|
رد: حادثه في جهاز الاشعه بدار الفؤاد .. بين الاهمال و الفساد
ياريت يا سامح تطمنا على الوالده .... و سلامتها الف سلامه و ربنا فى عونك و عون والدك و عونها طبعا ......
|
رد: حادثه في جهاز الاشعه بدار الفؤاد .. بين الاهمال و الفساد
حمدا لله على سلامة الوالدة وربنا يكتب لها الشفاء والسلامة
والمهم انك تثبث الحالة قبل خروج الوالدة من المستشفى بعمل محضر فى القسم علشان ميقدروش ينكروا دخولها المستشفى من أساسة. |
رد: حادثه في جهاز الاشعه بدار الفؤاد .. بين الاهمال و الفساد
ألف سلامة للوالدة و ربنا يكتبلها السلامة
قلبي معاك ، يعلم الله احساسي و أنا أقرأ الرسالة لا حول ولا قوة إلا بالله |
رد: حادثه في جهاز الاشعه بدار الفؤاد .. بين الاهمال و الفساد
اولا : الف مليون سلامة لوالدتك
ثانيا: انا لللاسف مش هقدر افيدك قوى بس متسيبهمش... اعمل محضر واذكر فية اسم الدكتور المسؤل ، اسم الممرضة ( ولونى شاكك فى كلامها )،اسم الدكتور المحترم اللى بيهدد دة على الفاضى توجة لوزارة الصحة شوف مين المسؤل وقدم شكوى واعرف رقمها علشان تتابعها ابعث برقيات عاجلة الى وزير الصحة ، رئيس الوزراء بصراحة انا متغاظ جدا من الاهمال والتسيب الموجودين فى البلد ptmnlo123per195 بس متسكتش ولو فىاى حاجة اقدر اعملها.. انا تحت امرك فى اى وقت على فكرة انا ساكن فى الفردوس- امام دريم لاند- بجوارحى الاشجار يعنى 10 دقائق بالكتير واكون عندك انا رقمى 0105784473 والف مليون سلامة.. وانشاء الله تقوم بالف سلامة |
رد: حادثه في جهاز الاشعه بدار الفؤاد .. بين الاهمال و الفساد
الاهمال من الفنيين وليس من الأطباء
الطبيب ليس من مسئوبيته صيانة الجهاز الطبيب يحدد طريقة عمل الآشعة ويكتب التقرير فقط وبخصوص الشكوى لوزارة الصحة أحب أعرفك إن وزير الصحة من أكبر أو أكبر المساهمين فى مستشفى دار الفؤاد .. يعنى اطمن الشكوى فى الأمان |
رد: حادثه في جهاز الاشعه بدار الفؤاد .. بين الاهمال و الفساد
انا متشكر جدا ليكم يا جماعه على مشاعركم النبيله و ردودكم ....
الواحد فعلا حاسس ان ليه اخوات في المنتدى بيحبهم و يحبوه .. و يقدر يعتمد عليهم و يلاقيهم وقت ما يحتاجهم ... زميلي العزيز احمد انور ... كفايه مشاعرك و اهتمامك ... دي دفعه معنويه قويه ابو نورا .. توأم روحي ... متشكر جدا على اتصالك برغم مشاغلك الكثيره ... وانا فعلا عملت جزء كبير من اللي قلته و لسه الباقي في الطريق ان شاء الله ... بس اهتمامي منصب حاليا على صحه الوالده الاول دكتور محمد الرفاعي ... الف شكر يا دكتور على شهامتك و عرضك الكريم ... و شكر خاص على رسالتك الخاصه ... شرحك اكتر من وافي و وضح ليا حاجات كتيره اوي و مهمه جدا في فهم حقيقه ما حدث .. صديقي العزيز ايمن عبد الرازق ... شكرا يا باشا على اتصالك و اهتمامك .. وفعلا انا بفكر جديا في الاتجاه للاعلام ... لأني بأعتبر تأثيره في كشف الاهمال اكبر بكتير من الاتجاه القانوني .. خصوصا ان هدفي مش تعويض او اعتذار على اد ما هو كشف الخطاء و اصلاحه محمد (متيما) الحمد لله .... و قدر الله و ما شاء فعل ... الاهمال فعلا بقى في كل حاجه و اي حاجه ... دكتور تامر .. الف شكر على تفاعلك و توضيحك .. انا مش بلوم الاطباء ... الطبيب اسمى مهنه ... و بعتبرها اهم مهنه في حياتنا المعاصره ... لكن للأسف طالها الامبالاه و الاهمال كما طال باقي المهن .... و لا اعمم .. فكما ظهر بالامس الاهمال و الامبالاه ... ظهر التعاطف و الاهتمام .... للأسف المشكله الحقيقيه بقت في ضعف الذمم و النفوس ... وطغيان فساد الاداره العليا كما سيتضح من سياق الاحداث التاليه ... متسلط فاسد و تابع خنيع !!! شريف باشا ... ربنا يخليك يا ريس ... كأنك حسيت بوالدي ... برغم ان كل تركيز الموضوع على والدتي .. لكن فعلا والدي ارهق جدا بسبب الموضوع ده ... وبسبب قلقه على والدتي .. الله يسلمك يا استاذ كيلاني .. في احداث و تفاصيل حصلت و لسه محكتهاش ... لكن الحمد لله ... وربنا يتمم الامور على خير شكرا اخي اسلام على مشاعرك ... اسألك الدعاء لهم ... محمد بدوي باشا ... ربنا يخليك ... ده احنا جيران ياريس... حسجل رقمك ... وابعت لك رقمي على الخاص ... انا فعلا عملت محضر و اتهمت فيه المدير المناوب ... انا عايز بس عناوين الجهات المعنيه .. وانا اغرقهم شكاوي .... شكرا لكل من شارك و لا اراكم الله مكروها في عزيز ... و ساوافيكم بباقي الاحداث تباعا |
رد: حادثه في جهاز الاشعه بدار الفؤاد .. بين الاهمال و الفساد
اولا احب اقول الف حمد لله على السلامه للسيده الوالده
ثانيا احب اعتب على الدكتور تامر بس عتاب اخوات يا رب مايزعلش مني الدكتور زمان اسمه الحكيم يعني مش مجرد واحد بيوصف علاج للناس و من يبتدي عمل يتمه للاخر يعني يقول للمريض الي مش عارف حاجه كل التعليمات و يجبر المريض على الالتزام بيها حتى لو بقوة السلاح الموضوع مش موضوع نظام طبي فاشل ولا مرتبات متدنيه الموضوع موضوع مريض بنعامل ربنا فيه و حاجه زي دي لابد من وجود دكتور اخصائي اشعه و الفني المختص بجهاز الاشعه و الي استغربتله قوي وجود الممرضه في جهاز الاشعه ده القانون الي موجود في وزاره الصحه الفني مسؤل عن تعليمات الجهاز و الدكتور للتعليق على الاشعه الي ظهرت يعني الدكتور مالوش زنب بس الدكتور لو شاف حاجه غلط من الفني يوقم يديله على قفاه و يدي هو التعليمات برجاء تقبل من اخوك الصغير العتاب ده و للاخ يارب اكون وضحتله الصوره علشان يعرف ياخد اجرائاته في الشكوى |
| الساعة الآن 10:58 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017