المشاركة الأصلية كتبت بواسطة albasha (المشاركة 681725)

مش هقدر أراجعك في كلامك بس للأسف كلامك غير صحيح تماماً
أنا بحب الكليو جداً ولما جيت أبيعها كنت زعلان جداً ورجعت في كلامي لكن ده حال الدنيا لازم تغير من عربيه للتانيه كل مرحله في حياتك بيبقي ليها إحتياجاتها ومسيري برضه ابيعها
لكن اللي أنا شايفه من تعليقاتك إنك إما لابس في عربيه متهانه بإفتري أو بتتعامل مع ميكانيكي زباله سوري في الكلمه يا راجل دانا بعتبرها 128 من رخص قطع غيارها معلهشي هات عربيه بنفس المواصفات ديه وتكون إقتصاديه وقطع غيارها بالأسعار ديه وأي حاجه أنا معاك لحد ما توقف عربيتك اللي تعبتك علي رجليك لو ناوي تقتنيها أما لو ناوي تبيعها ربنك يحسنلك بيعها إن شاء الله لو إنت قافل منها تماماً ورأيي لما تبيعها تكون صادق مع المشتري حتي لو هتبيع بخساره مش لازم تشيل خسارتك لغيرك

وبالنسبه لصاحب الموضوع هتسمع أراء كتير بس طالما إنك إشتريت إستمتع بسيارتك العربيه ديه رائعه بكل المقاييس وإنسي كلام الناس اللي بتفتي بدون علم هتستريح معاها جداً وربنا يباركلك فيها ويديك خيرها ويكفيك شرها إن شاء الله وأنا رديت عليك علي فكره

المشاركة الأصلية كتبت بواسطة dandashx (المشاركة 681843)

على فكرة أنا الحمد لله مبسوط بالعربية جداً، عربية مريحة وناعمة وموفرة في البنزين، وركوبة حلوة، وسعرها مناسب لإمكانياتي وفي نفس الوقت ماسكة نفسها ولها بريستيجها في الشارع، ماتحسش إنها عربية شعبية ولا عربية قد المديالية، شنطتها واسعة وبتشيل، وارتفاعها عن الأرض رائع، وثباتها عالطريق جميل.

أنا بس مستغرب من الناس اللي بتدخل تحبط في الناس التانية، عايزين نبقى إيجابيين ونساعد بعضنا ولو حد عنده مشكله نحلهاله ونفيد بعضنا

المشاركة الأصلية كتبت بواسطة d,mhmd brbry (المشاركة 685581)

مش عارف ليه الباشا داخل فيا شمال كده كل واحد له رأى ووجهة نظر ونظرة وتقييم من جهة معينة ممكن تكون انت صح وانا غلط وممكن العكس مافيش حاجة بيتفق عليها كل الناس وبعدين انا عربيتى واقفة على رجليها وما فيهاش غلطة بس ده بيجى على حساب وقتى وجيبى لانى مابحبش امشى بالعربية والسلام ممكن انت غيرى بتدوس عالعربية وتتكى عليها شوية وتروح للصنايعية على فترات بعيدة فا ماتحسش بالزهق اللى انا حاسه وبقول ممكن عشان ما تمسكش فيا وهكدا فليه مصر انك تفرض وجهة نظرك بالاصرار ده,,وماتزعلش منى انا بتكلم بهدوء والله ياسيدى مش متنرفز عليك :017165~155:,,,والكليو ممتازة ياسيدى والله بس بالنسبالى مرهقة...