مصر موتورز مجتمع السيارات - ظبطت الكربيراتير العربية بقت تسقف !!!!

اقتباس:

المشاركة الأصلية كتبت بواسطة Vanditta (المشاركة 722203)

السلام عليكم ورحمة الله وبركاتة

اقتباس:

المشاركة الأصلية كتبت بواسطة Vanditta (المشاركة 722203)

دلوقتى انا روحت مركز الصفا بتاع الكربيراتير وظبطت الكربيراتير كان عندى استهلاك عالى وهباب على البوجيهات ودخنة سوداء مع الكبس وباب السرعة بيعلق
المهم ظبطت الكربيراتير والفنى طلعلى البوجيهات وهى مهببة على الاخر وقالى لازم يتغيروا قولتلة لأ نضفهم وانا هبقى اغيرهم بعدين

المهم بعد ما مشيت كان الطريق زحمة وماعرفتش اجرب العربية كويس
المهم النهاردة ماشى بالعربية فى صلاح سالم سامع صوت تسقيف على التانى والتالت واحيانا الرابع لو مش مشبع الغيار
ومش عارف التسقيف دة سببة اية ؟!؟! خصوصا انة ظهر بعد ما ظبطت الكربيراتير

انا قولت من البنزين عشان كنت خالط نص التانك 80 ونص 92 بس روحت فولت النهاردة نص التانك 92 بقى تقريبا ال 92 موجود بنسبة 90 فى المية فى التانك
وبرضة فى تسقيف ؟!

هل دة عيب كهرباء؟ مقدمة او مأخرة مثلا ؟! ولا عيب بوجيهات
ولو كان اى عيب من دوول اية اللى خلاة يظهر بعد ما صلحت الكربيراتير ؟!!

اقتباس:

المشاركة الأصلية كتبت بواسطة Sniper1612 (المشاركة 722348)

اه يا باشا انا سمعت كدة من واحد فى بنزينة و كتيير من اصدقائى قالولى كدة بردو و الله اعلم

اقتباس:

المشاركة الأصلية كتبت بواسطة Sniper1612 (المشاركة 722348)

بس اظن انه بيكون نقى فبيشيل الوساخة اللى فى المواسير و هو ماشى HPPYBUS

و تقبل مرورى :01FDAB~189:

مبروك تظبيط الكربراتير

هو عمل فيه اه ؟؟

كان لازم تغير بوجيهات علشان يظبطلك هوا وكهربا عليها صح وماتسقفش حتى لو على بنزين 50

خد العربية فى مشوار طوالى علشان تنظف البوجيهات
ولو لسه مهببة غيرها وروحلهم المراجعة لسه ليك زيارة مجانية ومراجعة فى خلال 10 ايام من التصليح

تقوم مشترى طقم بوجيهات جديدة وتخليه يظبط عليهم SLAM

البنزين ال80 انظف بنزين لكن بينفجر فى قلب الموتور مرتين

وفى الحر لازم لازم يسك

بس كده واضح انها عاوزة تتظبط كهربا وهوا تانى

خلى بالك برضو بتوع الصفا مش أد كده برضو

تقبل مرورى رمضان كريم