رد: عايز اشتري سيارة جديدة وقوية
 

اولا موضوع الغاز دة انساة عشان حرام تحول عربية فوق ال100 الف لغاز ..
انا شايف المناسب لحضرتك تجيب لانسر 1300 اتوماتيك او مانيوال .
او كروز مانيوال بس ابعادها مش هتظبط معاك عشان انت لسة شكلك جديد فى السواقة ..

رد: عايز اشتري عربية جديدة وقوية
 

لو انا مكانك اشترى متسوبيشى لانسر كامله مانيول 1300 زيرو على قد الفلوس اللى معاك وكفايه انها يبانى وعربيه شيك وكمان اعاده بيع ممتازه وقطع غياره معقوله ومتوفره جوه التوكيل وبره ولو اعتنيت بها صح مش هتشتكى منها قبل 5 سنين وربنا يوفقك وشوف رأى باقى الاعضاء

رد: عايز اشتري سيارة جديدة وقوية
 

هو لازم زيرو علي فكره فيه مستعملات كتير هتلاقيها افضل من الزيرو جرب بص علي انواع من المستعمل ومش هتخصر حاجه شوفلك كرولا 2007 او 2006 اوتو حالتها كويسه ومش هتعدي الـ 80 الف ابن عمي لسا جايب هوندا سيفك 2009 بـ 115 الف اوتو بحاله الزيرو بقالها شهرين وعربيه تحفه وبعدين شبابي اخر 7 حاجات

رد: عايز اشتري سيارة جديدة وقوية
 

هات نيسان صنى سوبر صالون عربية حمالة أسية و قوية و ملهاش أعطال و فراملها قوية جدا و ب 100 ألف جنيه

رد: عايز اشتري سيارة جديدة وقوية
 

لو جبت سيفيك 2008 او 2009 مستعمله استعمال خفيف .. افضل من اى عربية زيرو بالسعر ده على فكره ..

رد: عايز اشتري سيارة جديدة وقوية
 

لو انت اول مره تسوق ياريت تحاول تبعد عن الزيرو وحاول تجيب حاجه مستعمله بحاله كويسه تخبط فيها براحتك وبالنسبه لموضوع قطع الغيار ففئة المية الف كلها تقريبا قطع غيارها عاليه شويه مش هتوصل يعني لقطع غيار الفيرنا واللانوس ولكن انا شايف اني افضل حاجه في فئة المية الف هي ميتسوبيشي لانسر ونيسان صني ودول اكتر عربيتين مناسبين لطلباتك وللفئه السعريه اللي انت حددتها أما السيفيك فقطع غيارها عاليه وبالذات لانك هتشتريها مستعمله فاكيد فيه حاجات هتحتاج تغيير

رد: عايز اشتري عربية جديدة وقوية
 

بصراحة رغم قوة و متانة ال BMW بس انا مش هارشهالك ببساطة لانها هتكون مستعملة و قطع غيارها مش رخيصة. شاب فى الجامعة و 5 سنين و اكيد فى فرك و لعب ادامك اختيارات كتير اقل من المبلغ ده و اهم فى البيت برضه يقدروك عشان وفرتهم و انا هارشحلك بالترتيب
1- فرنا
2- صنى
3- جين تو او بيرسونا

و ربنا يكفيك شرها