|
رد: عايز اعرف سعر السيارة شيفرولية بليزر ك5
اولا لا شكر على واجب ... انا تحت امرك فى اى استفسار
ثانيا ... يعنى الى قلته ده مخلكش تفكر تانى ؟؟؟؟ يا راجل اعقل .. البليزر دى ملهاش مستقبل بص يا باشا .... مميزات البليزر من وجهة نظرى الشخصية :- الحجم الكبير و ده مدينى ميزة فى اغلب الاحيان ... مش دائما ... الناس بتعتبرك زى التريلا و بتحب تاخد غرز من امامك .... و ده مبقاش بيضايقنى زى الاول شاسيه العربية قوى ... و مش حتعرف يعنى ايه قوى الا لما تاخد مطب محترم و تقف بالعربية علشان تنزل و تشوف السوست الى اتكسرت و لا المقصات الى اتلوحت ... و تنزل و لا تلاقى اى حاجة ( بسم الله ما شاء الله ) شاسية موديلات السبعينات اقوى من شاسية موديلات التمانينات يا معلم .... علشان شاسية السبعينات مقفول المحرك ال 8 سلندر فيه ميزة جامدة .... ممكن بوجيه يفصل و الموتور يشتغل عادى ...تحس الموتور فيه رجة خفيفة على السلانسيه غير كده العربية بتسحب و بتجرى عادى جدا علو العربية عن الارض .. ده يديك ميزة كبيرة ... ممكن تحس بيها فى الشتاء لما المطر ينزل و يعمل برك فى الشوارع ... سيادتك تدخل فى اجدع بركة و لا يهمك .... الارصفة متوسطة الارتفاع مش بتبقى عائق قوة البودى الخارجى ميزة كبيرة فى الحكات الخفيفة و الحوادث البسيطة .... بس بيبقى مصيبة فى الحوادث الكبيرة اكتر من مرة عربية جامبو و ميكروباص 24 راكب يريح على فى اشارة .... و نطلع حبايب محدش يتعور و لا يزعل الميزة الجامدة جدا بالنسبة لى شخصيا .... العربية مفتوحة لاى حد يلعب فيها ... مفيش حساسات و لا سناسر و لا تعقيد ... كل حاجة امامك ... و فيها حاجات كتيرة جدا قابلة للتعديل منظر العربية يعتبر سيى للكثير ... ده غير ان محدش يفكر يسرقها .... فممكن ترميها فى اى حته و تسيب الزجاج مفتوح و تمشى .... اكتر من مرة انسى العربية مفتوحة و اسيبها لغاية الصبح ساعات الموضوع ده بيضايقنى ... محدش حتى بيفكر يحاول يسرقها !!!!!!!!!!! على العموم لو حد سرقها حروح الاقيه واقف فى طابور ال بنزين 80 بصراحة انا لسه مجربتش العربية فى الصحراء و الرمال و الغرود و الكلام الكبير ده .... انا جربت الغرز على حاجات بسيطة كدة ... كومة تراب على زلط ... شوية ارصفة مختلفة الارتفاع .. حاجات بسيطة ... عجبنى الدفع الرباعى بتاعها فى اعتقادى ان قطع الغيار مش غالية اوى و فى نفس الوقت مش رخيصة ... الظريف ان فيه حاجات كتيرة فى البليزر ممكن تلاقيها فى عربيات تانية الموتور على سبيل المثال .... راكب على اغلب عربيات الى من انتاج جنرال موتورز زى الكابريس و الاولدز موبيل ... فحاجته متوفرة ميكانيكا العربية مش معقدة ... و ممكن اى ميكانيكى كويس بيفهم يشتغل فيها .... انا بتعامل مع واحد فى العمرانية كويس جدا .... و ابعد عن الفتايين .... علشان انا اتعاملت مع ناس كتير اوى اكتشفت انهم بيفتوا لما حد يقول انه اشتغل كتير فى الامريكانى زمان فى الجيش ... على العربيات الــ زل ..... تعرف ان ده بنى ادم بيفتى لما واحد تانى يقولك ان موتور الجراند شيروكى اخو موتور البليزر .... ده كمان