مصر موتورز مجتمع السيارات - علاقة عداد RPM بعداد السرعة وكيف يمكن الربط بينهم

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - علاقة عداد RPM بعداد السرعة وكيف يمكن الربط بينهم (https://www.masrmotors.com/vb/showthread.php?t=94790)

رد: عداد RPM

اقتباس:

المشاركة الأصلية كتبت بواسطة محمد 2001 (المشاركة 737922)

جزيل الشكر
طيب لو سمحتم بالنسبة للسائق العاادي هل من المهم أن ينظر إلي هذا العداد وهل هناك مشكلة إن لم يراقبة
بارك الله فيكم

عداد الـRPM عموما بيديك فكرة عن أداء الموتور ومنها تقدر تحافظ على موتور عربيتك وتطول عمره

إزاي؟؟؟

الـRPM فيه تدريج من 0 إلى 8 آلاف، وعادة حتلاقي التدريج بيتلون للأحمر بداية من 6 آلاف أو أكتر

المنطقة دي إسمها الـ"Red Zone"

طول ما انت ما دخلتش المنطقة دي يبقى موتورك في أمان إن شاء الله

حاجة تانية

في القيادة العادية (غير الرياضية) ... عادة ... النقل في الدورات المتوسطة هو أحسن شيء للموتور... عشان تاخد أعلى عزم من الموتور من غير ما صوت الموتور يعلى وكمان يديك أعلى كفاءة في استهلاك البنزين

على فكرة... النقل على دورات منخفضة مضر للموتور وبيسبب إن الشنابر تتكسر

مع الوقت... هتتعود على حركة الـRPM، وهتعرف إمتى تنقل وهتفهم عربيتك أحسن بكتير.... وأحيانا ممكن تعرف إذا كان أداء عربيتك كويس أو لأ من العداد، ده كمان ممكن تستغنى عن عداد السرعة لو حبيت

بالنسبالي... عربية من غير عداد RPM ما تتساقش... كبيرها تبقى عربية للستات

رد: عداد RPM

اقتباس:

المشاركة الأصلية كتبت بواسطة borio1704 (المشاركة 738000)

بارك الله فيك بس يعني إية النقل علي دورات منخفضة والنقل علي دورات متوسطة
جزيل الشكر

رد: عداد RPM

اقتباس:

المشاركة الأصلية كتبت بواسطة محمد 2001 (المشاركة 738253)

بارك الله فيك بس يعني إية النقل علي دورات منخفضة والنقل علي دورات متوسطة
جزيل الشكر

يعني مثلا: لما تيجي تنقل من الأول للتاني ... أو من التاني للتالث، يفضل إنك تنقل لما العداد يشاور على الثلث الوسطاني للعداد قبل الخط الأحمر

بص على الصورة كده:

http://www.wpclipart.com/transportat...tachometer.png

العداد ده الخط الأحمر بيبتدي من 7000 RPM، الدورات المتوسطة بتبقى في التلت الوسطاني من حوالي 2300 لحد 4600.. بالتقريب كده

لو معظم نقلاتك في المسافة دي ... ده بيبقى أحسن للموتور... إنما ده ما يمنعش إنك تضطر تنقل على RPM أقل أو أكتر حسب الموقف اللي انت فيه

الدورات المنخفضة بتبقى في التلت الأول... يعني أقل من 2300

طبعا... مش كل عداد زي التاني في بداية الخط الاحمر.... عشان كده التلت الوسطاني بدايته ونهايته هتختلف

معلومة أخيرة... الاسم الصحيح لعداد الـRPM هو ... "تاكوميتر Tachometer"

...

