مصر موتورز مجتمع السيارات - العربية بتاكل بنزين كتير قوى ومش عارف اية السبب

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - العربية بتاكل بنزين كتير قوى ومش عارف اية السبب (https://www.masrmotors.com/vb/showthread.php?t=83550)

زيت فوق الفتيس

انا عندى زيت فوق الفتيس مش عارف من اية بالظبط وكل لما اجى اشيلة بفوطة شوية ويرجع تانى وبيعمل لون احمر فى الفوطة وفية زيت عند كرتيرت الفتيس وعندى النور الواطى فصل مرة واحدة ومش عارف السبب ارجو الافادة

رد: العربية بتاكل بنزين كتير قوى ومش عارف اية السبب

تعالى عند الشكمان وشوف فيه كاربون

يعنى بمنديل وشوف عامل عادم اسود

يبقى فى مشكلة زى ما إخوانّا قالو لك

لو ما فيش يبقى اسلوبك فى السواقة بيخليها تستهلك

رد: العربية بتاكل بنزين كتير قوى ومش عارف اية السبب

الزميل loka malak

اقتباس:

انا عندى زيت فوق الفتيس مش عارف من اية بالظبط وكل لما اجى اشيلة بفوطة شوية ويرجع تانى وبيعمل لون احمر فى الفوطة وفية زيت عند كرتيرت الفتيس

لو مكنتش غيرت زيت الفتيس قريب

ومنسوب الزيت أساسا مظبوط

يبقى عندك أويل سيل عقربة الفتيس عاوز يتغير

اقتباس:

وعندى النور الواطى فصل مرة واحدة ومش

وارد يكون عيب لمبات

فخللى كهربائى يكشفلك على أنوار الكشافات

رد: العربية بتاكل بنزين كتير قوى ومش عارف اية السبب

اقتباس:

المشاركة الأصلية كتبت بواسطة shur3000 (المشاركة 647884)

المعلومات بالنسبة لى لانوس 2005 , 137 الف كيلو, تغير بوجيهات وسلوكها وفلتر بنزين وسير كاتينة وتغير زيت فى معادة وما بتكلش زيت والاسكان اتعمل عليها مرتين كانت فى مرة ولعت لمبة شك وتقريبا عمل ريست للموتور واتظبطت وتانى مرة كانت بكشف دلع ومفيش مشاكل. بس انا عندى صوت المكنة عالى مش عارف من اية

لو تقصد تتكلم على إستهلاك البنزين

فياريت تقوللى أخبار السحب معاك إيه .....؟

وهل عمرت دبرياج قبل كده ........؟

وطبعا لازم تتابع لمبة التشيك لأنها طالما ولعت

فلابد تكون مسجله أعطال خاصه بعملية التحكم

لأن ممكن يكون حساس الأكسجين وحش فعلا .....

أو حساس حرارة مية التبريد ......
-----------------------

وبالنسبه للصوت

ممكن يكون ليه علاقه بإستهلاك البنزين وممكن لا

فلما تتحل مشكلة البنزين

هتلاقى صوت المكنه إتعدل معاك

طالما أنت بتحافظ على تغيير الزيت والفلتر فى ميعادهم

رد: العربية بتاكل بنزين كتير قوى ومش عارف اية السبب

شكرا استاذ سمير عياد على اهتمامك بس انا رحت لميكانيكة النهاردة وقالى ان العربية مفيهاش حاجة وصوت الموتور عالى هامسة عشان ودان الموتور (قواعد الموتور) ضعيفة ومحتاجة تتغير وقالى مفيش مشاكل عادى يعنى وعلى فكرة السحب اكتر من ممتاز حرق البنزين ماشاء الله كويس بدليل التعريق والمية من الشكمان بس انا شاكك فى الشكمان انو مش كويس وعلى فكرة انا كنت لحمته قبل كدة ممكن يبقى السبب

رد: العربية بتاكل بنزين كتير قوى ومش عارف اية السبب

اقتباس:

وعلى فكرة انا كنت لحمته قبل كدة ممكن يبقى السبب

ممكن

لو كان مكان اللحام مش كويس

و بيهرب عادم

رد: العربية بتاكل بنزين كتير قوى ومش عارف اية السبب

احب اشارك برايى وارجو من العضو المحترم م / سمير التعليق
اعتقد ان ممكن يكون سبب المشكلة بتاعة البنزين فى البوجيهات والفلاتر(هواء وزيت وبنزين ) فعدم تغييرهم لمدة طويلة بياثر على سحب العربية واستهلاكها للبنزين