رد: انا محتار مش عارف اعمل اية..
 

شكرا لكل الى ادى اهتمام للموضوع ورد عليا ..

بس الى انا استنتجتة من الردود ان ال 131 احسن من المازدا فى حجات والمازدا احسن فى حاجات تانية..

بس الاستاذ Hisham.Elgazzar
شكلة خبير فى ال131 وبيشكر فيها جدا

بس هوا 20 الف على ال131 كتير ولا هوا دة عادى بالنسبالها..
انا ممكن اجيبلك صور ليها ..

رد: انا محتار مش عارف اعمل اية..
 

ايا كان السيارة اللى هتختارها لابد من الرفع والفحص الشامل حتى لو هى قدامك مفيهاش غلطة حتى لو سيارة اخوك واحد صحبى لسه جايبها وب17 الف من معرفة جدا وخدها على شكلها ومفحصش
صارف لحد الوقتى 9تلاف عليها طبعا فير اللى دفعه
وربنا يوفقك انشالله

رد: انا محتار مش عارف اعمل اية..
 

لا شكر على واجب

عشان خاطر سيدنا النبى محمد عليه الصلاة والسلام ، بلاش تقارن المازدا مع الـ131
ربنا يخليك شكرا على ثقتك الغالية ، والله كلنا بنتعلم

انا منتظر الصور
لكن 20 ألف فى 131 ممكن يكون كتير لو هيا عاوزة عفشة وموتور وصاجها فيه شغل
الموتور ب 3 ألاف جنيه
العفشة ماتشغلش بالك ممن تتلم بألف جنيه ورا وقدام
المشكلة فى الصاج والقوايم لو العربية ماتت يبقى خلاص ماينفعلهاش أى شغل
بس بأمانه تصور العربية تصوير دقيق
هات القوايم من عند باب السواق من تحت
تحت البرابريز الامامى والخلفى
صور عشوائية من تحت العربية تكون واضحة
حوض الموتور والشنطة صورهم
أنا متفائل من ناحية العربية دى لكن المدرسين مش بيهتموا خااااااالص بعربياتهم

الـ131 بقى حدث ولا حرج ، بإذن الله هحكيلكوا معاناتى معاها
 

انا بقالى 18 سنة معايا بولونيز بسم الله ماشاء الله عربية بجد ( خلاص مبركبهاش دلوقتى )
عفشتها امامى وخلفى كالآتى:
الأمامى أربع مقصات وجلب وبيض ومناول وبارتين وتيش وعلبة دركسيون 5 بليه
الخلفى:
اربع ورقات سوست حديد ومساعدين وشدادات وجلب
عربية بجد
الحمدلله ربنا كرمنى و ركبت الـ 131 ومكوناتها كالآتى
العفشة الأمامى
ميزان
مقصين صغيرين امامى ملهومش لازمة
الإسكترا ومسك الختام

الخلفى بقى شدادات بس وسوستين ملهومش لازمة وخلاص
العربية بتلعب على الطريق حتى لو عفشتها 100%

شوفت بقى الفرق بينها وبين البولونيز
حاجة تانية كمان

الـ132 عفشتها زى البولونيز من قدام زى ما ربنا كرمنى وشرحتهالك بالتفصيل
لكن من ورا عفشتها زى عفشة ال131 ( وده يعيبها الصراحة لكن برضو أحسن من ال131 على الأقل ثباتها على الطريق أحسن)
ده غير ان موتور ال132 1600 اتنين كامة أقوى وأحسن من ال131 الكامة العلوى او السفلى ( كل الكلام ده عن طريق السوق لأنى بقابل حجات كتير فى الورشة)

حاجة تانية كمان مواتير ال131 الشعبى ضعيفة وبتفوت بسرعة
والكامة العلوية مواتيرها قليلة وغالية ولازم تظبطلها تاكيهات عند الخراط ( وده بقى مشوار تانى هتكلم فيه بعدين لو عاوزين )

انا معاك وإن شاء الله هساعدك بس ياريت تجمع كل المعلومات اللى انا عاوزها عشان أقدر بعون الله وفضله انى أفيدك
آسف للإطالة