مصر موتورز مجتمع السيارات - انا هولع في نفسي لو محدش رد علي سرالي عن الفابيا

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - انا هولع في نفسي لو محدش رد علي سرالي عن الفابيا (https://www.masrmotors.com/vb/showthread.php?t=92903)

رد: انا هولع في نفسي لو محدش رد علي سرالي عن الفابيا

اقتباس:

المشاركة الأصلية كتبت بواسطة ابو الشوق كاديلك (المشاركة 722868)

فولكس بولو او اوبل كورسا او هيونداي اكسنت

شكرا لحضرتك

رد: انا هولع في نفسي لو محدش رد علي سرالي عن الفابيا

اقتباس:

المشاركة الأصلية كتبت بواسطة osama-x (المشاركة 722872)

استهدى بالله و صلي على النبي كده و بلاش تولع في نفسك لانك مش هتلاقي بنزين

على فكرة انا قابلت من الناس دي كتييير و يحسسك فيها انه المفتش كرومبو و عارف اللي الناس متعرفهوش و يعملك من البي ام توكتوك
كل ده علشان سمع كلمة من واحد عنده مشكلة او بيفتي

بص يا باشا الاحسن تمشي بدماغك و فكك من الكلام الكتيان اللي لا بيجيب ولا بيودي

اول حاجة الابيزا قطع غيارها ممكن تكون مشكلة و ممكن ماتكونش و ده على حسب المنطقة اللي انت فيها
لو عندك حد عنده قطع غيارها و بيفهم فيها يبقى توكل على الله و دوس فيها و على فكرة دي الماني يعني الحاجة اللي بتحطها تمنها فيها

السيينا فعلا سمعت ان فيها مشاكل بس برده ليها ناسها و كل مشكلة و ليها حل

اول مرة اسمع ان الفرنساوي غالية قوي هي ممكن تكون غالية بالنسبة لموديلات تانية
بس مش اغلي من الالماني بس برده الحاجة الغالية بتعمر و لما تجيبها بتنساها يعني عندك ال128
فيها حاجات بتمن علبة سجاير بس كل يوم عند الميكانيكي

بص يا باشا احسن واحدة في اللي انت كاتبها الابيزا بس تكون حالة و بعدها الفابيا 1400 و الكليو
انشاء الله تقع في ايدك واحدة حالتها كويسة و رمضان كريم

اولا عليه الصلاه و السلام وبالنسبه للبنزين نستني طالما فيه ازمه انا اول عربيه فكرت فيها لابيزا طبعا بدون منازع بس ملقتش حاجه حالتها نضيفه
ففكرت في الفابيا عربيه بردو الماني وشكلها شيك جدا سكودا علي صغير يعني :w6w2005041113562663
انما الرينو اللي عرفته عنها ان الرفارف فيبر يعني لو اتخبطت لقدر الله وانا لسه جديد في السواقه هتغير الرفرف بالكامل انما لو حضرتك تعرف الفابيا ال 1400 تمناه في حدود كام لان انا ادامي وحده 2001 - 1400 سي سي ماشيه 146000 مطلوب فيها 41000
والتانهي 2003- 1400 سي سي مطالوب فيها 43000
كل دي اسعار مبدئيه ليها ولسه هشوف العربيتين

رد: انا هولع في نفسي لو محدش رد علي سرالي عن الفابيا

اقتباس:

المشاركة الأصلية كتبت بواسطة mohamed.89 (المشاركة 722846)

