مصر موتورز مجتمع السيارات - مشكلة في الفيات سيينا 2000 1400 ارجو المساعدة

مصر موتورز مجتمع السيارات (https://www.masrmotors.com/vb/index.php)

- FIAT Siena (https://www.masrmotors.com/vb/forumdisplay.php?f=235)

- - مشكلة في الفيات سيينا 2000 1400 ارجو المساعدة (https://www.masrmotors.com/vb/showthread.php?t=92669)

رد: مشكلة في الفيات سيينا 2000 1400 ارجو المساعدة

التقسيمة هى العلاقة مابين عامود الكرنك وعامود التاكيهات والاسبراتير وهذا فى حالة السيارات العادية (كربراتير) اما فى السيارات الحديثة فتكون التقسيمة بين الكرنك وعامود الكامات ويتم حقن البنزين والاشعال عن طريق وحدة الكترونية تعمل عن طريق حساسات على الكامات والكرنك .

رد: مشكلة في الفيات سيينا 2000 1400 ارجو المساعدة

مشكور اخي محمد علي الاهتمام والرد....هي نفس المشكلة دي كانت عند عضو في المنتدي اسمه zeko102030 ولف كتير علي ميكانيكية والتوكيل لكن مكتبش فالاخر هو الحل ايه بالظبط....يا تري لو عملت اسكان كومبيوتر هيبين حاجه؟ انا الميكانيكي قاللي دي لازم تتوصل كومبيوتر وكمان ضفيرة الاسلاك اللي رايحة للكومبيوتر شكلها متلخبط وغرقانة زيت....بصراحة المشكلة دي تعبتني وزهقتني قوي....ارجو الافادة

رد: مشكلة في الفيات سيينا 2000 1400 ارجو المساعدة

انا عندي تقريبا نفس مشكلتك عندي ونفس موديل العربيه سيينا 2000 اخر حاجه وصلتلها فى مركز الخدمه بعد ما لفيت على ميكانيكيه كتيير اني لازم اغير الكونترول بتاع العربيه وده سعره اغلي من الموتوروراكن العربيه وبدور عليه بس ان شاء الله مشكلتك تبقى ابسط وعندي مشكله برضه فى الضفيره

رد: مشكلة في الفيات سيينا 2000 1400 ارجو المساعدة

اقتباس:

المشاركة الأصلية كتبت بواسطة هيثم فهمي (المشاركة 727015)

شكرا يا استاذ هيثم عالرد.....هو انا ممكن اعرف العطل منين ؟ اوديها فين؟ ...مين ممكن يجيبلي من الاخر؟ ومن غير ما يقعد يعمل محاولات؟

رد: مشكلة في الفيات سيينا 2000 1400 ارجو المساعدة

اقتباس:

المشاركة الأصلية كتبت بواسطة هيثم فهمي (المشاركة 727015)

وكمان انا عندي لمبة الانجيكشن مش بتنور وانا ماشي . بتنور لما باجي ادور بس..يعني طبيعية. فهل ممكن يكون الكونترول بايظ برضو؟؟
انا عندي صوت الموتور عالي شوية..وقالولي دي تظبيط تاكيهات وطلعت متظبطة مفيهاش حاجة
وكله عمال يفتي لما زهقت
ارجو الافادة لاني مش لاقي ميكانيكي فاهم...

رد: مشكلة في الفيات سيينا 2000 1400 ارجو المساعدة

اقتباس:

المشاركة الأصلية كتبت بواسطة menamalak (المشاركة 721367)