بيفتى و لما واحد تانى يقولك انه اشتغل فى الامريكانى ... اصل الامريكانى فيه منه 6 سلندر و 8 سلندر .. و فيه منه بويك و شيفر ..... ده كبير الفتايين ...... ربنا يعفو عنا فيه واحد مشهور فى الامريكانى فى عرب المعادى اسمه خالد .... و حتلاقى عنده لانشات صيد بحرى و جيت سكى و حاجت جامدة كدة ..... نصيحة لوجه الله بلاش تروحله و لا تشترى منه مجموعة فوزى الخواجة الى فى شارع فيصل ..... مترحلوش الا لما تكون مزنوق ... مغلوانى شوية الى يقولك عليك و على بورسعيد ... كل حاجة الامريكانى هناك .... برضو ده بنى ادم بيفتى ... مفيش حد بيشتغل فى الامريكانى فى بورسعيد خالص ... انا رحت و لفيت اللهم مافيش غير واحد بس اسمه خليل ... و ده على الطريق قبل ما تدخل بورسعيد ... بعد ما تعدى الكارتة ... و ده بيبيع انصاص كاملة ... شيروكى ... رام ... جراند ... و تويوتات كمان كلمة اخيرة علشان طولت عليك ..... بفلوس البليزر ممكن تجيب نيفا موديل تسعينات و ممكن 2000 كمان .... و لو زودت حاجة بسيطة ممكن تجيب فيتارا تسعينات و لو زودت حاجة بسيطة ممكن تجيب شيروكى تسعينات حبة فوق كمان ... الاند روفر .. تسعينات .او لاند كروزر تمانيناتزز.. حبة فوق اكتر .... جراند شيروكى ... كسرت حاجز الـ 100 الف يا معلم .. تبقى انت كدة عديت :CONGRA~238: و تدور على الاند كروزر على اختلاف موديلاتها هممممممم ... مش فاكر حاجة تانية ... لو عند حضرتك اى استفسار انا تحت امرك |
رد: عايز اعرف سعر السيارة شيفرولية بليزر ك5
اولا لا شكر على واجب ... انا تحت امرك فى اى استفسار
ثانيا ... يعنى الى قلته ده مخلكش تفكر تانى ؟؟؟؟ يا راجل اعقل .. البليزر دى ملهاش مستقبل بص يا باشا .... مميزات البليزر من وجهة نظرى الشخصية :- الحجم الكبير و ده مدينى ميزة فى اغلب الاحيان ... مش دائما ... الناس بتعتبرك زى التريلا و بتحب تاخد غرز من امامك .... و ده مبقاش بيضايقنى زى الاول شاسيه العربية قوى ... و مش حتعرف يعنى ايه قوى الا لما تاخد مطب محترم و تقف بالعربية علشان تنزل و تشوف السوست الى اتكسرت و لا المقصات الى اتلوحت ... و تنزل و لا تلاقى اى حاجة ( بسم الله ما شاء الله ) شاسية موديلات السبعينات اقوى من شاسية موديلات التمانينات يا معلم .... علشان شاسية السبعينات مقفول المحرك ال 8 سلندر فيه ميزة جامدة .... ممكن بوجيه يفصل و الموتور يشتغل عادى ...تحس الموتور فيه رجة خفيفة على السلانسيه غير كده العربية بتسحب و بتجرى عادى جدا علو العربية عن الارض .. ده يديك ميزة كبيرة ... ممكن تحس بيها فى الشتاء لما المطر ينزل و يعمل برك فى الشوارع ... سيادتك تدخل فى اجدع بركة و لا يهمك .... الارصفة متوسطة الارتفاع مش بتبقى عائق قوة البودى الخارجى ميزة كبيرة فى الحكات الخفيفة و الحوادث البسيطة .... بس بيبقى مصيبة فى الحوادث الكبيرة اكتر من مرة عربية جامبو و ميكروباص 24 راكب يريح على فى اشارة .... و نطلع حبايب محدش يتعور و لا يزعل الميزة الجامدة جدا بالنسبة لى شخصيا .... العربية مفتوحة لاى حد يلعب فيها ... مفيش حساسات و لا سناسر و لا تعقيد ... كل