مصر موتورز مجتمع السيارات - النهاردة يوم لا يطاق مع عربيتى13/4/2012

النهاردة يوم لا يطاق مع عربيتى
عمرها معملتها من ساعة ماجبتها من9شهور
http://im15.gulfup.com/2012-04-13/1334339306421.jpg

النهاردة قومت من النوم الساعة 9.30 الصبح والعربية فى الجراج فى امان الله
قامت جاتلى فكرة بما اننا داخلين على صيف والنهاردة انا فاضى
اقوم اروح اظبط الكربيداتير
وبما انى من الاسكندرية
طبعا هروح لخميس كربيداتير فى كوم الدكة
وعلشان انا ساكن فى البيطاش
لازم اروح بدرى علشان انا عارف انى هروح الاقى طوابير من التاكساجية واقفين
المهم فطرت ونزلت الساعة 10.30
وانا فى المكس وباخد مطب عند التعاون للبترول طبعا نزلت من الغيار الرابع الى
المور وعطيتها تانى وخدت المطب وبدوس بنزين لقيت الدبرياج بقا
على الارض:sd:
روحت عطيها الغيار التانى بالعافية وماشى عليه حوالى محطتين ترام لحد حته اسمها الورديان وقمت داخل على الميكانيكى بتاعى الحاج حمدى
ظبطلى الدبرياج على الساعة 11.45
روحت للحاج خميس كربيداتير واخدت دور
المهم سيبتلو العربية ورحت صليت
ولما جيت كان الحمد لله جيه عليا الدور
ظبطلى الكربيداتير وغيرلى البيكات
والصراحة صوت الموتور بقا واطى جدا وناعم
وورانى انه خلى الجكمان يجيب مياه يعنى الموتور زيرو
الحمد للهhttp://masrmotors.com/vb/images/smil...1_1%5B1%5D.gif
المهم رجعت على الورديان وانا داخل على مطب هديت العربية بطلت
ادورها تدور وتبطل تانى فهمت انه بك السلانسيه اتسد
وده خلى بالكو بعدما الحاج حمدى كربيداتير غسل الكربيداتر ونظفو جدا:sd:
المهم روحت للحاج حمدى الميكانيكى ظبطهولى وتمام
المهم اخدت مراتى وحماتى اوديهم بحرى عند خالة مراتى
العربية مشيت 5متر وبطلت تانى والكونتاك المرة ديه مش بينور خالص:sd:
المهم جبتلهم تاكس رركنت على جنب ورحت جيبت الحاج رمضان
الكهربائى بتعى
فتح اكبوت وقالى دور راحت العربية دايرة راح ضاحتhttp://masrmotors.com/vb/images/smil..._13%5B1%5D.gif وقلى بتهزر معاك
المهم فاضل عندى مشوار محطة مصر هخلصو واروح استحمى وانام
وانا فى شارع الرحمة وطبعا لقيت حفرة هديت وبخدها على الاولانى
بطلت تانى والكونتاك المرة ديه مش بينور خالص تانى:sd:
المهم ركنت على جنب ورحت اشتريت مترسلك ووصلت الموبينه
بالارضى وعملت كونتاك خارجى
وخلصت مشورى
ورحت للحاج رمضان الكهربائى غيرلى قلب طبلة الكونتاك
ورحت غيرت زيت اس جيه تعاون 3000 ك
وغلست العربية ودخلتها فى الجراج
:funny25:
الساعة 7.30
الحمد لله