رد: افيدونى جزاكم الله خيرا
 

الف شكر يا افندم على المعلومة والنصيحة :) الله يبارك فيك
انا لاقيت حد شغال فى توكيل فورد وبيعمل كهربا وتكييف وان شاء الله هروحله واقولكم عملت ايه بالظبط علشان كلنا نستفيد.
موضوع ارتفاع العربية هيا فعلا كانت المساعدين قدام بايظة وجايبة زيت واول ما اخدت العربية من حوالى 3 شهور غيرتهم غير كدا العربية كويسة طول ما مفيش تقل انما لو معايا اتنين ورا تبتدى المشاكل :(
هى العربية اصلا واطية وبتوع العفشة اللى بيشتغلو فيها قالولى بلاش علايات وصراحة موضوع السوست دا مجاش فى بالى, ان شاء الله اكلمهم تانى واشارككم المعلومة

رد: افيدونى جزاكم الله خيرا
 

للإفادة
انا رحت لعونى بتاع التكييفات فى المنيرة بعد ما 3 قبله شافو العربية وأجمعو ان الكومبريسور هو اللى بايظ وطبعا زى ما احمد بيه قال مكانش فيه اى كبس خالص وكان الكلاتش بيلف وبيتقل عند نقطة معينه المهم بعد ما فكيناه كان الزيت اسود خالص ومليان زى رايش كدا, وعونى جابلى كومبريسور استيراد ب 600 جنية انا سئلت عليه لاقيته ب 500 بس وافقت علشان هو اللى جايبه على مسؤليته وكمان مش بحب انزل الحرفيين,
المهم غير الكومبريسور وفلتر الدراير بردوة اتغير على كلامة انه بردوة بيكون باظ زى ما الكومبريسور باظ لانه بيتملى اوساخ وبالتالى مش هيقوم بوظيفته الفلتر بردوة استيراد ب 200 ج ونظف الخراطيم والسربنتينة بالبنزين والهواء وشحن والدنيا بقت تمام, طبعا تكلفة الشحن 150 ج ومصنعيته 150 ج
ملاحظتى على عونى انه امين وصادق ومريح فى تعاملة وعيبه انه شغال لوحدة وبالتالى الشغلانة اخدت يوم كامل ومصنعيتة غالية

رد: افيدونى جزاكم الله خيرا
 

الله يكرمك يا د اسلام نحياتى لحضرتك

و الف شكر يا استاذ alsisiagric على نقل التجربة

رد: افيدونى جزاكم الله خيرا
 

طيب الحمد لله والف مبروك وربنا يرحمك ويرحمنا من حر الصيف.
تشكر لنقلك للتجربة.

رد: افيدونى جزاكم الله خيرا
 

حضرتك عرفت ازاى انها عامله 113 الف ؟؟؟؟؟؟؟؟؟!!!!!!!!!!!!
لو انت فعلا قارى فى عداد المسافة 113 الف كم يبقى عدادها بيقلب كل مليون كم مش كل 100 الف

رد: افيدونى جزاكم الله خيرا
 

الف شكر يا Dr_eslam وكل سنة وانت طيب
احمد بيك كل سنة وحضرتك طيب, العداد كانت قرائته 12260 عند الشراء ومعرف عن العربية دى ان العداد 100 الف بس