رد: عداد RPM

اقتباس:

المشاركة الأصلية كتبت بواسطة borio1704 (المشاركة 738424)

بارك الله فيك

رد: عداد RPM

اقتباس:

المشاركة الأصلية كتبت بواسطة borio1704 (المشاركة 737778)

فيه علاقة طبعا

العلاقة موجودة عن طريق الفتيس والكورونا + الكاوتش

في بعض كتالوجات العربيات... بيبقى مكتوب نسب تخفيض التروس بتاعة الفتيس والكورونا، ووبناء عليها بيتعمل عداد السرعة
http://www.kiasoulforums.com/attachm...ratios-us-.jpg

طبعا القيم دي بتختلف من عربية للتانية

مثلا:

لو عندك نسبة تخفيض النقلة التانية = 2.5 .... دي معناها إن الموتور بيلف عدد لفات 2.5 ضعف عدد لفات العمود اللي طالع من الفتيس
http://www.procarcare.com/images/sha...a/8852JG06.gif http://shivanandmathapati.webs.com/AUTO27.JPG

الكورونا بتاخد الكلام ده وتعمل تخفيض تاني في السرعة وتوصله للعجل

http://faq.ford77.ru/trans/image/dif...ential-fwd.gif http://static.ddmcdn.com/gif/differential-rwd.gif http://www.musclecarclub.com/library...images/dr1.gif http://www.cdxetextbook.com/images/3...layout_01m.jpg http://www.globaldrivetrainsupply.co...fferential.jpg

عادة .. نسبة التخفيض في الكورونا بتبقى 4 .... يعني عدد لفات العمود اللي طالع من الفتيس هي 4 أضعاف العمود اللي واصل على العجل

فلو الموتور بيلف 3000 RPM على النقلة التانية

يبقى العجلة هتلف كام RPM؟؟؟

العجلة هتلف 3000 / 2.5 / 4 = 300 RPM

الـ 300 RPM دول لما تضربهم في محيط العجل يديك القيمة اللي بتطلعلك في عداد السرعة لما يبقى عداد الـRPM على 3000 وانت ماشي على التاني
http://www.breezebyyou.com/files/252...d/picture5.jpg

وبالطريقة دي.... تقدر تعرف أقصى سرعة لكل غيار

عشان كده .... لو حبيت تغير مقاس الكاوتش وتجيب كاوتش أعرض ... مهم جدا إنك تحافظ على القطر الخارجي للكاوتش زي ماهو الأصلي... عشان ما يخلفش معاك عداد السرعة
http://www.ratingstire.com/Images/TireSizes.jpg http://www.dimensionsinfo.com/wp-con...Conversion.jpg

العلاقة دي ممكن تبوظ في حالتين....

إن اسطوانة الدبرياج تكون بتفوت ... أو ... في حالة العربيات الأوتوماتيك لما يبقى محمل عليها جامد

ممتاززززززززززززززززززززز زززززززززززززززززززز

رد: عداد RPM

اقتباس:

المشاركة الأصلية كتبت بواسطة borio1704 (المشاركة 737778)

شكرا كتييير علي الشرح الرائع يا بشمهندس ..... انا كان عندي سؤال بخصوص العربية الأتوماتيك ان معايا أكسنت موديل 99 اتوماتيك ... بس الأر بس أم بتاعها مش بيعدي ال 2000 و بتوصل لسرعة 80 من غير ما يعدي 2000 و لما توصل السرعة 100 او 120 بيزيد لغاية 2500 او 3000 و ده مسبب لي مشكلة في السحب و مش عارف ممكن تكون ايه المشكلة بالظبط .... ممكن حضرتك تفيديني؟

رد: عداد RPM

اقتباس:

المشاركة الأصلية كتبت بواسطة equation (المشاركة 757521)

متهيألي الفتيس عند حضرتك زي اللي في الصورة ده

http://images.gtcarlot.com/pictures/48162349.jpg

الفتيس ده فيه ميزتين لتوفير الوقود

1- الأوفر درايف... وده عبارة عن زرار بيشغل الترس الرابع في الفتيس وموجود في عصاية الفتيس... افصله جوه البلد وشغله على الطرق السريعة

2- زرار التحكم في طريقة القيادة (اقتصادية / عادية) وده الزرار اللي في الفتيس من تحت جنب العصاية... لو عايز العربية تسحب خليه على القيادة العادية (Normal)

غالبا ... انت مشغل الأوفر درايف وظابط الفتيس على القيادة الاقتصادية

...