رد: موضوع جديد للاسبرانزاوية ملاك a113
 

رد: موضوع جديد للاسبرانزاوية ملاك a113
 

انا بحبها :Wkiss5: بالرغم انها عمله معايا موقف اليومين دول :(

رد: موضوع جديد للاسبرانزاوية ملاك a113
 

:090104~384:انا بقى أقولكم على الرد الوافي للعربيه انا معايا العربيه دي موديل 2008 يعني بقالها معايا 5 سنين بصراحه من غير زعل عربيه مش حلوه خالص وتوكيل أسوء منها واسعار قطع غيارها لا تنم عن انها عربيه صيني روحت من حوالي سنه اعمل صيانة الـ 60 ألف عارفين دفعت كام في التوكيل مش حتصدقوا 2400 جنيه وده بعد خناقه معاهم لانهم كانوا عاوزين يدفعوني 2800ج ..... طبعاً قولت انا لو بعمل الصيانه دي لعربيه أكتافيا مش حدفع الرقم ده واستشهدت بعربيت اخويه اللي هي نوعها هيونداي أكسنت موديل 2009 عمل نفس اللي انا عملته بالظبط وفي التوكيل بردو ودفع حوالي 1500جنيه أول عن آخر قام المهندس قاللي دي عربيه كوري والتانيه عربيه صيني وبيتكلم على أساس ان الصيني ده احسن من الياباني كمان ومش عاجبه ان انا بقوله ان اسعار قطع غيارها أغلى من اسعار قطع غيار الكوري وبعض سيارات الياباني معجبهوش الكلام فضلا عن إن المصنعيات كمان غاليه جداً وبصراحه انا مش مبسوط من العربيه إطلاقاً بعد شويه الحاجات اللي طلعتلي فيها من يومين وحكع تاني حوالي 1500 جنيه في تصليحها غير المصنعيات كمان بس اللمره دي بره التوكيل ....... حد يصدق يا جدعان ان الطنابير الخلفي تبوظ من أول مره وده بعد 85000 ك بس والطنابير الأمامية تبوظ عندي من تاني تغيير للتيل ناهيك عن الفتيس سيئ للغايه بيزعق معايا لما بسقط غيار من الرابع للثالث او من الخامس للرابع وروحت التوكيل قبل كده والمفروض انهم صلحوه وبرده الاداء بتاعه زي ماهو يعني من الآخر عربيه سيئه وكمان توكيل سيئ... حد دلوقتي حيسألني طيب بعد المده دي كلها مخلصتش منها ليه وبعتها؟ احب أرد عليه وأقوله ان انا للأسف اشترتها بالقسط لمده 7 سنين ولسه فاضللي سنتين على بال ما أخلص قسطها وللأسف كنت ناوي أبيعها بعد القسط وأكمل عليها من جمعيه أو أي حاجه تانيه وأجيب هيونداي I10 بس للأسف الارتفاع الجنوني لأسعار السيارات حيخليني أأجل الفكره وشكرا

رد: موضوع جديد للاسبرانزاوية ملاك a113
 

ربنا يوفقك وييسرلك انا بصراحة بفكر فى العربيه دى اليومين دول اوى والله المستعان

رد: موضوع جديد للاسبرانزاوية ملاك a113
 

العربية معى بقالها 3 سنوات بس لاسف العيب فيها فى التقفيل المصرى والخامات مثل العفشة وكمان الدبرياج زى الزفت بيعض فى المارشدير وفى نقل الغيارات بالاضافة ان التوكيل زبالة وعاوز ياخذ فلوس وخلاص من الواحد وقطع الغيار متوفرة فى الخارج ارخص من التوكيل بكتير الكاسيت بتاع السيارة باظ فى تعلية الصوت الزر بتاعها ولاسف مالهوش صيانة ولا حتى عارف اغيره واجيب حاجة انضف لان مكانه فى التابلوة هيسيب فارغ لو اشترت واحد جديد كمان تم تغير العداد اكتر من مرة فى التوكيل لكنها هى عملية جدا ومساعدة معى بصراحة فى المشاوير بتعتى وده كان راى واسف على الاطالة

رد: موضوع جديد للاسبرانزاوية ملاك a113
 

العربية معايا من 2008 و طلعت عيني وعين اللي خلفوني وزي ماقال maro2008 توكيل زبالة وحرامية ولاد ستين في سبعين والطنابير دي غيرتها مرتين تقريبا والازاز تقريبا بمعدل كل شهرين تلاتة السلك بيفوت من المكنة ولما ده حصل معايا اول ماشتريتها ورحت التوكيل قاللي لا هي الاسبرانزا فيها مشكلة في مكن الازاز وحيفصل منك كتير !!!!! والاكر اتكسرت مرتين وده طبعا غير الفرامل غير ضفيرة الكهرباء اللي وديتهالم علشان يصلحوها في التوكيل راح عامل الصيانة وشوية حاجات عبيطة ب 3000 جنيه وبرضو ماصلحش الضفيرة وعملتها برة عند كهربائي صايع فك الضفيرة وعملها سلك سلك واخد 300 جنيه
ودي كانت رحلتي مع الاسبرانزا :(

رد: موضوع جديد للاسبرانزاوية ملاك a113
 

طيب انا تقريبا كده هشتريها رغم كل الاراء ... و فعلا الموضوع واضح انه بطيخه ... مع ناس كويسه جدااا و مع ناس .. كرهت العربيات بسببها ... ربنا يستر لأنى كنت راكب كريستاله خليجى و اتوماتك و فتحه و شغل عالى كده :D .. و نظرا لوفاة والدى لازم كنت ابيعها و اجيب حاجه اقل عشان الصيانه عاليه ..