مصر موتورز مجتمع السيارات - مشكله في سرعه سيتروين ax

مصر موتورز مجتمع السيارات (https://www.masrmotors.com/vb/index.php)

- ستروين Citroën (https://www.masrmotors.com/vb/forumdisplay.php?f=18)

- - مشكله في سرعه سيتروين ax (https://www.masrmotors.com/vb/showthread.php?t=90679)

رد: مشكله في سرعه سيتروين ax

السلام عليكم
احب اضيف انه لما الواحد يكون محمل السياره او يسير عكس الريح فأن ال rpm لايكون مرتفع لأنه يوجد مقاومه للسياره ككل وليس على السرعه فقط فتكون سرعة المحرك وسرعة السياره منخفضه
والله المستعان

رد: مشكله في سرعه سيتروين ax

اقتباس:

المشاركة الأصلية كتبت بواسطة فهمى (المشاركة 704801)

بص يا أخى لو فى مشكله فى أسطوانة الدبرياج ال rpm ها يعلى ومش ها يكون فى سحب بس انت بتقول انه كان على 4000 وده مش عالى يعنى ده مستبعد وناس بتقول اى كلام فالسبب هو يأما انت كان معاك حموله فى العربيه او ماشى عكس اتجاه الريح والريح كان جامد ( الريح بيفرق مع العربيه دى لأن وزنها خفيف ) او السبب الثالث وهوالأرجح ان الموتور بدأ يخف (يبقى ضعيف ) وكتر خير الدنيا الموديل ده بقاله معايا 17 سنه و270 الف كيلو فطبيعى نخش فى موضوع شنبر وربنا يخليها لنا .

rpm 4000 على الغيار الخامس وسرعة 120 فقط وحضرتك بتقول الار بى ام مش عالى ؟!!!!ايه ياترى
اعتقد ومع كامل احترامى لرأى حضرتك ان تقدير حضرتك خطأ لأن 4 ار بى ام على الغيار الخامس والعربية سرعتها 120 فقط يبقى الار بى ام عالى على السرعة دى
الا لو العربية ماروتى مثلا اللى اخر عدادها 140 ساعتها اصدقك ان الاربى ام مش عالى

اما موضوع اتجاة الريح والحمولة دة بيفرق فى سرعة العربية ككل (ار بى ام + سرعة) مش سرعة بس وار بى ام يعلى براحتة

رد: مشكله في سرعه سيتروين ax

اقتباس:

المشاركة الأصلية كتبت بواسطة Vanditta (المشاركة 706660)

بالمنطق مشاكل أسطوانه الدبرياج هى يأما السلك أتقطع يعنى مش هاتعرف تنقل ....... يأما الدبرياج واطى أو عالى (الريبلاج) وفى الحاله دى يبقى فى عضه فى الدبرياج أو يفصل فوق أوى وأنت مش متعود على كده ( مسالة تعود ) أو الأسطوانه نعمت ( يعنى مافيش أحتكاك بين الديسك والأسطوانه ) وفى الحاله دى بتنزلق الأسطوانه على الديسك بدون ما يلف الأثنين معا يعنى أكنك دايس دبرياج من غير ماتدوس دبرياج وفى الحاله دى لما تدوس بنزين ال rpm ها يعلى ويوصل معاك للمنطقه الحمراء لو عاوز انما هو بيقول أن أخره على 4000 لفه فى الدقيقه يعنى بالبلدى من غير هندسه مافيش كبس( مافيش كبس مافيش كبس مافيش كبس مافيش كبس مافيش كبس مافيش كبس مافيش كبس كفايه كده ) هل ما لاحظتش ( اذا كانت عربيتك صغيره ) اختلاف فى سحب السياره وأنت رايح الأسكندريه من القاهره طبعا على الصحراوى مساءا عن سحبها فر رحلته العوده فى نفس التوقيت ؟ السحب بيكون أحسن من الأسكندريه الى القاهره والعكس تماما ازا كان السفر صباحا لآن اتجاه الريح بينعكس فالصباح الباكر وشكرا على الحوار البناء وفى النهايه ها أقولك المثل الشعبى - أسأل مجرب ( مهندس معمارى ) ولا تسألش طبيب ( مهندس سيارات ) الكلام ده للباشمهندس مشمش ههههههههه والفيصل بيننا نحط العربيه على جهاز Dyno

