رد: ساعدونى يا اهل الخبره: بونتو ولا بولو ولا رينو كليو
 

رد: ساعدونى يا اهل الخبره: بونتو ولا بولو ولا رينو كليو
 

ممكن اشترك في الموضوع بجمله صغيره
وهي:

انت فنان يا فادي باشا
وبجد افاده ممتازه وصحيحه
وربنا يوفق تامر باشا على شراء الافضل

رد: ساعدونى يا اهل الخبره: بونتو ولا بولو ولا رينو كليو
 

رد: ساعدونى يا اهل الخبره: بونتو ولا بولو ولا رينو كليو
 

ارد بقي قبل الباشمهندس فادي ما يجي:)
خلونا ناخد فرصتنا بقيptmnlo123per122
بص يا سيدي الفاضل
مبدأيا رأي استاذ فادي تمام
بس انا بستبعد الكليو علشان الفرنساوي قطع غياره غاليه و مش متوفره كتير.
يبقي الاختيار بين البولو و البونتو
البولو عربيه كويسه و بتستحمل اكتر من البونتو بشويه
و قطع غيارها اغلي من البونتو بس بفروق بسيطه
لكن موتورها 1000 سي سي و البونتو 1300 و حتلاقي من البونتو مكيف
انما البولو قليل لو لقيت مكيف و حيبقي متركب لها و حيجنقها جدا.
متهيألي بالتمن دا انت بتتكلم عن البونتو 95 صح؟؟
لو حنحط السيينا معاهم السيينا ال2001 تقفيل مصري
عربيه محترمه و كويسه و هات ال 1400 منها لان ال 1600 كلها كمبيوتر
و اصلاحه بيتكلف و غالي .بس تكييفها مش قد كده.
لو حنحط الجولييت معاهم كمان
الجوليت عربيه كويسه بس سوقها قليل علشان هاتش باك بالمقارنه بالانوس
و انا شخصيا مش بحب اللانوس لانها عربيه قديمه و استهلاك بنزينها عالي
و ثباتها علي الطريق مش كويس اوي لكن اكتر عربيه تتباع و تتشري في كل دول.
اهم حاجه و انت بتشتري الحــــــــــاله
اوعي تجيب عربيه حالتها تعبانه علشان حتتعبك انت شخصيا و حتكره اليوم اللي اشترتها فيه.
و ربنا يوفقك ان شاء الله:)

رد: ساعدونى يا اهل الخبره: بونتو ولا بولو ولا رينو كليو
 

بالضبط, الدايو و الجولييت هم اعادة انتاج للأوبل كورسا فى كوريا,
و الدايو عموما أحسن الكورى من ناحية الاعتمادية و التحمل و العمر الافتراضى, لأنها فى الأساس تكنولوجيا جنرال موتورز و بالتحديد أوبل الالمانية.
لكن الدايو موتورها كما سمعت سىء خاصة من ناحية التسارع و النعومة و استهلاك الوقود, زى ما قالك استاذ حازم.
السيينا موتورها أعفى و متجاوب, و هى عموما أكثر متعة فى القيادة, و ثباتها لا يقل عن السيارات الأوروبية الأغلى ثمنا.
أنا بشوف انو السيينا أفضل من الجولييت و اللانوس و أشيك, و أكثر متعة, بس هى عيبها انها ضيقة شوية من جوه.
و فى المقابل الدايو اريح شوية من السيينا لأن السيينا عفشتها ناشفة و تكيفها مش قوى.
و انا عن نفسى بفضل السيينا شكلا و موضوعا.

رد: ساعدونى يا اهل الخبره: بونتو ولا بولو ولا رينو كليو
 

طبعا انا جيت متأخر اوي ...
الاساتذه فادي و حازم مسابوش لحد حاجه يقولها ...
لكن بأعتباري احد الملاك السابقين للسيينا 1400 موديل 2000 فكنت احب اأكد بس على كلامهم
السيينا فعلا ضيقه من ورا شويه .. يعني اي حد كبير يقعد ورا ركبته حتبقى في ضهر اللي قاعد قدام الا اذا قدم الكرسي للأخر ... بس على حساب كده ... شنطه 500 لتر ... بحر
ال1400 صيانتها اسهل من ال 1600 لأن حوض العربيه اساسا صغير ... لكنها مش معقده زي ال 1600
قطع الغيار العاديه موجوده و متوفره ... لكن يمكن الاكسسوار هو اللي بيقى قليل و سعره غالي ( اكره الباب جبتها ب 75 جنيه بعد لف و الاصلي كانت ب 115 و مش نفس اللون في نفس الوقت اللي اكره البرايد كانت ب 15 جنيه !!)
موتور اداءه كويس و متجاوب جدا و فتيس سلس وناعم في نقلاته ... عربيه مريحه جدا في سواقتها .. واستهلاك موفر للينزين
توزيع الوزن في السيينا مش اوي .. لأن اغلب الوزن قدام و بالتالي الثبات متوسط
اول ظهور للسيينا كان تجميع محلي و بالتالي فيها العيوب المعروفه زي كاوتش الابواب ممكن يتخلع لأنه ممسوك بكلبس بلاستك .. ( بس عيوب بسيطه في التقفيل مش جوهريه )
التكييف معقول .. لكن مش زي الياباني او الكوري
السيينا الجديده صيني 1500 سي سي
اتمنى اكون اضفت حاجه

رد: ساعدونى يا اهل الخبره: بونتو ولا بولو ولا رينو كليو
 

نصيحه
ابعد عن السينا وباختصار اسال اي حد يكون ركبها فعلا مش بيسمع عنها وانت تعرف الحقيقه واسال عن قطع الغيار وموضوع السخونه وادائها بالتكييف وانت تعرف