مصر موتورز مجتمع السيارات - ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!

البلد حالها مش اوى
بس ده ميمنعش انك تجتهد وتحاول تاخد كورسات والافضل تحاول تشتغل فى حاجه انت هاويها حتى لو ب 10 جنيه الهوايه هتتحول معاك لحلمك ومشروعك

رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!

طيب انا بقي العكس بقالي شهر وزياده بادور علي انسه للعمل فتره من 8 الي 2 ظهرااا ومش لاقي .,. علقت اعلانات وكلمت اصدقاء .؟. مش موجود غير دبلومات ودول بيتعبوا الواحد في تدريبهم .,. فاتح بقالي 4 سنوات و جبت 5 بنات .,. تيجي شهر والتاني وتتخطب .,.
اطول واحده قعدت معانا سنه ... صيدليه مجاوره اللي معاهم بقالها 4 سنين ...

عشان محدش يعلق ويقلي ما الرجاله ماليه الدنيا وفعلا جاني كتير وشباب زي الفل بس المشكله اننا كرجاله لا نفقه شيء في شغل النظافه و الرص وبيع مستحضرات التجميل ولازم بنت في الصيدليه ولو ساعه حتي ...SLAM

رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!

اقتباس:

المشاركة الأصلية كتبت بواسطة tarek/ (المشاركة 719101)

المشكله عامه وليست خاصه

نفس الموضوع فعلا يواجهه اصحاب العمل الخاص

اقسم لك بالله يا أخى مصنعى بيقفل بالاربع شهور وبدفع رواتب كامله (ومش عاجب)

والكارثه ان البلد بتفضل تحارب فينا بردوا رفعوا التأمينات وملهومش دعوه انت شغال ولا واقف هتدفع يا هتتحبس ويجيلك واحد من مكتب العمل وياأخذ اسم عامل ولا اتنين ويعمل محضر بألف جنيه على كل عامل وتيجى عربيه التنفيذ تاخد سيادتك من البيت كأنك قاتل أو تاجر مخدرات

وتسئل البيه الموظف انت عملت محضر ليه يقولك انت شغلت واحد عندك بدون ما يجيب كعب عمل يا فندم وايه فايده كعب العمل للعامل يقولك ولا حاجه غير ان كعب العمل هيطير له الوظيفه بتاع تعيين الحكومه مضطر تقول الله يخرب بيوتكم والمشكله ان القضيه كانت شغاله معايا والاتنين العمال سافرو السعوديه والدنيا وردى معاهم ....
بلد ماشيه بالعافيه وغيره وغيره من امن صناعى لضرايب لضرايب مبيعات لسجل صناعى (حرب)
صدقنى يا اخى الفاضل المشكله عندك وعند صاحب العمل
لحد ما يتصلح حال البلد وبجد القادم .........؟؟؟؟ الله اعلم مش عايز اتشائم
ربنا يصلح حالك ويصلح حالنا جميعا بالرزق الحلال

سيادتك هتقلي علي شغل الشحاته .,. من تامينات و امن صناعي عشان طفايه يتيمه و نقابه تجاريين ده غير الضرايب ...

رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!

طب أنا قريت فى الجرايد إن فيه مصانع فى مدينة برج العرب الجديدة ومدينة السادات مش لاقيه عماله
قد يكون السبب هو بعد المسافة أو الأجر المتدنى أو ساعات العمل الأكثر من 8 ساعات لكن فعلاً حال البلد واقف ربنا يكون فى عون الأجيال القادمة