رد: مشكله في سرعه سيتروين ax

اقتباس:

المشاركة الأصلية كتبت بواسطة مشمش1 (المشاركة 706579)

رد: مشكله في سرعه سيتروين ax

اقتباس:

المشاركة الأصلية كتبت بواسطة فهمى (المشاركة 706999)

يا استاذ فهمى هو يأما الاسطوانة نعمت والعربية مابتتحركش يأما الاسطوانة زى الفل والدبرياج هو اللى عالى او واطى
اومال لو الاسطوانة متأكلة شوية اية الاعراض اللى بتحصل ؟؟!

لو (مافيش كبس) زى ماحضرتك بتقول يبقى المحرك مش هيوصل لعدد اللفات دى على الغيار دة

رد: مشكله في سرعه سيتروين ax

اقتباس:

المشاركة الأصلية كتبت بواسطة فهمى (المشاركة 706999)

السلام عليكم
اخي الكريم اولا مشاكل الدبرياج كثيره مش الى ذكرتها بس
ثانيا في حالة الدبرياج بيفصل فوق يبقي كأنك دايس ومحمل على الدواسه بالتالى بتقلل الأحتكاك بين الدسك والأسطوانه بالتالي يزيد تأكل الأسطوانه مش عملية تعود فقط بل هلك للأسطوانه والبليه
والأخ الكريم صاحب المشكله بيقول انه لما توصل الى4000 لفه بتكون السرعه كذا مش انه اخر المحرك 4000 لفه
ومعلومه مهمه هات اي سياره تكون المحرك بتاعها مفوت وعلى رأيك ما فهاش كبس هتلاقي عدد لفات المحرك يعلي اكثر من 4000 لفه وممكن يوصل للعلامه الحمراء
اما بالنسبه لموضوع اتجاه الريح فهوه بيأثر علي السرعه وعدد لفات المحرك ( يعنى الأثنان بيوطى مع بعض مش واحد يوطى والثاني لأ) ونفس الشيئ في المطالع

ومثلك الشعبي مثل صحيح بس المشكله انه انا طبيب ومجرب وطالع عينى في المواضيع بتاعة السيارات والحمد لله خبرتى ليست نظري فقط ولكن نظرى وعملى وأعمل بيدى عند الحاجه والحمد لله
واسافركثير والحمد لله مع وعكس اتجاه الريح واعلم ما اقول
و شكرا للمناقشه

والله المستعان

رد: مشكله في سرعه سيتروين ax

اقتباس:

المشاركة الأصلية كتبت بواسطة مشمش1 (المشاركة 707144)

اللى ها يحل المشكلة دى هو الأستاذ حماده صاحب المشكله برده على هذا السؤال هل اذا زود البنزين على أخره ال rpm بيعلى والسرعه بتفضل ثابته على 120 ؟ اذا كانت الأجابه نعم يبقى كلامكم صحيح والمشكله فى الدبرياج . اما ازا كانت الأجابه لا ودى أخر سرعه واخر حاجه فى أنفعال الموتور )rpm( ودايس بنزين على الأخر يبقى الكلام اللى انا قلته صحيح ( مشكله حموله أتجاه ريح حالة موتور + حالة الفلاتر والبوجيهات .... الخ) مع العلم ان سؤاله واضح وهو ( السرعه عندي لا تزيد 120 مع اني جايب السرعه الخامسه ودايس علي دواسه البنزين وال rpm علي 4000 والميكانيكي مش عارف ) يعنى الراجل دايس بنزين وال rpm على 40 يعنى ده اخر الأر بى أم . ايه المشكله ان تصيب أمرأة ويخطأ عمر ؟ طبعا لا انا أمرأة ولا انتم بعمر رضى الله عنه .