عاوز تجر مولدات مثلا ... او تجر قوارب بحرية او كرفانات ....
1- الدودج رام .... و دى تمنها يقار الـ 300 الف جنيه
2- الجى ام سى سييرا ... نفس السعر تقريبا

لو حضرتك عاوز تركب عربية عالية عن الارض و تستحمل المطبات و شكلها حلو ...
كل العربيات الى ذكرها الاعضاء الكرام عربيات كويسة جدا و انا متفق معاهم فى الراى تماما

العربيات الى انا ذكرتها دى افضل عربيات فى فئتها ... بس ممكن طبعا تستخدم عربية من فئة فى فئة تانية ... بس مش حتديك افضل استخدام ...
بمعنى ... ممكن حضرتك تدخل الصحراء بعربية دودج رام .... بس مش حتديك كفاءة زى الاند كروزر مثلا
و ممكن حضرتك تجر عربية تانية باستخدام الرينو داستر .. بس مش حتبقى زى الرام

بصراحة انا في الخليج اخد عليها بحيث رحلات الصيد والصحراء انما في مصر حيبقي علشان الشكل وانها جامده ياريت ترشحلي احسن واحده في مصر من حيث الاوبشنز واهم حاجة لازم تكون اوتوماتيك

رد: افضل نوع سيارة 4 *4 في مصر

اقتباس:

المشاركة الأصلية كتبت بواسطة sensitivets (المشاركة 745670)

كل الانواع الى ذكروها الاعضاء جيدة ... و بعدين موضوع احسن عربية .... دى اختلاف ازواق

و على حسب حضرتك عاوز تدفع كام ....
االلاند كروزرعربية ممتازة و منظر و شياكة و تحمل و تدخل بيها الصحراء و تعمل الى انت عاوزه بيها و حجمها كويس جدا
البى ام دبليو ... اكس 3 و اكس 5 ... عربيات شيك و اوبشنز
البرادو عربية كويسة برضو و سعرها اقل من اللاند كروزر
الباجيرو كويسة و سعرها قريب من البرادو و ادائها قريب من البرادو
الشيروكى و الجراند شيروكى عربيات كويسة و منظر و شياكة
عندك يا سيدى بعد كدة الكابتيفا ... الرانجلر ... الاكس تريل
الرينو داستر مش وحشة ... الجراند تيريوس ... الفيتار و الجراند فيتارا
اخر حاجة فى القايمة السعرية دى .... التيجو

كل الانواع الى ذكرتها دى اوتوماتيك و الاوبشنز الى فيها كويسة و كتيرة و حجمها معقول .. على الرغم من ان فيه عربيات انا مش مقتنع بيها ... بس دى ازواق شخصية زى ما قلت لحضرتك
ربنا يوفقك للى فيه الصالح

و تقبل مرورى

رد: افضل نوع سيارة 4 *4 في مصر

كان معايا جيب شيروكي ليبرتي موديل 2006 كانت ممتازه
اركب جيب جراند شيروكي لو امكانيتك تسمح
لكن لو عايز عربية 4*2 ويكون ال سي سي قليل وفي سعر متاح اركب دايهاتسو تريوس مش وحشة

رد: افضل نوع سيارة 4 *4 في مصر

كل الشكر والاحترام والتقدير على السماح لى بالمشاركة

رد: افضل نوع سيارة 4 *4 في مصر

اقتباس:

المشاركة الأصلية كتبت بواسطة atadwood (المشاركة 991980)

كل الشكر والاحترام والتقدير على السماح لى بالمشاركة

لا شكر على واجب واهلاً بيك فى مصرموتورز AHLNWSHALN