رد: ارجو الافاده افادكم الله
 

اولا :- اود ان اشكرك على تعاونك معى
ثانيا :- بالنسبه للصيانه انا عملت الصيانه كامله من تغير ( سيور -بكر ثابته و متحركه - بوجيهات - سلك البوجيهات )
ثالثا - بالنسبه لتظيف البوابه ده ماعملتوش و لو فى حاجه تتحط فى البنزين عشان تنظف البوابه (لو تكرمت قولى ايه افضل نوع )
رابعاً :- بالنسبه للفرامل اعتقد ان مشكلتى كلها كانت فى مسترين العجل الخلفى كانو تقال اوى بس بعد ما صرفت و غيرت كل اللى قولت لحضرتك عليه و يبدو كده انى لسه محتاج اغير ال 4 طنبير و لا ممكن يتظبطوا مش عارف .
انا روحت انهارده لواحد بتاع شكمانت و قالى العلبه اللى ورا تتكلف 200 جنيه من الاخرو سالتوا ليها علاقه بلمبه التشك و تنطيت العربيه قالى ملهاش علاقه و بيقول ممكن التنطيت يكون بسبب ان الرشاشات عاوزه تتسلك او تتنظف و الله اعلم
و لو ممكن رقم تليفون حضرتك عشان استشيرك قبل ما غير حاجه و جزاكم الله خير الجزاء

رد: ارجو الافاده افادكم الله
 

بس طالما لمبة الشيك نورت حتى لو مش مستمر يبقى فى كود متسجل فى رايى تروح تعمل سكان عند حد تانى

رد: ارجو الافاده افادكم الله
 

يفضل تنظيف البوابه بمنظق مخصص لهذا الغرض

يسمى throttle injection cleaner

( علبة إسبراى طويله شويه بتعمل 25 ج )

ممكن يحتاجوا التغيير وممكن يتظبطوا على المخرطه

وبهذا الشكل

فإن الحاله والسمك الحالى هو الفيصل فى التقييم

وعاوز كمان ألفت نظرك لنقطه مهمه

لو فيه صره عجله ملووحه أو بليه بتلعب

تعملك عيب متداخل بين الفرامل وإحساسك بين عدم إنتظام الدوران للعجل

وكمان النطه إللى بتحصل معاك كما وضحت فى أول مشاركه

( فهنا لازم فعلا تشوف عفشجى كويس يراجعلك على الحاجات دى )

غيرها وتوكل على الله

فكده تمنها كويس جدا

هو كلامه بشكل عام صحيح

لكن أنا أعتقد من خلال تحليلى لإحتمال إنسداد وتلف العلبه

ممكن يكون فيه علاقه ....سحريه بعض الشىء

من خلال دراساتى لعملية التحكم الإلكترونى

هتقولى إزاى

( لو إفترضنا أنها دايبه من الهواء دوب وبتسد طريق العادم أثناء سيره من الأمام للخلف
طبعا العادم هيعمل رد عل على المكنه ...يسخنها كتير جدا ويخنق العربيه ....ويؤدى إلى خلل فى عمل حساس الأكسجين ...وقد يجعله يهنج أحيانا ويتعرض للخلل الوظيفى المؤقت ...ومن هنا تنير لمبة الأعطال فى شكل متقطع ...حسب الأزمه والظروف البيئيه التى عانى منها حساس الأكسجين
فى ظروف خنقة منظومة الشكمان ....وكل ده بسبب العلبه )

برضه كلامه ممكن .....

لكن هل البوجيهات بتهبب معاك ...وهل العربيه بتاكل بنزين كتير

وهل بتعاكسك فى الدواره بعد التبطيل لمده من نصف إلى واحد ساعه

لو لا

يبقى كلامه ضعيف الإحتمال ....وغير وارد

01143933118

رد: ارجو الافاده افادكم الله
 

الف شكر ليك يا بشمهندس و ربنا يفتح عليك
جزاء الله خير الجزاء

رد: ارجو الافاده افادكم الله
 

الله يخليك

مع تمنياتى لك

بصلاح الأحوال