رد: هل لمسطره الرشاشات دور فى زياده استهلاك البنزين
 

على نهاية المسطره

وهو منفصل عنها فى المهمه الوظيفيه

كقطعه هندسيه

وبالطبع

لو كان تالف

يخللى السياره تاكل بنزين أيضا

----------------------

حاول برضه تعمل إسكانر للتعرف على حالة حساس الأكسجين عندك ( إن وجد )

فلو كان الحساس بيهنج

العربيه هتاكل معاك بنزين وبدرجه ملحوظه

رد: هل لمسطره الرشاشات دور فى زياده استهلاك البنزين
 

ممكن صوره يا استاذ سمير
وهل هو بيجى منفصل ولا بيجى بالمسطره
----------------------

معنديش حساس اكسجين (حساس العادم)
وعملت اسكان على الحساسات اكتر من مره باختلاف الاسكارنات

رد: هل لمسطره الرشاشات دور فى زياده استهلاك البنزين
 

حاضر

سأجهز لك صوره حالا

هتأكدلك برضه من هذا

لكن منطقيا وفنيا

المفروض يكون منفصل عن المسطره

ده هو ده ( الإثنين نفس المعنى )

فحساس الأكسجين ....فده أسمه نسبه إلى وظيفته فى قياس كمية الأكسجين فى العادم

وحساس الشكمان ...فده أسم آخر ليه برضه وبينسب له هذا الأسم لأنه بيركب فى أول خط الشكمان من بعد فرن المكنه ( على نهاية مشترك الفرن تقريبا )

طيب هل غيرته قبل كده ...؟

ولا أنت تقصد أنه مش عندك فعلا

وعارف أن الكلمتين نفس المعنى

والعربيه عامله كام ألف كم ....؟

وهل أنت أول مالك ....؟

---------------------

بإذن الله مش هسيبك ألا أما ربنا يوفقنا للوصول لحل مقنع

ونمسك سبب الجريمه

بس خليك معايا

بنظام هات وخد فى الأسئله والإجابه

رد: هل لمسطره الرشاشات دور فى زياده استهلاك البنزين
 

http://www.aa1car.com/library/returntype_efi.gif

دى صوره تخطيطيه

توضح تركيب منظم ضغط البنزين ( أى البلف ) على نهاية مسطرة الرشاشات

وواضح طبعا

إن المسطره شىء والبلف شىء آخر منفصل عنها

رد: هل لمسطره الرشاشات دور فى زياده استهلاك البنزين
 

انا عارف ان الاثنين نفس المعنى
ومش عندى اصلا
مش موجود فى العربيه من الاساس

عامله 136 الف والموتور بسم الله ماشاء الله كويس

لا مش اول مالك
[/QUOTE]

انا مع حضرتك فى السؤال والجواب
ربنا يباركلك يا رب
ده انا هدعيلك
انا تعبت من موضوع الاستهلاك
========================= =============
هل بلف تنظيم ضغط البنزين بيظهر على الاسكانر؟
وما هى وظيفته بالضبط ؟ يعنى هو بيدخل كميه بنزين للرشاشات معينه وبعد كده بيقفل ولا ايه

رد: هل لمسطره الرشاشات دور فى زياده استهلاك البنزين
 

لا طبعا

وظيفته بالضبط

تنظيم ضغط البنزين فى مسطرة الرشاشات بالذات

والزياده فى البنزين يسمح برجوعها لتنك البنزين

ولو حليت خط الفاكيوم إللى بيشغله ورايحله من المانيفولد

ولقيت الخط ده ريحته أو جواه بنزين

( بعد ماتشغل المكنه سلانسيه شويه )

يبقى البلف بايظ

-------------------

رد: هل لمسطره الرشاشات دور فى زياده استهلاك البنزين
 

استاذ سمير
بعد التحيه
الجواب:-
1-حليت الخط اللى جايله من المانفولد ولاقيته جاف تماما لا بنزين ولا ريحه
2-حسست بيدى على خط الراجع حسيت بحركه داخله

منتظر من حضرتك السؤال.

(ملحوظه) استهلاك البنزين بعد تغير الرشاشات ضبط
مره 9لتر فى ال 100 كيلو مره 11 لتر فى ال 100 كيلو وبعد كده رجع عالى جدا تانى 14 لتر فى ال 100 كيلو (ثابت 14 مهما غيرت او صلحت ثابت 14)

وضعت منظف رشاشات stp ربما تكون الرشاشات مسدوده ولا جديد الاستهلاك عالى كما هو