مصر موتورز مجتمع السيارات - BMW 318i // 2001,ولا اوكتافيا A5 // 2007

مصر موتورز مجتمع السيارات (https://www.masrmotors.com/vb/index.php)

- BMW (https://www.masrmotors.com/vb/forumdisplay.php?f=24)

- - BMW 318i // 2001,ولا اوكتافيا A5 // 2007 (https://www.masrmotors.com/vb/showthread.php?t=85762)

رد: BMW 318i // 2001,ولا اوكتافيا A5 // 2007

لو حالتها انت ضامنها فعلاً تبقى افضل طبعاً من الاوكتافيا بس خد بالك برضو ان (124 الف كم ) ديه عايزة مصاريف عاجلة واجله برضو علشان تحافظ عليها وتأنيها بجد
لان ان فيه حاجات بتجيب عمرها الافتراضى بعد المية ( سيور وفلاتر وجونات واويلسيلات ومكونات عفشه وكاوتش وخلافة )

واكاد اجزم ان فى خلال سنتين هتحتاج تصرف عليها من 5 الى 15 الف صيانات بس + بالسعر اللى انت هتشترى بيه ده = لو حبيت تبعيها بعد السنتين دول هتخسر فيها

فيا تاخدها منه من غير مصروف خالص وده بعد الكشف عند ميكانيكى متخصص او مركز خدمة او حتى التوكيل

يا تنزل فى سعرها شوية

يا متفكرش تبيعها قريب ( اقل من سنتين ) علشان هتخسر فيها

وربنا ما يجيب خسارة لحد

رد: BMW 318i // 2001,ولا اوكتافيا A5 // 2007

اقتباس:

المشاركة الأصلية كتبت بواسطة AboNoRa (المشاركة 665018)

لو حالتها انت ضامنها فعلاً تبقى افضل طبعاً من الاوكتافيا بس خد بالك برضو ان (124 الف كم ) ديه عايزة مصاريف عاجلة واجله برضو علشان تحافظ عليها وتأنيها بجد

الف شكر ياباشا لاهتمام حضرتك... العربيه ان شاء الله مش هتحتاج مصاريف عاجله ده حسب كلام صديقى (على العلم انى اثق فيه جدا) قالى بنزين 95 وزيت وبس وان انت تحافظ عليها زى هوه ماكان محافظ بالظبط وانا من النوع اللى مش هابخل على العربيه ان شاء الله..
والله الموفق

رد: BMW 318i // 2001,ولا اوكتافيا A5 // 2007

خلاص يبقى استخير وتوكل على الله ... معلش انا عدلت ردى ابقى بص عليه تانى فوق

بس انا مستغرب اشمعنى بنزين 95 ؟؟؟

رد: BMW 318i // 2001,ولا اوكتافيا A5 // 2007

اقتباس:

المشاركة الأصلية كتبت بواسطة AboNoRa (المشاركة 665018)

كلام حضرتك مظبوط .. مافيش عربيه مستعمله حتى لو كانت كسر الزيرو مش محتاجه مصاريف حتى بعد فتره.. القصه ان صاحبى مكنش ناوى يبيع اساسا انا اللى طلعت فى دماغه الفكره بتاعت البيع دى هوه كان بيفكر معايا بصوت عالى ان العربيه بتاعته مش نقصاها اى حاجه غير فاتحت السقف انا قولتله ايه المشكله اخد انا منك دى وانت تجيب الهاى لاين بتاعتها مودليات بعد 2002 واكيد هتلافى حاله كويسه برضه فعجبته الفكره خصوصا انه معاه عربيه تانيه بتاعت الجماعه ممكن يقضى بيها لحد مايوقع قدامه حاجه نضيفه.. الخلاصه هوه كان اتكلم فى 110000 الف بس انا طبعا هحاول اكسر معاه شويه بقى بحكم الصداقه والعشره.
انا لوخلصت فى العربيه دى طبعا مش هافكر فى البيع قبل 3 او 4 سنين وربنا مايجش خساره للجميع ان شاء اللهشكر وتقدير

رد: BMW 318i // 2001,ولا اوكتافيا A5 // 2007

بالتوفيق يا باشا
بس من الواضح ان حضرتك مقتنع تماما بالـ bmw
وانا مقتنع زيك برضه توكل على الله

رد: BMW 318i // 2001,ولا اوكتافيا A5 // 2007

اقتباس:

المشاركة الأصلية كتبت بواسطة semmsem (المشاركة 665095)

بالتوفيق يا باشا
بس من الواضح ان حضرتك مقتنع تماما بالـ bmw
وانا مقتنع زيك برضه توكل على الله

شكر وتقدير على المشاركه... انا كنت مقتنع بنسبة 70% دلوقتى الاقتناع زاد بقى 95% بدليل انى لما عملت الموضوع كتبته فى منتدى البى ام دابليو مش منتدى السكودا.
ربنا يجيب اللى فيه الخير ان شاء الله... تحياتى

رد: BMW 318i // 2001,ولا اوكتافيا A5 // 2007

أنا ارشحلك البي ام طبعا ومعتقدش اني موضوع المصاريف ده هيبقي مشكله ثم انت زي ما بتقول اني صاحبك محافظ عربيته فأكيد عاملها صيانة المية ألف ده غير طبعا اني احساس البي ام حاجه تانيه مع العلم اني مش من مشجعين ركوب عربيات قديمه بمبالغ كبيره بس مع البي ام بغير رأيي لاني سوقتها مره وكان احساس تاني لكن لازم تحط في بالك انك هتصرف جامد في قطع الغيار فيما بعد وان شاء الله مادام انت مقتنع بيها كده يبقي مش هتحس بانك مضايق معاها

بالتوفيق