مصر موتورز مجتمع السيارات - ارجو الافاده بيجو 405 ولا فورد مونديو 98 ولا كيا سيفيا 2000

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: ارجو الافاده بيجو 405 ولا فورد مونديو 98 ولا كيا سيفيا 2000

اقتباس:

المشاركة الأصلية كتبت بواسطة MR_SELVESTER (المشاركة 702441)

الدايو لانوس صاجها يعتمد عليه وحطها في الحسبان ...
البيجو 405 جميلة جدا وثابتة جدا بس مصاريفها كتير وموديلها قدم شوية
خليك في الانوس جميلة وقباتها جميل

شكرا لرد حضرتك بس مصاريف البيجو كتير في ايه وبعدين هي تقريبا نفس موديل اللانوس لاني لو قررت اجيب لانوس هاتبقى 1 موديل 99 و 2000 لاني سمعت انها افضل عربيه لانها كوري بالكامل هل فعلا ده صحيح

رد: ارجو الافاده بيجو 405 ولا فورد مونديو 98 ولا كيا سيفيا 2000

اقتباس:

المشاركة الأصلية كتبت بواسطة mohamed hossam elemam (المشاركة 702477)

انا بنصحك بكيا سفيا عربيه جميله جدا كل اللي انت اولته من شويه موجود فيها وبلفلوس الي معاك تقر تجيب كيا سفيا موديل 2001 مش 2000بس

طيب السيفيا 1500 سي سي بس هي كام حصان وشكرا لرد حضرتك

رد: ارجو الافاده بيجو 405 ولا فورد مونديو 98 ولا كيا سيفيا 2000

اقتباس:

المشاركة الأصلية كتبت بواسطة osama-x (المشاركة 702549)

الفورد مونديو عربية جميلة بس المشكلة في قطع الغيار .. الكيا سيفيا عربية حلوة بس انت طالع من عربية 2000 يعني لو ركبت ال1500 مش هتحس انك راكب عربية يبقي المقارنة هتبقى بين مونديو و 405

الفورد مونديو لو تعرف حد عنده قطع غيارها و ميكانيكية بيفهمو فيها يبقى عدت و هاتها
لو مفيش يبقي عندك بيجو 405 و البيجو عندك منه 3 طرازات :

اول واحد -- بيجو 405 gl - glx و هو موتور 1600 سي سي 8 صباب 1 كامه و كابرتير و يولد قوه قدرها 92 حصان و تصل الي 97 حصان بعد فتح التكهات نسبيا وده منه باوبشن و فاضي و نسبة استهلاكه للوقود 20 لتر في 180 كم

2 -- بيجو 405 sr و هو متوافر بموتور 1800 سي سي 8 صباب و 1 كامه و هاف انجكشن يولد قوه تصل الي 108 حصان و ده فول اوبشن نسبه استهلاكه للوقود 20 لتر في 160 كم

3 -- بيجو 405 برستيج و هو متوافر بموتور 2000 سي سي 8صباب و 1 كامه و انجكشن يولد قوه تصل الي 123 حصان فول اوبشن فتحة سقف و اوتوماتيك نسبة الاستهلاك 20 لتر في 175 كم

و دي شوية قطع غيار للبيجو
طقم الدبرياج 460 - اسطوانة وديسك وبلية 450 قاعدة الماتور 1000 - طقم البوجيهات الاصلى بوش 200 جنيه - وش الفانوس الامامى 75 جنيه - الاشارة 60 جنيه - فلتر الهواء ب 130 - فلتر بنزين اصلى 20 - كوبلن فرنساوى = 1100
ان شاء الله تلاقي عربية حالتها نضيفة لان دي اهم حاجة و ربنا يديك خيرها و يبعدك عن شرها

انا حطيب المونديو في المقارنه عشان قريبي معاه فورد مونديو وبيشكر فيها جدا وبيقول ان قطع الغيار مش بتتعبه قوي لانه عرف اماكن توافرها بس المشكله انه في اسكندريه وانا في القاهره واستحاله طبعا اني كل ماعوز حاجه اروح اسكندريه

طيب ا اسامه لو كانت بيجو حضرتك ترشحلي اي فئه منهم وموديل كام وازاي اعرف انه فرنساوي مشش ايراني عشان انا سمعت ان الايراني في مشاكل واشكر حضرتك بشده

رد: ارجو الافاده بيجو 405 ولا فورد مونديو 98 ولا كيا سيفيا 2000

السيفيا ال1600 والله أعلم :pod_of_gold:

رد: ارجو الافاده بيجو 405 ولا فورد مونديو 98 ولا كيا سيفيا 2000

االعفو يا باشا و زي ماقولت لحضرتك المونديو عربية شديدة و ناعمة بس مشكلتها قطع الغيار و العربية اللي برشحهالك بيجو يرستيج لائنك طالع من عربية 2000 يعني لو ركبت عربية اقل منها هتحس انك سايق بطة يعني مش هتجيب معاك سكة و طبعا الاختيار في الاول و الاخر لحضرتك
بالنسبة لحوار الفرنسي و الايراني البيجو الايراني هتلاقي فيه خطوط انسيابية على غطا الكبوت و الشبكة و الفانوس اللي ورا متتاخد بالنص واسمه بيجو بارس
البيجو الفرنسي غطا الكبوت سادة و نص الفانوس اللي ورا هتلاقيه داخل على اللي تحت
و دي صور البيجو الايراني
http://bestsellingcarsblog.com/wp-co...11-600x346.jpg
http://pitstopbrasil.files.wordpress...ot405pars2.jpg

وده البيجو الفرنسي

http://www.careos.com/pics/BiblioPHO/net/405_1992.jpg
http://cdn.sella.co.nz/images/thumb/...sq-640x500.jpg
البيجو الفرنسي نفس الايراني في العفشة و المتور بس الفرق ان الايراني متجمعة في ايران و في ناس مش بتحب الحاجة اللي متجمعة برة بلدها و انا من الناس دي على فكرة بس عايز افكرك ان البي ام بتتجمع في مصر :00db9337ef155724e76
و ربنا يوفقك للعربية اللي تريحك