مصر موتورز مجتمع السيارات - ايه الكماليات اللي تتمنى وجودها في عربيتك ؟؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - ايه الكماليات اللي تتمنى وجودها في عربيتك ؟؟؟ (https://www.masrmotors.com/vb/showthread.php?t=93886)

رد: ايه الكماليات اللي تتمنى وجودها في عربيتك ؟؟؟

بيتهيقلي اللي اصدق عليه مش فتيس ده هاند بس مطول الدراع بتاعه

رد: ايه الكماليات اللي تتمنى وجودها في عربيتك ؟؟؟

واللهى يا استاذ شريف العربيه موجوده بس بتمنا ازود عليها الحاجات دى

وفتيس او هاند بقا متفرقش المهم انو بيحركه وتقريباً بيسقط غيار او بيزود غيار

وبقدره قادر تلاقى العربيه ماشيه بالعرض ازاى متعرفش

زى الدرافت السعودى كده

رد: ايه الكماليات اللي تتمنى وجودها في عربيتك ؟؟؟

حضرتك نسيت الDvd و يكون فيه GPS و فتحة سقف :Wkiss5:

رد: ايه الكماليات اللي تتمنى وجودها في عربيتك ؟؟؟

اللي قصدك عليه ده فعلا فرامل يد،
ومش بتسقط غيار ولا حاجة، بس هوا مع سرعة العربية اللي بتقل فجأة وبعدين ترجع بسرعة الكاوتشات تلف (تفرك) في وقت قصير جدا بتخلي صوت الماتور يعلى طبعا ويديك احساس انو سقط غيار
ده غير طبعا ان السواق نفسو ممكن يسقط غيار لو عندو الدراعين اللي بيبقو ورا الدركسيون دول (عشان كده الدراع تلاقي اللي بيسقط غيار ناحية الشمال واللي بينقل للأعلى على اليمين)

بالنسبة للموضوع الاساسي،
انا اللي جي على بالي حاليا، وبجد نفسي فيه، ان العربية تركن لوحدها
طبعا العربيات اللي بتيجي بحاجة زي كده، بينزل معاها كام حاجة صغيرة كده مفيدة زي نظام التنبيه لو في حد في المنطقة العمياء (بتاعة المرايات) والتنبيه لما تخرج من حارتك، ومثبت السرعة اللي بيكيف نفسو على سرعة اللي قدامك لحد ما يوسع

رد: ايه الكماليات اللي تتمنى وجودها في عربيتك ؟؟؟

اقتباس:

المشاركة الأصلية كتبت بواسطة 3bd0 (المشاركة 731435)

بالنسبة للموضوع الاساسي،
انا اللي جي على بالي حاليا، وبجد نفسي فيه، ان العربية تركن لوحدها
طبعا العربيات اللي بتيجي بحاجة زي كده، بينزل معاها كام حاجة صغيرة كده مفيدة زي نظام التنبيه لو في حد في المنطقة العمياء (بتاعة المرايات) والتنبيه لما تخرج من حارتك، ومثبت السرعة اللي بيكيف نفسو على سرعة اللي قدامك لحد ما يوسع

كماليات رائعة
وتظام الركن التلقائي اوتو بارك موجود في الالنترا الجديدة
http://www.youtube.com/watch?v=D8ajvneqBcE
بس منه لله غبور مش منزل الميزة الرائعة دي
وموجود في الاوكتافيا
اما بخصوص التنبيه في المنطقة العمياء ولما العربية تخرج من الحارة موجود في المرسيدس
ومثبت السرعة موجود في معظم العربيات الايام دي زي السيراتو والالنترا والاوكتافيا والسيفيك
وشكرا على الرد نورت الموضوع

رد: ايه الكماليات اللي تتمنى وجودها في عربيتك ؟؟؟

اهي دي بأة مفاجأة
عمري ما كنت اتوقع ان الالنترا ممكن ينزلو فيها الحوار ده، الكوريين قادمين وبقوة

بالنسبة لمثبت السرعة، انا مش قصدي العادي، انا قصدي اللي انتا تثبت سرعتك على 120 مثلا وتبقى ماشي على الشمال، يجي قدامك واحد ماشي 100، تقوم العربية لوحدها ماشية وراه على سرعتو هوا، واول ما يوسع تقوم العربية لوحدها بردو ترجع لسرعة 120