رد: الى محبى إبيزا
 

السلام عليكم
ممكن نقارن الثلاثة مع ثبات السعر يعنى لو معايا 35 الف اجيب اى موديل من الجولف ابيزا وبولو وياريات الصور الخارجية والصالون والشنطة
انا عارف انى بصعابها عليك بس مش صعب على نجم نجوم علامة سيات

رد: الى محبى إبيزا
 

بص يا باشا انا حاولت ارفع صور بس الكمبيوتر عندي و النت مهنجين تهنيج غريب عموما ممكن تبص علي عربيتي في قسم صور سيارات الاعضاء هتلاقيها هي و عربية زيتي مرسيدس 280 في نفس الموضوع تمام

بص بقي كده يا رب يعجبوك دول

ده لينك لتفاصيل المحركات من اول موديل سنة 1984 لحد 2009

خليك انت في تاني خانه من الجدول سيبك من اول خانه
http://en.wikipedia.org/wiki/Seat_Ibiza#Specifications

و ادي لينك لكل موديلات البولو و هتلاقي بولو سودا اللي هي من 1995-2000 هي دي البولو 95 او المسماه بالبولو فوكس

http://en.wikipedia.org/wiki/Volkswa....E2.80.9395.29

و ادي لينك للجولف بكل موديلاتها الجولف 2 هي اللي من سنة 1984-1992
http://en.wikipedia.org/wiki/Vw_golf

و جوجل اكيد مليان صور برضه معلش الكمبيوتر مخرف علي الاخر و مش عارف ارفع صور اعذرني

رد: الى محبى إبيزا
 

ظهرت ادامي ابيزا 94 فيها موتور 1800 gti بجنوط 15 و عربية نضيفة و طبعا انجكشن مطلوب 38 الف

رد: الى محبى إبيزا
 

شكرا لاهتمامك
بس انا كنت عايز تقيمك الشخصى الثلاثة سيارت دول
بالنسبة العربية 1800 هتاكل بنزين منى انا محتاج حاجة صغيرة 1300 1400 سى سى بتكييف
gti اختصار اية
شكرا ياباشا

رد: الى محبى إبيزا
 

ال 1800 انجكشن يا باشا و 8 صباب مش 16 فا مش هتبقي اكيلة بنزين ولا حاجة ان شاء الله

Gti ده كود المكنة دي

تقييمي الشخصي للتلات عربيات دول علي القمة الجولف و لكن يقلل منها انها موديل قديم و تصميم قديم بعدها علي طول الابيزا 94 مفيش فرق اعتمادية بينهم لان الاتنين مكوناتهم واحدة هي نفس المكنة والفتيس و العفشه بس الابيزا اضيق من جوا حبه بسيطة و صاجها اضعف من الجولف شوية لكن موديل احدث و شكل احلي و لو حطيت ابيزا 1300 و جولف 1300 الابيزا تطلع لانها اقل وزن من الجولف و مع ذلك ثباتها ممتاز في السرعات و الغرز مش الطرق المستقيمة فقط

1300 1400 بتكييف التكييف تأثيره هيبقي واضح علي الموتور لان الموتور صغير و قديم مش عايز اقولك عربية والدي 2800 سي سي و التكييف بيأثر عليها بس تأثيره بيختفي بعد سرعة 120كم\ساعة بس ده موتور غول انما ال 1300 و كده تأثيره هتفضل حاسس بيه و عموما التكييف بيأثر علي عمر الموتور و بيتعبه

فا 1800 تأثيره هيبقي اقل علي الموتور

البولو اقل واحدة في دول من ناحية الاعتمادية عن تجربة الجولف و الابيزا حاجتهم بتعيش اكتر من البولو و الابيزا 94 بالذات

رد: الى محبى إبيزا
 

بس انت مش شايف ان 30 الف كتير على عربية موديل 94 وهاتش باك و1000 سى سى او 1300

رد: الى محبى إبيزا
 

والله يا باشا موضوع السعر ده بيحكمه السوق العربية دي عاملة احلي شغل من ساعة ما نزلت سنة 94 انا عربيتي كانت جايبالي قبل ما اشدها سمكره و دوكو 37 الف كان حربي بتاع الفيبر عايز ياخدها و هو بيعملي الاكصدامات و بعد ما شديتها قول 38 الف في العربية رخصت اصلا لو احنا بأسعار زمان مكنتش هتعرف تجيب واحدة متهانة حتي مش حالتها متوسطة و السعر ده بيحكمه السوق غير ان العربية ممتازة فعلا