:CONGRA~238:يا جماعة انا عربيتي سيينا موديل 2000 و 1400 سي سي....وفيها مشكلة فظيعة وهي التنتيشة فالطلعة.بتحصل نتشة في الطلعة علي الاول بس ولما تكون العربية سخنة بس....اما علي باقي الغيارات العربية طبيعية جدا وزي الفل.....لما بادور العربية الصبح واطلع بيها بتبقي طبيعية جدا علي جميع الغيارات....وبعد شويتين تبدا تنتش في الغيار الاول بس وكمان ممكن تفصل خالص والحل طبعا اللي انا باعملة اني باكبسلها بنزين جامد....واكيد دة مش حل ... بس مضطر اعمل كدة فالاشارات والزحمة عشان باوقف الدنيا ورايا.....المهم عشان ماحكيش قصة طويلة واعطلكم...كنت عند واحد بتاع تاكيهات وقاللي ان التاكيهات مظبوطة تمام لكن عمل حاجة انا مش فاهمها الحقيقة...فصل اول بوجيه من عالشمال لقي الموتور بيتهز جامد قوي وكانة عاوز يبطل....ولما فصل البوجية التالت من ناحية الشمال الهزة قلت جدا جدا....فقاللي علي تفسير معين انا مش مصدقة لاني مش واثق لا في الميكانيكي ولا بتاع التاكيهات وحاسس انهم بيلقموني لبعض عشان يعملوا مصلحة....فارجو منكم الافادة لان الموضوع دة مجنني جدا....

ملحوظة مهمة...

لما بادور العربية الصبح بالاحظ ان الار بي ام بيبقي علي 11 ولما بتبدا تسخن بينزل علي 9 ....غالبا بالاقي الموتور زي ما يكون عاوز يبطل بالاقي الاربي ام علي 9 وفجأة ينزل ل 4 ويرجع تاني ل9 وبعدين ينزل ويرجع وهكذا.....ارجو الافادة ارجوكم ولكم جزيل الشكر

انا عندي نفس المشكله في عربيتي سينا 1400 موديل 2004 لدرجة اني غيرت الموتور بالكامل ونفس القصه برجله علي السلانسيه وتنتيش في الغيار الاول والتاني و الار بي ام بيلعب والعربيه دايره في مكانها و لما بزود بنزين بتخرج دخنه سودا مش اوي تقدر تقول رمادي بس دخنه كتير وبصراحه زهقت من الحوار ده مع ان العربيه دي ممتازه بصراحه في مشيها و ثباتها محترم و بودي العربيه جامد جدا وتكييفها محترم وده اللي مصبرني عليها بس يا خساره الحلو ميكملش

رد: مشكلة في الفيات سيينا 2000 1400 ارجو المساعدة

أنا معايا سينا 2003 كانت زي الفل لسه شاريها من 3شهور وعملت حادثة المهم صلحتها وبعدين كانت بتدخن وما بتسحبش وبتقطع غيرت حساس بيقول بنزين اتعدلت شويةبس مهما ادوس بنزين ما بتزيدش عن 100 كيلو وبتاكل بنزين كتير (الطبيعي قبل الحادثة 10 لتر كل 100 - 140 كيلو على السرعة العالية في طريق مصر اسكندرية الزراعي) اصبحت تحرق بدل 10 لتر 20 - 25 لتر في نفس المسافة وأخيرا بقت تنتش ولازم ادوس بنزين كتير وامشي على الغيار فترة كبيرة عشان انقل لغيره ولو هديت شوية لازم انزل للأول أو التاني المهم رحت لميكانيكي مش مهندس بس شاطر قال التنتيش من البوجيه والدخان وعدم السحب لأن المهندس بتاع الكمبيوتر اللي غير الحساس كان بدل الخراطيم في الموتور والحمد لله ظبطلي كل حاجة والدخنة راحت ورجعت تسحب تاني وما تقطعش شوف الموضوع ده ممكن يكون السبب بتكون حاجة تافهة وتوقف حالنا.
بس بعد ما بامشي بيها دلوقتى أكتر من 100 كيلو وبسرعة من 90 - 100 بحس برعشة في العربية لما السرعة توصل 80 أو اكتر مش عارف من ايه واشمعنى بعد ما امشى المسافة دي كلها ليه مش من الاول انا عندي جنط نت الحادسة حرفة معوج مطبق يهني ممكن يكون هو السبب وعندي طرمبة الباور بايظه على ما غيرت علبة الدريكسيون كانت باظت ممكن تكون هي السبب مش عارف لو حد عنده فكره يقولى وجزاكم الله خيرا.