نويت ان شاء اله اجيب عربيه وكل ما اقول علي عربيه واسئل حد يطلعلي القطط الفاطسه واقول طيب كل اللي راكبين العربيه دول محدش فيهم فاهم الكلام ده ؟؟؟؟؟؟؟؟؟؟
يعني قولت ابيزا 94 قالو العربيه قديمه وقطع الغيار غاليه
قولت يا واد ماشي زودت الفلوس شويه ودورت لقيت لافيات السينا قالك سوقها واقع وقطع غيار غاليه وبتسخن
طيب رينو كليو قالك لا الفرنساوي غالي اوي و الكليو الرفارف بتاعتها فيبر مش صج
قلت طيب الحمد لله عديت من ال 3 عربيات دول قلت يا واد زود اكتر
لقيت السكودا الفابيا شكلها بصراحه تحفه زي السكودا الجديده قالك قطع الغيار غاليه قلت مش مشكله ماهي بتعيش علي حد ما عرفت
لكن قالولي في منها 1200 و 1400 العربيه اللي قدامي 1200 فول اوبشن استخرت ربنا وقلت خلاص هيا دي طلعو قالولي ال 1200 دي 3 سلندر وقطع غيارها قليله
انا دلوقت مش فاهم بما ن دي اول عربيه 3 سلندر دي حاجه وحشه ولا حاجه حلوه ولا عادي
انا حاسس ان فقري هوا كل واحد بيجيب عربيه بيطلع عينه كده
حد يفهمني يا جدعان حوار الماتور ده خصوصا اني مش عاوز اجيب هيونداي او دايو بغض النظر عن كل المميزات اللي فيهم وعارفهم كلهم
حد يرد عليا لان لو العربيه دي موضوعها باظ انا قررت ان شاء الله اجيب عجله بسرعات بدلها :cry2W9::cry2W9:

بص يا باشا
الفابيا ال 3 سلندر مش حلوه
و هقولك نصيحه
خليك ف العربيات اللي السوق بيطلبها
يعني العربيات اللي ليها سوق ف البيع و الشراء و ليها قطع غيار
بإختصار عربيات متداوله
و مش معني كدا ان باقي العربيات اللي مش منتشره انها مش حلوه
بالعكس تماما في عربيات مش منتشره و احسن من عربيات كتير موجوده ف السوق
eNg.salama

رد: انا هولع في نفسي لو محدش رد علي سرالي عن الفابيا

أستخير ربنا و بلاش تولع في روحك يا فندم
حتكون بكده خسرت
الدنيا
الآخرة
الورثة حيتمتعوا بفلوس العربية أو يفرتكوا شقى العمر
مصر موتورز حتخسر عضو عزيز زي حضرتك
الأوروبي و لو غالي و سوقه وحش لكن معمر الإيبزا ممتازة و البولو أكثر من ممتازة
الكليو تحفة حقيقية
أعقلها و استخير ربنا و توكل و سيبك من كلام الناس
أنا لفيت على كل التوكيلات في مصر و لله الحمد أغلبهم محترم للغاية
و حجزت عربية و مشيت في إجراءاتها بدون استخارة
غليت الحجز و عيني طلعت في استرداد المقدم
و لما حجزت عربيتي
نويت على لون غير إللي استخرت ربنا عليه
رحت حجزت لون تاني
و استلمت لون ثالث
استخير ربنا و أمشي و را الاستخارة بعد المنطق
بالتوفيق بأمر الله:CONGRA~238:

رد: انا هولع في نفسي لو محدش رد علي سرالي عن الفابيا

اقتباس:

المشاركة الأصلية كتبت بواسطة eng.salama95 (المشاركة 722915)

الف شكر يا بشمهندس
انا عارف ان العربيه مش منتشره انما انا بفكر عربيه تعد معايا شويه مش هبيعها دلوقت اساسا
وسمعت ان الالماني نضيف في استحماله وقطع غياره
وعارف ان الدايو و الاكسنت و الهيونداي منتشره بكتير انما انا مش حاببهم نوهائي36_1_5[1]
الفابيا اللي ادامي 1400 خلاص انا صرفت نظر عن ال 1200

رد: انا هولع في نفسي لو محدش رد علي سرالي عن الفابيا

اقتباس:

المشاركة الأصلية كتبت بواسطة Tota El Masry (المشاركة 722954)

معاكي حق خلاص انتي نبهتيني للنقطه دي اولع انا ويهيصو هما بالفلوس :joy23:

رد: انا هولع في نفسي لو محدش رد علي سرالي عن الفابيا

اقتباس:

المشاركة الأصلية كتبت بواسطة mohamed.89 (المشاركة 723182)

معاكي حق خلاص انتي نبهتيني للنقطه دي اولع انا ويهيصو هما بالفلوس :joy23:

ربنا يخلي حضرتك ليهم و يصلح حالنا جميعاً
اعقلها و أستخير ربنا و توكل
والله لو العربية فيها غيه ممكن بحسن الظن ربنا يكرمك بعربية منتهى الجمال و مافيهاش مسمار واحد مش في مكانه

شوف ملاك كل عربية بيقولوا عنها إيه و عاين بنفسك و سوق و جرب و حس بالفرق على الدركسيون و بالتوفيق إن شاء الله