رد: انا حاسس اني اتنصب علي في كيا سول 2013 من معرض سمير اوتو
 

يا باشا 2012 او 2013 ما تفرقش ايه يعنى المشكلة على الاقل لما تيجى تبيعها يكون مكتوب فى الرخصة 2013 وتجيب سعر اعلى
وبالنسبة للفوانيس ففعلا ناس كتييييييييير جايبة العربية ونفس المشكلة دى لدرجة انى رحت معرض وسأته قالى مفيش الا الفانوس دا اصلا بينزل فوريتة صورة عربية واحد صاحبى بالفوانيس الليد قام حاطط جزمة فى بقة وسكت
وبعدين ما تنساش اصلا مشكلة الليدات اللى اشتكى منهى احد الاعضاء هنا فى المنتدى وبيقول انها بتكون منورة ليل نهار وملهاش اى زرار لأغلاقها
انا بس المشكلة الوحيدة من وجهه نظرى سعرها 145 كتير اوى على خليجى لأن معروف عن الخليجة انه بيكون مواصفات اعلى وسعر اقل وانت عندك اعلى سعر فى الوكيل 142 الف
عموما امشى معاهم فى سكة الرجوع او التبديل ولو ما نفعش فأعرف انك بكل الاحوال مستفيد بعربية جميلة ومواصفات عالية
واهم حاجة ما تاكلش علينا التقرييييييييييييييير

رد: انا حاسس اني اتنصب علي في كيا سول 2013 من معرض سمير اوتو
 

أنا هقول لك حاجة... أنت جبتها على اساس إنها خليجى وفيها إمكانيات أعلى من المصرى.. إعمل مقارنة بين الخليجى الحقيقى فى أحد المعارض وبين العربية بتاعتك وأسال على ثمن الخليجى كام.. ولو وجدت أنك واخد نفس الإمكانيات بنفس السعر يبقى رخص وأتكل على الله..

لو لقيت ان العربية بتاعتك مختلفة على الخليجى والخليجى أرخص منها حتى ولو 1000 جنية روح للمعرض إلا اشتريت منه وقول لهم على الموقف اللى حصل دة وأظهر غضبك وقول لهم حاجة من الأثنين
1- ترجعوا لى فرق السعر بين الخليجى والسعر الذى دفعته
2- يأخدوا عربيتهم وهما ساكتين وإلا هتروح على جهاز حماية المستهلك.....

أعتقد هيختاروا الإختيار الأول....

رد: انا حاسس اني اتنصب علي في كيا سول 2013 من معرض سمير اوتو
 

عادي فيه سيارات كتير بتترخص 2013 زي الصني الجديده وكل الشركات اللي نزلت موديل 2013 بس الفكره انه اصلا لازم يتاكد من المرور اذا كان هيرخصوها 2013 ولا لا

رد: انا حاسس اني اتنصب علي في كيا سول 2013 من معرض سمير اوتو
 

يا سيدنا كولو واحد والله هى الفرق تحسو فى التكيف بس مش اكتر لكن والله ولا فرق ولا حاجه بلا خيبه انا لسه شارى سيراتو 2012 فى شهر ابريل بس كنت عارف اكشف عليها مش بالطيبه اللى انت تعاملت بيها معاهم وانا روحت سمير ريان وفضلت معشمهم لحد مالاقيت افضل سعر من عند حد تانى واشتريت وهما كانو هيتجننو لان لانى جبت نفس المواصفات بفرق حوالى 2000 جنيه فده نصيب ولكن قدر اللله ومشاء فعل لكن الكل بيتساوى فى موضوع المعارض لكن محتاجه حد يبقى صاحى وعندو فكره عن الاسعار فى اكتر من مكان لكن على مايبدو ان الحكايه فى البلد بقت ازمة امانه وثقه وتعاملاتنا كلها نصب فى نصب شعب بيفكر ازاى اول لما يصحى من النوم الصبح هيحط ايدو فى جيب الناس ازاى وانت ممكن تقيس كلامى على ما انت تراه عندك فى الشغل لكن احمد ربك انها جت على اساس كده وممكن تروح تعمل بردو شكوى وتهددهم بانك هتنزل الشكوى فى الجرايد ومش هتكون فى ملاحق السيارات اللى بيشترو فيها الاعلانات وهتكون اكبر مما يتخيلو لكن بردو اتكلم مع الحاج سمير انا اسمع انو راجل معقول واشرحلو لو تفهم اوك محصلش اتخذ بعدها كل اللى تقدر تعملو وماتقلقش كل القنوات بقت مفتوحه لاتخاذ اللازم تجاه اى حد سواء جرايد او فضائيات فبراحتك وكولو هيشتغل وهتلاقى اللى عايز يسويلك الموضوع عشان يوسطو ه من المعرض ويراضوك جرب ورتب ورقك وشوف وربنا معاك واللففففف مبررررررررررررررررررروك عليك وربنا يديلك خيرها ويبعد عنك شرها :Wkiss5:

رد: انا حاسس اني اتنصب علي في كيا سول 2013 من معرض سمير اوتو
 

حاسس حاسس أن اتنصب عليك ؟؟؟
هو فعلاً اتنصب عليك
انا مش هقولك زى الناس ايلي عماله تصبرك و خلاص معلش انت دافع فلوس
لازم تاخد حقك منهم و أنا شايف يا سلام لو عرفت ترجع العربية من أساسة و تشتري من مكان تاني

رد: انا حاسس اني اتنصب علي في كيا سول 2013 من معرض سمير اوتو
 

أنا روحت المعرض و كان فيه سيارتين كيا سول واحدة سوداء و وحدة لوئلوئى... و اللؤلؤى كانت خليجى برضو و بنفس المواصفات دى و جنوط 18 و ABS و تكيف تاتش و كاميرا و مريات ضم و مالتى فنكشن و بدون فاميه و بدون كونسول ...
دى كانت موديل 2012 ب132 ألف...

بص حضريتك أنا أنصحك مدام لسة مرخصتش يا ترجع العربية و تشتيرى من حتة تانية يا ترجعها م تجيب من عندهم كيا سول 2012 وكيل ب140 ألف جنيه كاملة... أنا شوفتها عندهم و الزيادات الفيها أناها نزلا LED و multi function أكثررر و ضمان الوكيل و فاميه على الرخصة و جنوط 16 لاكن تكيف بكرة و فيها كونسول ..

رد: انا حاسس اني اتنصب علي في كيا سول 2013 من معرض سمير اوتو
 

فى طبعا فى مصر موديلات 2013 مين قال مفيش وانا معايا واحدة وفى مليون طريقة تعرف بيها موديل االعربية 2012 ولا ال 2013 ولا اى موديل كان
فى رقم هتلاقية تحت البرباريز بتاع العربية من ناحية السواق رقم كبير كدة الرقم ده ممكن تعرف بيه كل حاجة عن العربية وده رقم تليفونى كلمنى واقولك تتعرف موديل العربية من شركة كيا ازاى
01063296677