المشاركة الأصلية كتبت بواسطة samirayad (المشاركة 655393)

هو الوضع مش طبيعى برضه

فهل عندك إستهلاك البنزين كبير بشكل ملحوظ

وهل فيه فى سيارتك حساس شكمان ( أى حساس أكسجين )

وياريت توضح وضع الحراره على المؤشر بعد سخونة المكنه وتحركك بالسياره
-----------------------

عموما

لو مفيش مشكله مواجهاك غير عملية التسخين

فسخن عادى

وده أفضل فنيا للمكنه بشكل عام

أنا من يوم ما جبت العربيه من 5 سنوات

وأنا لازم أسخن لحد مامؤشر الحراره يعلم معايا ويقرب من أول شرطه من تحت

المشاركة الأصلية كتبت بواسطة toti1975 (المشاركة 656142)

استاذ/ سامى
شكرا على اهتمامك،، انا عندى حساس idel هو ده بتاع الاكسجين على ما اعتقد ، و مؤشر الحرارة فى الوسط دائما او اقل قليلا و استهلاك البنزين معقول على مااظن تقريبا 300 كم فى التفويله داخل البلد..

و هل التسخين و العربية واقفه فيه مشكله ؟ لان احد الزملاء فى الرد بتاعه قال ان الكربون بيزيد على البوجيهات عند التسخين على الواقف..

المشاركة الأصلية كتبت بواسطة samirayad (المشاركة 656281)

الأستهلاك كده كبير فعلا وبيدلل على تواجد خطأ فى عملية التحكم الإلكترونى عندك

وحساس الأكسجين غير حساس ال idle

حساس الأكسجين فى الانوس أو النوبيرا بيركب على فرن المكنه

وبيكون له سلك واحد لونه بنفسجى عندى فى النوبيرا وهتلاقيه كده عندك

( لو كان موجود عندك )

عموما

بنسبة كبيره جدا

عندك حساس درجة الحراره بايظ بالفعل

ملحوظه

حساس الحراره ملوش دخل بشغل مؤشر الحراره بالتابلوه
-----------------

وعلى ما أتذكر
هتلاقيه موجود عندك فى المنطقه أسفل البوبينا
غيره وهتلاقى عربيتك رجعت كما تتمنى

المشاركة الأصلية كتبت بواسطة samirayad (المشاركة 656602)

حساس الحراره

هو قرن الأستشعار إللى بتعرف منه وحدة التحكم

حرارة المكنه ماشيه إزاى

من خلال لغة إشارات بين الوحده والحساس

----------------------

وفى أول تشغيلك للمكنه

وحدة التحكم المفروض تعرف من الحساس ان حرارة المكنه بارده

تقوم وحدة التحكم تعمل حسابها فى تزويد نبضة حقن البنزين

فى أول الدواره ....وتحويل سيستم التحكم لحاله تسمى بالحاله المفتوحه

أى دون أى قيود فى حقن البنزين open loop

ومع زيادة كمية البنزين بتقدر المكنه تشد حيلها

وممكن تدور وتطلع لو حبيت ( بعد فترة دواره وإنتظار تكاد لاتذكر )

تخيل بأه

الحساس لايؤدى وظيفته بطريقه شرعيه وقد يكون مهنج وبيبلغ وحدة التحكم أن المكنه ساخنه

ماذا سيحدث .........؟

حريق هزيل نوعا ما ....ولن تستطيع التحرك بأمان فور دوارتك



ما أنا وضحت لسعادتك قبل كده

مفيش علاقه نهائيا بين

صباع الحراره المسئول عن عمل مؤشر الحراره بالتابلوه

( هتلاقيه تحت أو على مانيفولد دخول الهواء للمكنه )

وبين حساس الحراره المسئول عن إعلام وحدة التحكم بحرارة المحرك

( هتلاقيه أسفل منطقة البوبينا )

ويلاحظ أن التصميم الهندسى للحساس وصباع الحراره ( بنفس التصميم )

ونظرية التشغيل الهندسيه



كون تفويله كامله تعمل 300 كم .........فهذا حيود واضح عن المعدل الطبيعى للإستهلاك

والطبيعى لتفويله كامله لعربيتك ملوش قيمه محدده

لكن على الأقل متقلش التفويله عن 400 كم ( كمثال )



هل ماسبق يكفى من تفصيل مبسط

المشاركة الأصلية كتبت بواسطة toti1975 (المشاركة 659190)

شكرا على المعلومات الغالية ياستاذ / سا:fun_36_1_39[1]:مى