حاجة امامك ... و فيها حاجات كتيرة جدا قابلة للتعديل منظر العربية يعتبر سيى للكثير ... ده غير ان محدش يفكر يسرقها .... فممكن ترميها فى اى حته و تسيب الزجاج مفتوح و تمشى .... اكتر من مرة انسى العربية مفتوحة و اسيبها لغاية الصبح ساعات الموضوع ده بيضايقنى ... محدش حتى بيفكر يحاول يسرقها !!!!!!!!!!! على العموم لو حد سرقها حروح الاقيه واقف فى طابور ال بنزين 80 بصراحة انا لسه مجربتش العربية فى الصحراء و الرمال و الغرود و الكلام الكبير ده .... انا جربت الغرز على حاجات بسيطة كدة ... كومة تراب على زلط ... شوية ارصفة مختلفة الارتفاع .. حاجات بسيطة ... عجبنى الدفع الرباعى بتاعها فى اعتقادى ان قطع الغيار مش غالية اوى و فى نفس الوقت مش رخيصة ... الظريف ان فيه حاجات كتيرة فى البليزر ممكن تلاقيها فى عربيات تانية الموتور على سبيل المثال .... راكب على اغلب عربيات الى من انتاج جنرال موتورز زى الكابريس و الاولدز موبيل ... فحاجته متوفرة ميكانيكا العربية مش معقدة ... و ممكن اى ميكانيكى كويس بيفهم يشتغل فيها .... انا بتعامل مع واحد فى العمرانية كويس جدا .... و ابعد عن الفتايين .... علشان انا اتعاملت مع ناس كتير اوى اكتشفت انهم بيفتوا لما حد يقول انه اشتغل كتير فى الامريكانى زمان فى الجيش ... على العربيات الــ زل ..... تعرف ان ده بنى ادم بيفتى لما واحد تانى يقولك ان موتور الجراند شيروكى اخو موتور البليزر .... ده كمان بيفتى و لما واحد تانى يقولك انه اشتغل فى الامريكانى ... اصل الامريكانى فيه منه 6 سلندر و 8 سلندر .. و فيه منه بويك و شيفر ..... ده كبير الفتايين ...... ربنا يعفو عنا فيه واحد مشهور فى الامريكانى فى عرب المعادى اسمه خالد .... و حتلاقى عنده لانشات صيد بحرى و جيت سكى و حاجت جامدة كدة ..... نصيحة لوجه الله بلاش تروحله و لا تشترى منه مجموعة فوزى الخواجة الى فى شارع فيصل ..... مترحلوش الا لما تكون مزنوق ... مغلوانى شوية الى يقولك عليك و على بورسعيد ... كل حاجة الامريكانى هناك .... برضو ده بنى ادم بيفتى ... مفيش حد بيشتغل فى الامريكانى فى بورسعيد خالص ... انا رحت و لفيت اللهم مافيش غير واحد بس اسمه خليل ... و ده على الطريق قبل ما تدخل بورسعيد ... بعد ما تعدى الكارتة ... و ده بيبيع انصاص كاملة ... شيروكى ... رام ... جراند ... و تويوتات كمان كلمة اخيرة علشان طولت عليك ..... بفلوس البليزر ممكن تجيب نيفا موديل تسعينات و ممكن 2000 كمان .... و لو زودت حاجة بسيطة ممكن تجيب فيتارا تسعينات و لو زودت حاجة بسيطة ممكن تجيب شيروكى تسعينات حبة فوق كمان ... الاند روفر .. تسعينات .او لاند كروزر تمانيناتزز.. حبة فوق اكتر .... جراند شيروكى ... كسرت حاجز الـ 100 الف يا معلم .. تبقى انت كدة عديت :CONGRA~238: و تدور على الاند كروزر على اختلاف موديلاتها هممممممم ... مش فاكر حاجة تانية ... لو عند حضرتك اى استفسار انا تحت امرك |
رد: عايز اعرف سعر السيارة شيفرولية بليزر ك5
