|
رد: شرح مبسط لطريقة اصلاح كوبلن السياره
مجهود رائع ومميز اشكرك عليه ولاكن لى بعض الاستفسارات احتاج توضيح لها وجدت حضرتك تستخدم لحام لتزويد التآكل وبعد كده بتستخدم الجلخ لضبط التجويف هل اللحام مع درجه حرارته العاليه يفقد صلابه الكوبلن من ناحيه اللحام لان الكوبلن مصنوع من صلب معين مقاوم للأحتكاك مثل الرولمان بلى وبعد اللحام مع استخدام الجلخ (يدوى) هل اليد البشريه مع جلخ كهربائى تستطيع أن تعطى نفس تجويف وخلوص الكوبلن المصنوع بماكينات تعمل ببرمجه رقميه وهل التجليخ وزاويه التجليخ لن تضعف الصلب مع احتكاكها معه وتطاير الرايش وبدون تبريد وهل ستعطى درجه النعومه الفائقه والتى تقترب من درجه نعومه (التحضين) وهل التجويف اليدوى سيضبط زوايا الخلوص والاحتكاك للكوبلن فى حركته فى جميع الاتجاهات واتمنى لك التوفيق لمجهودك الرائع والمميز |
رد: شرح مبسط لطريقة اصلاح كوبلن السياره
اقتباس:
اخى الكريم اولا عمر التجليخ باليد ما يعطينا نفس المقاسات بالدقه المطلوبه بس والله لو ايدك مظبوطه مع صاروخ الجلخ تقدر تجيب القاسات بدرجة قياس كويسه ثانيا انا مهنتى كلها تعتمد على حاسية اليد فى التجليخ يعنى تقدر تقول كل يوم الصبح على ريق النوم لازم اشغل صاروخ الجلخ واجلخ بيه اسطح الحديد وإستعدالها ثالثاً درجة حرارة اللحام لاتؤثر على خواص الحديد نهائياً لان مصانع الكبالن بيصنعو الكوبلن من حديد عادى يعنى مش بيبقى درجة صلابته عاليه عشان يقدرو يشكلو الحديد بسهوله وسرعه وبعد انتهائهم من مراحل التصنيع يبدأون فى عمل حموات باليزر فى الاماكن التى يحدث بها ضغط عالى وإجهاد وهى عادتاً بتبقى فى منتصف المجرى التى تمشى عليها البليه ولو بصيت على الكوبلن هتلاقى من بره فى نقط سوداء حتى وهو جديد هى دى الحموات اللى هما بيعملوها يعنى مش كل الكوبلن بيبقى متصلب ولو مش مصدق هات مبرد وابرد الكوبلن لو اتبرد معاك يبقى الحديد عادى ولو أزز معاك يعنى عمل زى اكنك بتبرد زجاج والمبرد بيتزحلق معاك وكل ما ضغط على المبرد يتزحلق اكتر يبقى الكوبلن صلب وكمان المصانع مش بتخلى الكوبلن صلب عشان مايتكسرش يبوظ اه بس مايتكسرش ودرجة حرارة اللحام لاصلاح الكوبلن عمرها ما بتزيد عن درجة الحموات اللى المصنع بيعملها وكمان الحرار كويسه لانك بتخلى مكان الحفر يتصلب دوناً عن باقى الكوبلن وده مصلحه :w6w2005041122053268 |
رد: شرح مبسط لطريقة اصلاح كوبلن السياره
اقتباس:
فهل عندك دليل على كلامك هذا ....؟ اقتباس:
عن كلامك هذا الذى لايصدر إلا ممن لا يعرفون مايكتبون --------------------- على فكره أنا مهندس بألبس الأفرول تقدر تقول مهندس وصنايعى فى ذات الوقت بتاع كله يعنى اقتباس:
فى الهندسه النظريه والعمليه مفيش حاجه إسمها ....مسكنات |
رد: شرح مبسط لطريقة اصلاح كوبلن السياره
اقتباس:
والكوبلن من التصميمات عاليه الدقه يعنى المقاسات بالواحد من عشره من المم اقتباس:
قال لى ببساطه ان ايديك دى ليست ديجتال وضحك وقال عندك فى خان الخليلى امهر صناع النقش اليديوى قال لى مستحيل نفس اللوحه لو كررها صانعها 1000 مره لن تتطابق 100/100 اقتباس:
حضرتك ممكن يكون الخام مقسى كربونيا وممكن تسخين لدرجه فوق درجه الحراره الحرجه وممكن تحت درجه الحراره الحرجه وممكن يكون له اضافات كربونيه وطريقه التبريد بتكون مفاجئه أو تبريد على فترات طويله التقسية: Hardening التخميرAnnealing المراجعة: Tempering الاستعدال: Normalizing التغليف: Case Hardening كل ده بيؤثر فى صلاده وتقسيه المعدن اقتباس:
على العموم دى كانت بس استفسارات كان ممكن استفيد منها واشكرك لسعه صدرك مرفق ملف لحضرتك ان شاء الله ممكن يفيدك فى موضوع ارولمان بلى والكراسى فائق احترامى الملف فى المرفقات |
رد: شرح مبسط لطريقة اصلاح كوبلن السياره
عندى مشكله فى رفع الملف هحاول ارفع بطريقه تانيه |
رد: شرح مبسط لطريقة اصلاح كوبلن السياره
اقتباس:
|
رد: شرح مبسط لطريقة اصلاح كوبلن السياره
حوار رائع ربنا يبارك فيكو:fun_Meting::fun_36_1 _39[1]:
بس النتيجه كده ان الكوبلن الجديد احسن انما تصليحه يعتبر مسكن36_1_5[1] |
| الساعة الآن 09:22 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017