|
رد: كل واحد حصلو كدا يخش
اقتباس:
|
رد: كل واحد حصلو كدا يخش
مرة اخدت شارع باكمله بضهرى بخنزيرة معفنة والازاز الورانى بتاعها فاميه والمرايات مش مظبوطة وكان شارع ضيق شوية وف اخر الشارع خالص حكيت الرفرف الشمال اللى ورا فى عمود صاحب العربية بيقولى بتعمل ايه يا جدع قلتله ما هو انت لو مركب نواكل الرفرف مكنتش اتخربشت
|
رد: كل واحد حصلو كدا يخش
هههههههههههههههههه مواقف كلها تحفة والله أنا بقى عندى من المواقف يكفى خمس كتب بس أجملهم وأقواهم :: كنت راجع من الكلية ومعايا زميلى وماشي على طريق فى مدخل البلد وصبى بتاع كاوتش عدى قدام العربيه وراح رجع تانى مرة واحدة خبطته بالكابوت ونزل على الارض وقام يجرى على الورشة ركنت ونزلنا نشوف الولد راح صاحب الورشة مسك وليد صاحبى وراح ضاربه فين يوجعك :014FDA~117: ..... ويشخط فيه ماتمشى على مهلك . ماتاخد بالك وانا راكب على الراجل من وراء وماسك دراعاته الاتنين بس اروح فين الدراع الواحد عنده :WEIGHT~173: قد وسطى ويمكن اكتر المهم اقول للراجل انا اللى خبطة برضو مافيش فايدة فاكرنى بقول كده عشان يسيبه المهم الناس اتلمت وخدوا صاحبنا وركبوه العربيه وقالولى معلش سوق انت عشان صاحبنا بقى وشه :00020080: كله دم :fun_broken: كل ده وأنا فطسان من الضحك بس مش مبين و أول ما ركبت العربيه اتفتحت:ROFL_C~118: فى الضحك وهو يشتم ويلعن :12B1B3~136: وأنا :120105~454: أضحك :121D6A~142: |
رد: كل واحد حصلو كدا يخش
ههههههههههههههههههههه كلكم قصصكم احلى من بعض ربنا يحفظكم ولكن اين قصتك:shyy: يا ديكتاتور |
رد: كل واحد حصلو كدا يخش
من المواقف الجامده برضه كان معايا واحد صاحبى معاه بيجو 504 وانا 132 وكان حالف لا يخلينى اجرى بالاكراه
ودا معناه انه بيخلى اكصدام عربيته اللى قدام مفيش 20 سم بنينه وبين الاكصدام اللى ورا عندى ومشين على طريق فردى رايح جاى وجبت 80 وهو دايس المهم دخلت على 90 لاقيت 128 واخده اليمين وماشيه فى الطراوه قربت منها مفيش بينى وبنها 20 متر وقمت واخد شمالى وبدون اشاره والتانى دايس لقى فجأة 128 داخل عليها هيكولها اما دايس فرامل صح بتاع 128 خايف اوووى وقام واخد الشمال ههههههههه طبعا التانى كان رايح الشمال وفضل هو 128 على هذا المناول وانا وقفت ومبطلتش ضحك وهو كان نازل من العربيه ميت من الرعب اللى حصل له ولا بتاع 128 اول ما نزل من العربيه وطى على الارض وسجد بس ايه الواحد فى الازيه ميتوصاش |
رد: كل واحد حصلو كدا يخش
من المواقف وكانت ايام الثانويه وكان بين سكني والمدرسه في قريه مجاوره تقريبا من 2 الي 3 كيلو وكنت باروح بموتسيكل ياماها قديم ... المهم اول حادثه ليه وكانت بسبب مطب وطبعا البيت رفض ركوبي ليه تاني مع اني كنت المتميز .,. الطالب الوحيد اللي معاه موتسيكل بس بعد الحادثه بقي معايا عجله وتعب قلب تاني.......
موقف تاني من 3 سنوات وخبطت عيل صغير بس القصه اني بامشي بتاع 2 كيلو مشايه رمليه من المزرعه لاول الاسفلت وعندنا عيال مجانين وماشي بتاع 20 الي 30 كيلو عشان الرمل وشويه اطفال معدين وكعادتي هديت لاني مخون حركاتهم المش بريئه ... وجه عيل فجاه زاقق عيل تاني خبط في الجدول وربنا ستر وفاديت الولد .... تمام والواد زي الفل... ركنت ونزلت اطيب خاطره واطمئن والاقي عصايه خشب زي النبوت نازله علي طهري من ورا .... غشم والد الطفل وشويه ناس معاه وبالعافيه عايزين قال ايه يمضوني علي وصل امانه وقعده عرب واشتغالات ... طبعا زي الشطار رفضت التهريج ده ورحت عملت كشف طبي ومحضر محترم متوصي عليه جااامد من معارف .... الراجل ليلتها كان مشرف في القسم ومشيت قضيه الي قبل جلسه الحكم وكان علي الاقل هياخد 6 شهور ....... ابعت في ناس واصل الراجل ده طيب وغلبان وبيجري علي كوم عيال بس هو غشمه اللي مضيعه ...... في النهايه رحت المحكمه اتنازلت قدام القاضي ... اسف للاطاله ... :Wkiss5: |
رد: كل واحد حصلو كدا يخش
اول عربيه ركبتها فى حياتى كانت فيات 132 وكانت عربيه زى الظلطه نشفه جدا والصلون بتعها طالع عينه الدبرياج بقا كان نكته كان من تقله لما ادوس دبرياج الكرسى يخدنى ويرجع وراء لكن اول تعليم فعلى كان على تاكس مزدا 929 من تكسيات المحله وده مضرعه حربيه |
| الساعة الآن 02:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017