رد: اشتري مستعمل و لا اقسط جديد ياريت تفيدوني
 

بصي حضرتك العربية الجديدة مهما كانت هتكون افضل من المستعمل انتي اول واحدة تخبطيها اواول واحدة تبوظيها احساس حلو لكن المستعمل هتلاقي فيه حاجات عمرها الافتراضي انتهي هتحتاجي تغيرها

* حضرتك لسه متعلم سواقة يعني احتمال كبير هتحكي العربية في شارع ديق ممكن تخبطي الاكصدام وانتي بتركني كل الناس اللي اتعلمت سواقة عملت كده

لو العربية زيرو واتجرجت او اتخبطت وحضرتك رشتيها هينزل في تمنها جاااااااااامد

* حاجة كمان العربية الزيرو القسط حضرتك هتدفعي فايدة + فايدة مركبة يعني العربية هتقف عليكي باكتر من تمنها بكتير
والعربية الجديدة كل ما يعدي عليها سنة بتخسر جزء من قيمتها
( بحسبة بسيطة حضرتك هتخسري تمن الفايدة + هتخسري جزء بسبب مرور فترة علي العربية + هتخسري جزء بسبب التجريح او خبطة لا قدر الله = هتبيعي العربية تقريبا بنصف تمنها )

لو العربية مستعملة واتجرحت او اتخبط مفيش مشكلة مش هتخسر
يعني مثلا ال128 ليها حد ادني مبتقلش عنه وليها حد اقصي

ده انتي ممكن تكسبي فيها او تخسري مبلغ بسيط

رأيي خليكي في المستعمل هيكون مناسب جدا ليكي ، وكفاية انك مش هتشيلي هم قسط كل شهر

حضرتك ممكن تقولي المبلغ اللي معاكي كام وانا والناس هنا هنحاول نشوف ليكي حاجة مناسبة

تحياتي ليكي:balloons71:

رد: اشتري مستعمل و لا اقسط جديد ياريت تفيدوني
 

أبو الشوق كاديلاك .. حضرتك قولت كل كلمه انا عاوز اقولها . وأنا أتفق مع رأى حضرتك تماما .
أى حد بيتعلم سواقه جديد . الأحسن له أنه يجيب عربيه مستعمله ومش غاليه . زى الشاهين مثلا . بس تكون موديل حديث شويه عشان تبقى حالته لسه كويسه وبالذات ان حضرتك بنت ومش مناسب ليكى كتره التصليحات والأعطال .. والعربيه دى تقعد مع حضرتك سنتين مثلا . تكونى حضرتك قدمتى فى السواقه وبقيتى بتحافظى على العربيه . على الخبطات وعلى الموتور وعلى كل حاجه . وتكونى حضرتك حوشتى فى السنتين دول كل شهر اللى كنتى هاتدفعيه قسط . تبيعى المستعمل اللى معاكى من سنتين ومش هاتخسرى فيه حاجه تذكر . وتحطى عليه اللى كنتى هاتدفعيه أقساط وتشترى زيرو أعلى من المستعمل اللى معاكى .. هاتبقى بعدتى عن الفوائد وخساره فلوسك فى الفايده المركبه والتأمين الإجبارى . وخلصتى من شبهه الربا لأنها كبيره من الكبائر . وفى نفس الوقت كنتى معاكى عربيه تصليحها رخيص جدا وقت ماكنتى جديده فى السواقه ولما قدمتى بقى معاكى حاجه أحدث وتصليحها اغلى شويه . انا عملت كده . وفى الأول والاخر صلى أستخاره وربنا يعمل لك اللى فيه الخير .

رد: اشتري مستعمل و لا اقسط جديد ياريت تفيدوني
 

تمام وفي اختيارات غير الشاهين والفيات بس لو تحددي المبلغ ممكن الناس تقترح عليكي

يعني ممكن تشوفي سوزوكي ماروتي عربية كويسة جدا جدا صغيرة و صيانتها بسيطة وقطع غيارها رخيصة

رد: اشتري مستعمل و لا اقسط جديد ياريت تفيدوني
 

الجديد
الجديد
الجديد

رد: اشتري مستعمل و لا اقسط جديد ياريت تفيدوني
 

والله ياجماعه انا بشكركم جدا على الاهتمام وربنا ييسر لنا الخير

انا استقريت الحمد لله على شراء ماروتى بالقسط وبدون حظر ولا تامين اجبارى وفائده قليله حوالى 7% عن طريق البنك الاهلى لوجود شهاده استثمار فيه هى ضمان عندهم

لكن اولادى قلقانين من الماروتى وانا بقول على قد فلوسى احسن من المستعمل
اشكركم مره تانيه :Wkiss5:

رد: اشتري مستعمل و لا اقسط جديد ياريت تفيدوني
 

ربنا يوفقك وان شاء الله يكون وشها حلو عليكي

رد: اشتري مستعمل و لا اقسط جديد ياريت تفيدوني
 

مبروك و ربنا يديلك خيرها و يكفيك شرها
:Wkiss5::Wkiss5::Wkiss5: