مصر موتورز مجتمع السيارات - MaZda Rx8 درس قاسى للسيارات الايطالية

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - MaZda Rx8 درس قاسى للسيارات الايطالية (https://www.masrmotors.com/vb/showthread.php?t=8356)

رد: MaZda Rx8 درس قاسى للسيارات الايطالية

اقتباس:

المشاركة الأصلية كتبت بواسطة AboNoRa (المشاركة 44271)

بريرا برضو طب خووووووووود ptmnlo123per1116

http://www.autoexpress.co.uk/carrevi...meo_brera.html

Engine/Performance
Unfortunately, the Alfa lacks the performance to match its looks. The standard 185bhp 2.2-litre engine feels under-powered for a car in its class,

Driving experience
The Brera is not a light car and it suffers for this. Lacking the precision and agility of a Nissan 350Z, grip and handling are both below what you would expect from a car in its compan

Ownership Costs
Ranging from £22,000 to £28,000, the Brera doesn’t offer great value for money especially against cars like the 350Z

ده كلام الاوتو اكسبريس
اداء ضعيف لا يليق باسم الشركة وادنى من السيارات المنافسة
قيادة اقل متعة واقل رياضية مقارنة Nissan 350Z
تكلفة عالية سواء كقيمة مقابل النقود او كتلفة اقتناء

ودول اخونا الانجليز بيقولو نفس الكلام فى فيفس جير

http://fifthgear.five.tv/jsp/5gmain....fa+Romeo+Brera

مش عارف ليه دايماً العربيات الايطالى بتسقط قدام العربيات اليابانية المنافسة فى نفس النقاط ديه تقريباً (الاعتمادية - القيمة - الاداء)

الطليان يا خونا واخدينها بالفهلوه والله وبيستهبلو العالم بعربيات شكلها حلو وادائها تعبان بيبعوا براند مش اكتر
ياريت يخلوهم فى التصميم والفساتين احسن ويسيبوا العربيات للتكنولوجيا الالمانية والصناعة الاسيوية بقى لان خلاص راحت عليهم ديه بس حلاوه روح ptmnlo123per145

الايطاليين اعلى تكنولوجيا فى المحركات فى العالم كله,
و كفاية انو كل ابتكاراتهم فى مجال السرعة هى اللى فرضت نفسها,
بينما تفشل معظم التكنولوجيات التى تخرج من المانيا مثلا, زى المحرك الدوار و الحقن المباشر للبنزين.
عكس التكنولوجيات التى اصبحت لازمة فى تصنيع السيارات مثل المحرك العرضى, و الdiesel common rail, و علب التروس الذكية.
الموضوع مش موضوع شكل, فيرارى سعرها كده لأنها أكثر السيارات الرياضية التى تحتوى على تكنولوجيا متقدمة لا تستخدم الا فى السباقات, معظم سيارات فيرارى هى سيارات فورمولا واحد معدلة للطرقات العادية.
عشان كده فيرارى اغلى و أعلى اسما, ده غير انتصاراتها المتتالية فى سباقات الفورمولا واحد و لومان 24 ساعة.
و الألمان ذات نفسهم عندهم عقدة مزمنة من الايطاليين الذين قضوا على اسطورة مرسيدس فى السباقات, و لحد دلوقتى مسيطرين على معظم السباقات الهامة و الراقية,
و الألمان بيحاولوا بشرف وراهم لكن مفيش فايدة.
و اليابانيين بيشاركوا لمجرد التواجد.
و مينفعش نقارن العربيات اليابانى الرياضية بالايطالى, لأن دى فئة و دى فئة,
الزد 350 تتقارن بالفاير برد مثلا, أو الكامارو, لكن عمرها ما تتقارن بأى حاجة فيها ريحة الايطالى, الأمريكيون و اليابانيين بيعملوا عربيات رياضية رخيصة بتستهدف فئة طلاب الجامعات فى الولايات المتحدة, اللى بيبقوا عايزين عربية رياضية عشان يتمنظروا بيها ادام البنات و يخبطوها فى سباقات الشوارع لكن معهومش فلوس يجيبوا فيرارى او لمبرجينى او حتى بورش,
بورش بتستهدف فئة اعلى قليلا, هى فئة الموظفين الشباب الذين يتقاضون كثيرا, لكن برضو معهومش اللى يجيب فيرارى,
فيرارى بقى بتستهدف طبقة تانية خالص, طبقة الأثرياء عاشقى التميز, و هى قمة التميز فى الفئة الرياضية.
و لحد دلوقتى اليابان متقدرش تعمل عربية رياضية محترمة, و ماشيين بنفس طريقة الأمريكيين السخيفة, ارقام تسارع وهمية, شكل "ملعبك" المفترض انو رياضي, تصميم سىء, محرك فى الامام بما لا يتناسب مع السيارات الرياضية, و اى هبل و المهم العربية رخيصة و اهى البنات فى الجامعة على قدهم فى العربيات مش فاهمين حاجة و ادامهم العربية كوبيه و صوت موتورها عالى,و اركبى يا بت ده شكلوا معاه فلوسptmnlo123per154