الف شكر ليك ياباشا على شرحك بس انا لسة مشترتهش انا عايز اجمع اكبر قدر من المعلومات عنها قبل الشراء بس انا فعلا حابب العربية وان شاء الله هاشتريها بس فى سؤال هل جربت ان تركبلها غاز علشان تمش بالغاز وسؤال تانى انا اسف معلش اسالتى كتير هلى يوجد منها محرك يعمل بالجاز (السولار) ولا لا وأجو انى مكونش اطالت على شخصيتكم الكريمة وآلف شكر. |
رد: عايز اعرف سعر السيارة شيفرولية بليزر ك5
اقتباس:
الغاز الطبيعى ..... انا فكرت فعلا فى القصة دى و كنت مقدم عليها ... بس قابلت واحد عند الميكانيكى قالى ان العربية حتبقى زى السيات ... مع احترامى للسيات ... بس هو كان يقصد ضعف السحب .. و سئلت ناس تانية مركبين غاز .. الناس اكدت ان الموضوع عادى و مش حيفرق كتير الغاز حيكلف من 7 الى 9 الاف جنيه ..... علشان حضرتك مش حتحط اسطوانة واحدة .. على الاقل اسطوانتين صغيرين ... الاسطوانة الصغيرة تعادل صفيحة ده غير انهم حيشغلوا تقريبا كل مساحة الشنطة الديزل ..... فيه ناس كتير و عربيات كتير شفتها و مغيرة الموتور و مركبة موتور ديزل ... المشكلة الاولى .... ايه الموتور الى ممكن يركب على البليزر و يقدر يقومها ؟؟؟ اول موتور ممكن يركب هو موتور الجامبو التيربو ديزل ... ان بى ار ... او ..ان كى ار ... الاول 4000 سى سى و التانى 2500 سى سى تقريبا على ما اتذكر و الاتنين 4 سلندر فيه ناس تقولك طاب ما تركب موتور التويوتا الميكروباص ما هو زى الفل و عفى ... كلام فاضى ... انا رايى الشخصى ان موتور ال ان كى ار .. مش جامد برضوا فيه موضوع هنا فى المنتدى عن احد الاعضاء كان عاوز يبيع عربية بليزر من غير موتور علشان موتورها باظ ... الموتور ده زى الـ ان كى ار ... انا كنت على وشك انى اشترى العربية دى قبل ما العضو ده يشتريها من مالكها الاصلى ..... نتعلم من كدة درس مهم .... مش اى موتور ديزل ممكن يركب على اى عربية المشكلة التانية ..... موتور الديزل وزنه تقيل و بيعمل اهتزازات عالية ...بصفة عامة العفشة لازم تتغير ... الظريف فى البليزر انك مش لازم تغير العفشة ... شاسيه العربية قوى و يستحمل ... ده غير ان فيه منها عربيات نازلة من المصنع بموتور ديزل .... يعنى مش حتغير حاجة فى العفشة المشكلة التالتة ..... فتيس الغرز .... فى الغالب المواتير الديزل الموجودة من غير فتيس غرز ... فواحد يقولك مش مشكلة فتيس غرز ... الغيه .. انت حتعمل بيه ايه !!!! و واحد كان عنده عربية بليزر قالى انه شاله من العربية علشان بيعمل حمل على الموتور .... ( انا مش قلتلك ابعد عن الفتايين ؟ ) :w6w200504111340266d طيب ما تركب عربية تانية احسن و تسيبك من البليرز و وجع القلب !!!!! الناس بتعدل العربيات علشان تضيف ليها امكانيات ... مش علشان تشيل منها امكانيات .. كده انت سوف تفقد فتيس الغرز الى بفكر انى اعمله فعلا .... هو تركيب موتور الجى ام الديزل التيربو ديزل .... الى هو موتور البليزر الديزل ... و ده موتور 8 سلندر تيربو ديزل 7000 سى سى !!!! الموتور ده بينزل بفتيس اوتوماتيك و بفتيس غرز و سمعت ان تمنه حوالى 10 الاف جنيه بكل حاجته بس فيه مشكلة واحدة ..... قطع الغيار مش موجودة انا لسه محتاج اسال عن الموتور ده فى شبين الكوم على موضوع قطع الغيار .... صديق ليا قالى انى مش ححتاج قطع غيار للموتور ده غير طرمبة المياه ... و لو احتجت ممكن نعمل حشوة عمولة ... اى قطع غيار تانية ممكن تتوفق عليه ... و الله اعلم موتور الجامبو .. ان بى ار .. سعره قرابة ال 20 الف جنيه .. و قطع غياره متوفرة و منتشرة و ميكانكيته كتير .... موتور ال ان كى ار .. سعره تقريبا فى حدود 15 الف ... نصيحة من ميكانيكى انا بحترم رايه ... متلعبش فى موتور العربية دى....لو عاوز تركبها صح لو عاوز تشغلها و تحمل فيها و تبهدلها ... اعمل الى انت عاوزه |
رد: عايز اعرف سعر السيارة شيفرولية بليزر ك5
آلف شكر ليك ياباشا انت فعلا افدتنى كتير بس من حيث انا حضرتك قولتلى ان العربية صعب ضبط ابعادها فى السواقة بس اعتقد ان كل ما العربية ارتفعت عن الأرض اصبح سهلة القيادة او ارتفاع مقعد السائق برضة يسهل القيادة انا مكنتش اعرف اى حاجة عن السواقة وعلشان اتعلم السواقة اشتغلت فى جراج علشان اتعلم وديه نصيحة واحد قالهلى وفعلا نصيحة تمام و أول سيارة سوقتها فى حياتى كانت شيفرولية جامبو 8000 شاسية طويل بصندوق وبالرغم من انو كان فى الجراج تريلات ومعايا مفتيحه الا انى محولتش معاها لأنى معرفش حاجة فيه وأشكر حضرتك على كم المعلومات الذى امطرتنى به وحضرتك شخصية محترمة وأرجو انى مكنتش ضيقت حضرتك بكثرة اسألتى.
وشكراا |
رد: عايز اعرف سعر السيارة شيفرولية بليزر ك5
اقتباس:
انا اسف على التاخير فى الرد .... ما كانش عندى انترنت يا سيدى لا شكر على واجب و ربنا يكرمك و يحفظك ..... انا بس بحاول افيد على اد ما اقدر ... و زى ما قلت اسال براحتك .... انامجود فى مصر لو حضرتك عاوز نتقابل و افرجك على العربية انا معنديش مانع .... اتشرف بمعرفتك الجامبو مختلفة تماما فى السواقة ..... زيها زى الميكروباصات .. علشان العربية ملهاش بوز من الامام ... فانت تقدر تحكم العربية كويس جدا من الامام علشان انت شايف كل حاجة و قريب من العربية الى امامك اما ف العربيات السيدان لازم تعمل حساب بوز العربية ... و تقدر المسافات و الابعاد كل ما العربية كانت واطية فانت تقدر تشوف ابعاد العربيات الى حواليك كويس انما لو العربية الى انت سايقها عالية فالموضوع ده بيبقى صعب حبتين .... بالنسبة للبلبزر ..... المرايا اليمين بتبين الى جاى وراك ... و متقدرش تشوف الى جنبك او الى متاخر عنك حاجة بسيطة ... اكتر من مرة اجى احود يمين اسمع كلاكس من عربية فى اليمين ... اشوفه لما يتحرك شوية لغاية لما نص عربيته يعدى الاكصدام الامامى عندى و سنتك مش فايته طبعا لو حد رمى بوز عربيته قدامك و انت مشفتوش .... و ده الى حيحصل فعلا ... انت مش حتشوف اى بوز عربية لغاية لما يعدى الاكصدام الامامى ... و حتبقى خناقة .... ازاى متشوفهوش وهو بيرمى عليك و ازاى متقفش ... تحاول تعتزر له و تفهمه انك مش شايفه ... و لا كأنك بتتكلم و حاجة سيئة جدا ان العربيات بتمشى جنبك بينها و بينك 20 سم .... طيب انا احود ازاى ؟؟!!! لو ايدى اتهزت و انا ماسك الدركسيون حريح عليه لما جيت اشترى سئلت و دورت ...بس لم اجد حد يدينى رايه كمستخدم ... اما واحد عاوز يبيع ... و ده بيحلى بضاعته و بيقلك شعر على العربية ... او واحد سمع عن العربية و ده بيقلك اسوا ما فى العربية فحضرتك اسأل زى ما انت عاوز انا تحت امرك فى اى اسئلة تانية |
رد: عايز اعرف سعر السيارة شيفرولية بليزر ك5
[QUOTE=ahmed_eng2001;66894 0]انا اسف على التاخير فى الرد .... ما كانش عندى انترنت يا سيدى لا شكر على واجب و ربنا يكرمك و يحفظك ..... انا بس بحاول افيد على اد ما اقدر ... و زى ما قلت اسال براحتك .... انامجود فى مصر لو حضرتك عاوز نتقابل و افرجك على العربية انا معنديش مانع .... اتشرف بمعرفتك الجامبو مختلفة تماما فى السواقة ..... زيها زى الميكروباصات .. علشان العربية ملهاش بوز من الامام ... فانت تقدر تحكم العربية كويس جدا من الامام علشان انت شايف كل حاجة و قريب من العربية الى امامك اما ف العربيات السيدان لازم تعمل حساب بوز العربية ... و تقدر المسافات و الابعاد كل ما العربية كانت واطية فانت تقدر تشوف ابعاد العربيات الى حواليك كويس انما لو العربية الى انت سايقها عالية فالموضوع ده بيبقى صعب حبتين .... بالنسبة للبلبزر ..... المرايا اليمين بتبين الى جاى وراك ... و متقدرش تشوف الى جنبك او الى متاخر عنك حاجة بسيطة ... اكتر من مرة اجى احود يمين اسمع كلاكس من عربية فى اليمين ... اشوفه لما يتحرك شوية لغاية لما نص عربيته يعدى الاكصدام الامامى عندى و سنتك مش فايته طبعا لو حد رمى بوز عربيته قدامك و انت مشفتوش .... و ده الى حيحصل فعلا ... انت مش حتشوف اى بوز عربية لغاية لما يعدى الاكصدام الامامى ... و حتبقى خناقة .... ازاى متشوفهوش وهو بيرمى عليك و ازاى متقفش ... تحاول تعتزر له و تفهمه انك مش شايفه ... و لا كأنك بتتكلم و حاجة سيئة جدا ان العربيات بتمشى جنبك بينها و بينك 20 سم .... طيب انا احود ازاى ؟؟!!! لو ايدى اتهزت و انا ماسك الدركسيون حريح عليه لما جيت اشترى سئلت و دورت ...بس لم اجد حد يدينى رايه كمستخدم ... اما واحد عاوز يبيع ... و ده بيحلى بضاعته و بيقلك شعر على العربية ... او واحد سمع عن العربية و ده بيقلك اسوا ما فى العربية فحضرتك اسأل زى ما انت عاوز انا تحت امرك فى اى اسئلة تانية أنا أسف يا باشا انا لسه شايف رسلتك دلوقتى بتاريخ 13/5/2012 واعتذر لعدم الرد على شخصيتكم الكريمة انا لسه اصلك جديد فى المنتدى ومكنتش عارف اوصل ازاى للمشاركة ديه والحمد لله عرفت واشكر حضرتك لسعه صدرك ليا فر الرد عليا فى حاجة حضرتك قولت انك لما تبص فى المرايا اليمين مبتجبش اللى جانبك حضرتك ممكن تغير المرايا بس الزجاج بتاعة مش كلها وتحط واحدة مقعرة أسمها كدة مرايا مقعرة ديه هتجيب لحضرتك اللى جانبك بس مقاسات وبعد الصورة هيبقى مختلف بس هتجيب اذا كان فى سيارة جنبك ولا لا واشكر حضرتك مرة آخرى أنا متواجد فى الإسكندرية وأن شأ الله لو نزلت القاهرة هقول لحضرتك وشكر لشخصيتكم الأكثر من كريمة والسلام عليكم . أخوك محمد:Wkiss5::Wkiss5::Wkis s5::Wkiss5::Wkiss5::Wkiss 5::Wkiss5: |
| الساعة الآن 07:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017