مصر موتورز مجتمع السيارات - •• محتاج كوعة مياة ألومنيا إللي بداخلها ترموستات للـ A620 ••

مصر موتورز مجتمع السيارات (https://www.masrmotors.com/vb/index.php)

- A620 (https://www.masrmotors.com/vb/forumdisplay.php?f=200)

رد: •• محتاج كوعة مياة ألومنيا إللي بداخلها ترموستات للـ A620 ••

اقتباس:

المشاركة الأصلية كتبت بواسطة mhamdy75 (المشاركة 725345)

سألت فى شارع دمشق ؟؟

وفى المستعمل عند الشيخ طه

الحرفيين

---

لأ لم أسأل .. وهما دول عندهم مستعمل وإستيراد .. ؟؟

شكرا لإهتمامك .. والحمد لله المشكلة إتحلت ...

الله يكرم أصلك

رد: •• محتاج كوعة مياة ألومنيا إللي بداخلها ترموستات للـ A620 ••

اقتباس:

المشاركة الأصلية كتبت بواسطة Vanditta (المشاركة 725354)

الموضوع سهل جدا ياباشا واى ميكانيكى يعملهولك ومش هياخد 20-30 جنية مصنعية بالكتير (دة ممكن حضرتك تعملها بنفسك كمان)

بص ياباشا هو بيفك الافيز
من على الخرطوم اللى داخل على الكوعة وبيفك الخرطوم وطبعا هتحتاج جركن مياة خضراء( لو بتحط مياة خضرا )عشان المياة هتنزل كلها اما تفك الخرطوم

بس ويقوم فاكك الكوعة وهتبقى جواها الترموستات شوفها بالمرة لو عايزة تتغير غيرها
وهياخد الكوعة يصنفرها وينضفها كويس بصنفرة ناعمة
وبتجيبلة انبوبتين ارنديد ب 8 جنية تقريبا
وبيلحم المكان اللى مهرى او اللى بيسرب وللوقاية برضو بيغطى الكوعة كلها بال ارنديد
واهم حاجة تسيب اللحام اما ينشف براحتة خالص لمدة نص ساعة مثلا قبل ما تركب الكوعة تانى (الخطوة دى مهمة جدا عشان الميكانيكى بيستسهل وبيركب على طوول وبيبقى اللحام طرى لسة )

والافضل برضة عشان اللحام دة يمسك كويس انك ماتخرجش بالعربية واركنها واخرج بيها تانى يوم عشان اللحام يعضم كويس وتنسى موضوع الكوعة دة خالص

بس وبتاخد الكوعة تعملها جوان او تشترى بتاع كدة مش فاكر اسمة اية اللى بيتعمل منة الجوانات (اسمة جرنجريد تقريبا) والميكانيكى يعملك منة جوان ويلزق بسيليكون حرارى وتركب الكوعة والخرطوم
وخلاص كدة

وتحت امر حضرتك فى اى استفسار
وبالتوفيق ان شاء الله

---

يا Vanditta أنا مش عارف أشكرك إزاي ..

شوف .. في الأول لما وجدت تسريب مياة .. ذهبت إلى ميكانيكي وبعد ما كشف قالي كوعة المياة مخرومة ..

وبعد كدة دورت ولم أجدها ،، وبعدين كتبت هنا سؤالي ..وساعتها كنت في أكتوبر بعيد عن بيتي ..

فخرجت وفي دماغي أنفذ خطة الأرنديد .. ورحت فعلا لميكانيكي في أكتوبر وشرحت له الموضوع فخاف يفك الكوعة لأنه مش هيلاقي زيها أو هو ما عندوش المقدرة إن يتصرف ..

المهم مشيت وأنا بفكر أعمل إيه .. فقلت لأ لازم أشوف ميكنيكي غيره .. ورحت فعلا وشرحت له الموضوع .. بس الميكانيكي ده صمم يفك الكوعة علشان يعرف السبب ..

وأثناء محاولتة خلع الأفيز بتاع الخرطوم .. وجدة مكسور .. وطلع العيب يا أخي الحبيب من الأفيز والكوعة سليمة 100 % وإشتريت أفيز وغيره وزودنا ميه في الإربه .. وحمدت ربنا مليون مرة ...

على العموم يا Vanditta المعلومات إللي إنت قلتها عن الأرنديد مهمة جدا لأي ظرف تاني وأكيد غيري إستفاد برضه منها وكل من سيقرأها سيتفيد .. ألف ألف شكر لك يا أخي .. والحمد لله

رد: •• محتاج كوعة مياة ألومنيا إللي بداخلها ترموستات للـ A620 ••

اقتباس:

المشاركة الأصلية كتبت بواسطة حازم فخرى (المشاركة 727422)

بصراحة انا كنت مستغرب ازاى عيب زى دة ييجى عند حضرتك والعربية موديل حديث واكيد حضرتك مابتستخدمش مياة عادية من الحنفية فى دورة التبريد

اصل عشان الكوعة دى تتهرى او تتخرم لازم يكون حضرتك بتحط مياة من الحنفية
وبقالك مدة كبيرة على كدة يعنى 5-6 سنين على الاقل مثلا

المهم الحمد لله ان المشكلة اتحلت
وربنا يباركلك فى العربية ويكفيك شرها