رد: MaZda Rx8 درس قاسى للسيارات الايطالية

على فكره يا ابونورا ... انا حتكلم في نقطه تانيه خااالص بعيده عن الاداء و التقنيه
انا افضل 100 مره اني اركب عربيه مستريح لها نفسيا ...
يعني راضي بأدائها وحابب شكلها عن اني اركب عربيه الناس بتقول عنها كويسه و انا مش راضي بيها ..
علشان كده قلت .. القلب و ما يريد ...
ومتنساش ان كار اند درايفر اختارت
الفا روميو 8 سي كومبتزيوني Alfa Romeo 8c Competizione اجمل سياره للعام 2009
والمازيراتي جران توريزمو كانت التالته ... اما التانيه فكانت الاوستن مارتن DB9 والاستون فانتاج v8اخدت رابع

والالماني ظهر بس فين ..
السادس - اودي اس 5 -
السابع : مرسيدس سي ال اس (حبييتي اوي ... روحي روحي روحي )
التامن : بورش كايمن
التاسع : اودي ار 8

فين بقى الياباني في الكلام ده !!!!!

كان في حلقه من توب جير جابو 3 عربيات منهم البريرا و الار اكس 8 .. و للأسف مش فاكر التالته..
يمكن البريرا كانت اقلهم في الاداء ....
لكنها الوحيده اللي شدت انتباه كل الناس .. واكتر واحده اعجبوا بيها ...
واختارتها مجموعه من اساتذه الفن اجمل سياره فيهم
هو مش موضوع مظهر او شكل ...
لكن الطلاينه فعلا بيصمموا عربياتهم بشغف
design by passion
علشان كده بحب العربيات الايطالي .... بحس ان فيها ... روح
(طبعا مش روح بشريه لكن تشبيه بديناميكيه التصميم و روعه الخطوط ... وتجاوب الاداءptmnlo123per154)

وفي فرق بين الاداء .. والاحساس بالاداء ..
يعني ممكن تبقى احسن عربيه من حيث السرعه و الانطلاق و الثبات ... لكن مفيهاش متعه ..
وده اللي بيديه الايطالي ... الاحساس
قيس بقى على كده ... الفا روميو كومبتيزيوني 8c - البرافو - الجران توريزمو - وحتى الجراند بونتو ... و اللينيا
وحتكلم على ارض الواقع .. علشان مكنش بقول كلام نظري لعربيات وهميه عمري ما سوقتها ...
اكتر عربيه حبيت مواتيرها هي الفيات .. ال 127 - 128 - السيينا ...
اداء عصبي متجاوب و مرن .. تحس بيه
طيب ايه رأيك ان اكتر عربيه اتشاقيت بيها و لعبت بيها هي ال 128 ...
واكتر عربيه حبيت حجمها وسلاسه المشي بيها ... هي ال 127
واكتر عربيه ريحني موتورها و ادائها هي السيينا
مع اني ركبت فيليشيا و مازدا 323 و فكترا و صني و نوبيرا و برايد و ماتريكس وياريس ... وغيرهم ...
لكن اكتر عربيات حسيت بيها ... هي فيات

و ... القلب و ما يريد ptmnlo123per122

رد: MaZda Rx8 درس قاسى للسيارات الايطالية

شكلنا حنلعب ماتش كوره الليله

ابقى هات ماتيما و لانسر معاك يا ابو نورا ..
وانا و فادي و حازم خضر ..

فينك يا زيموووووووس ؟؟؟

بس عايزين جون مشترك ptmnlo123per145ptmnlo123p er145

رد: MaZda Rx8 درس قاسى للسيارات الايطالية

بالضبط,
كان فيه حلقة فى توب جير بيقارنوا بين الزوندا و البوجاتى فايرون,
الزوندا عربية ايطالية خارقة الاداء, قوتها فوق ال600 حصان, و البوجاتى طبعا معروفة 1000 حصان,
العربيتين شدوا جنب بعض و البوجاتى سبقت,
لكن المدهش انو الزوندا لما لفت الحلبة لفتها أسرع من البوجاتى رغم فرق السرعة!
لأن الزوندا اخف وزنا و أكثر رشاقة فتفوقت فى المنحنيات,
و فى النهاية كان تعليق جيمى انو الزوندا صحيح مش بقوة البوجاتى بس امتع بكتير,
و كان تعليقة على البوجاتى, رغم سرعتها, بتحسسك انك سايق فى حصة فيزياء!
VIVA ITALIA

رد: MaZda Rx8 درس قاسى للسيارات الايطالية

انا جيت يا جماعه
بس حنزل مشوار تقضيه واجب و راجع
علشان اقرأ الموضوع علي رواقه و بالراحه

رد: MaZda Rx8 درس قاسى للسيارات الايطالية

عموما هي شكل الفرقه التانيه انسحبت ... مع اني شايف لانسر واقف على خط الملعب .. لكن مش عايز ينزل ...

شكلي انا وفادي حنلعب تقسيمه لحد ما ترجع ... ptmnlo123per145

رد: MaZda Rx8 درس قاسى للسيارات الايطالية

مش قادر اقولكم انا مستمتع اد اية بالنقاش بتاعكم ده. ايوا كدة خلي الماتش يسخن

اقتباس:

المشاركة الأصلية كتبت بواسطة فادى (المشاركة 44300)

اعتقد يا فادي باشا ان دي فلتت منك
الزوندا بتستخدم مواتير المرسيدس AMG