|
رد: حمدين صباحي ... واحد خمنا
انا شخصياً مبقيتش احترم حمدين صباحى وانا مش اخوان خالص
اسبابى الخطيئة الكبرى يشترك فيها مع ابو الفتوح فى تشتيت اصوات الثوار فى انتخابات الرئاسة وديه فى رائى غلطة لا تغتفر للاتنين الخطيئه الكبرى التانية - استكمالاً للاولى - وهى التيار الثالث مجرد دعوة فارغة فاشلة لتشتيت القوة الثورية تانى ولا هى حزب زى ما عمل البرادعى ولا هى ائتلاف سياسى ولا هى اى حاجة والنتيجة اى كلام وخلاص ومفيش اى فايدة للبلد من عملة السياسى اللهم الا تلميعه سياسياً تانى واستمرارة فى دائرة الضوء استعداداً لانتخابات الرئاسة الجاية اللى بيحلم بفوزة بيها للسببين دول تحديداً انا ضد حمدين صباحى السياسى لكن كانسان وكمشارك فى الثورة احترمة طبعاً ولى تحفظات قد تكون اقل اهمية لكنها مهمة بالعموم زى حزب الكرامة اللى هو مؤسسة فاشل بجميع المقاييس حزب الكرامة اللى هو مؤسسة دخل اخر انتخابات تحت رايه الاخوان المسلمون الممثلين بالذراع السياسى (الحرية والعدالة) فى ائتلافهم المسمى التحالف الديمقراطي من أجل مصر حزب الكرامة اللى هو مؤسسة ملوش اى رموز سياسية معروفة او مؤثرة غيرة يعنى حزب ملاكى الاغرب ان فى اكتر من مناسبة نلاقى اعضاء حملة حمدين بيجمعو توكيلات لتاسيس حزب جديد تحت فكرة التيار التالت !!! اخر حاجة قالك هيعمل ائتلاف بين مجموعة احزاب علشان معركة الدستور والانتخابات الجاية !!! اى كلام والسلام حد يقدر يذكرلى اى انتصار سياسى لحمدين او حزب الكرامة !!! اى حاجة تذكر غير الكلام .......... !! عموماً ربنا يوفقه بس قناعتى ان مصر المستقبل ومصر الدولة العظمى مش هتتعمل بسياسيين امثال حمدين ابداً |
رد: حمدين صباحي ... واحد خمنا
|
رد: حمدين صباحي ... واحد خمنا
اقتباس:
بص يا وائل باشا حمدين كل فلوسه والملايين اللي صرفها علي الدعايا كانت جايا منين؟ كان يطلع علي ليبيا يقعد يمدح في القذافي و ده كان لحد وقت قريب وصدام زي ما انت جيبت من الاخر شخص وضيع ومنافق حمدين ده مثال ونموذج من ضمن نماذج للاخوة القومجية هههههههههه يعني لو عندك 100 واحد ناصري و قومجي هتلاقي 100 رأي و100 طريقة تفكير هما دول الاخوة القومجية ومحدش يزعل من كلامي وبعدين معلش في جولة الاعادة بين مرسي وشفيق اختفي راح فييييييييين ؟؟؟؟ مطلعش يحدد موقفه ليه عايز فلول ولا عايز واحد من الاخوان وطلع يهرتل ويقولك نعمل مجلس رئاسي وعاش في الدور هههههههه صباح الدماغ العالية حاجة كمان حمدين ده ولا كان عمره يشم نص عدد الاصوات اللي جاابها الا بسبب المناظرة اللي بين عبد المنعم و موسي يعني اخد اصوات وهو قاعد في بيته صباح الفل معلش ده رأيي واعذروني فيه اصلي مبؤؤ منه |
رد: حمدين صباحي ... واحد خمنا
اقتباس:
يعجبني فيك يا ابو نورا انك راجل ثابت علي مواقفك وكلامك :010104~171::010104~171: |
رد: حمدين صباحي ... واحد خمنا
السلام عليكم ورحمة الله وبركاته
والله صدقت اخى ابو نورا وانا زيك لااخوانى ولا يحزنون بس موش عارف ليه الاخ Screenplays ماعندوش شجاعة ادبية ويتكلم بوضوح وصراحة وبدون تورية عن الاخوان او عن الرئيس محمد مرسى والتجريح فيهم عمال على بطال وبعدين كانت فين فزلكته ايام مبارك والا صعبان عليه فراقه باين عليه من ابناء اسفين ياريس ليه الحقد الاعمى ده والشبورة اللى نازل بيها علينا دى العملية بمنتهى البساطة اننا كشعب اخترنا وبارادتنا الحرة ولاول مرة وكانت الاغلبية للاخوان وبدون تزوير ورغم ده كله تم اهانة الشعب المصرى كله والضرب على قفاه لما تم الغاء مجلس الشعب بجرة قلم ثم ناتى لانتخابات الرئاسة وللمرة التانية ينزل الشعب لينتخب بارادته الحرة الدكتور مرسى رغم نزول شفيق ياراجل امامه كانه شربة لازم ناخدها غصب عننا ومع ذلك كانت ارادة الشعب نجاح الدكتور مرسى وكالعادة تم زرع الالغام قبل 24 ساعة من ظهور النتيجة المحتومة وهى فوز الدكتور مرسى بالرئاسة وهى الاعلان الغير دستورى المكمل وكمان الضطبية لرجال الشرطة العسكرية لتكتيف الدكتور مرسى بعد فوزه بالرئاسة طب كانت فين فكرة واختراع الضبطية القضائية دى من بداية الثورة لما تبخرت الداخلية كلها كان ممكن وقتها نقبل ذلك لحفظ امن البلد وخسارة الارواح للبشر كفاية سخرية بعقل الشعب ومحاولة تغييبه عن حقائق الامور واثارة الفتنة والبلبلة عمال على بطال لغم الاعلان المكمل او المكبل كان مقصود لجعل الرئيس خيال ماته وبدون صلاحيات وكمان لزرع فتيل ازمات معاه للتخلص منه هو كمان فى اقرب فرصة كما حدث فى مجلس الشعب ياعم Screenplays انت وامثالك اتقى الله فينا وفى اولادنا وفى بلدنا احترموا ارادة الشعب والديمقراطية التى جاءت سواء بمجلس الشعب او الشورى او الرئاسة يعنى شوية قلة من كلاب البلد من الفلول والليبراليين وعملاء الغرب وغيرهم من المنتفعين عايزين يتحكموا فى ارادة الاغلبية لازم نحترم من جاء به صندوق الانتخاب ولازم نحترمه ونعطيه الفرصة ليقوم بواجاباته وقبلها لازم ياخد حقوقه كمسؤل امام الشعب علشان يعرف يسير بالبلد للامام من حقه القيام بالتغييرات اللازمة والتطهير من كل العناصر الفاسدة بالبلد والا لن تستقيم الامور لان مبارك زرع كل شبر فى مصر باهل الفساد ممن يخدم عليه واعوانه من لصوص البلد وياعم Screenplays ماتنساش تسمى هذه التغيرات تسميها تصفية حسابات ماهو ده زمن قلب حقائق الامور سيبوا الراجل يشتغل وبلاش الشبورة اللى بتعملوها اكيد كل ده كمان علشان اساءة صورة التيار الدينى لو تم اعادة انتخابات مجلس الشعب كل محاولاتكم مكشوفة وفاشلة باذن الله اصحى يانايم صحيح اللى اختشوا ماتوا حسبنا الله ونعم الوكيل واسف للطالة وتقبلوا تحياتى |
Re: حمدين صباحي ... واحد خمنا
انا قريت اول سطرين واخر سطرين عشان كده فهمت الموضوع غلط وخفت اقرا بقيت الموضوع الاقى حمدين هو اللى قتل السادات
|
رد: حمدين صباحي ... واحد خمنا
لا تعليق...
لا الصراحة هاعلق من غيظي مقال مستفز.. بالذات من موضوع ان الاخوان هما اللي قتلوا السادات و موضوع حادثة المنشية اللي التاريخ عرف انها حركة من عبد الناصر عشان يكسب التعاطف و مش الاخوان اللي قتلوا السادات معروف ان خالد الاسلامبولي من الجهاد .. كلام مستفز و لو هنصدق الاشاعات العجيبة دي يبقى نصدق ان الدكتور البرادعي هو اللي قتل اطفال العراق .. ماهي برضه اشاعة و اتبرأ منها الراجل الحمد لله لو على كل واحد صدقنا الاشاعات اللي بتطلع عليه مش هنلاقي حد محترم حتى النبي عليه الصلاة و السلام لم يبرأ من الاتهامات و على فكرة انا مش اخوان |
| الساعة الآن 08:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017