مصر موتورز مجتمع السيارات - السخونه الزائده لمكنة السياره ( الأسباب والإحتياطات )

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: السخونه الزائده لمكنة السياره ( الأسباب والإحتياطات )

اقتباس:

المشاركة الأصلية كتبت بواسطة tonsy1979 (المشاركة 632795)

وكان لى استفسار ايه رايك فى موضوع فصل حساس كوعة المية فى الفيرنا
هل ده له اثر ايجابى فى تبريد افضل ولا ليه اثر سلبى خصوصا والصيف داخل علينا ...وتحياتى لك

طبعا ده غلط على المكنه

لأن دور الثرموستات

ماهو إلى منظم ميكانيكى للتحكم فى درجة حرارة المحرك

وجعلها بصفه دوريه عند حدود التشغيل الطبيعيه

كما أن الثرموستات بيساعد فى التعجيل بسخونة المكنه فى أسرع وقت

بعد الدواره مباشرة ومن هنا تقدر تدور وتمشى بأمان بعد شويه صغننين

أما بأه لو كان الترموستات منشال

ودورت وطلعت

فكده أجل المحرك بيقصر بدرى وتتعرض غرف الحريق من الداخل للتسلخ

تقدر تقول

( المكنه هتعجز بدرى )

-------------------------

على فكره

موضوع الصيف والشتاء ده بيعود مردوده فقط على المروحه

بمعنى

المروحه بتبقى محمله كهربيا فى الصيف أكثر من الشتاء بسبب إرتفاع حرارة الجو

المحيط بالمحرك أو السياره بوجه عام

وهنا

لاينصح نهائيا بسماع كلام أى ميكانيكى يقول

الثرموستات معمول للبلاد ذات الأجواء البارده وغير مطلوب للبلدان

ذات الأجواء الحاره

فهذا كلام ليس صحيح علميا وعارى تماما من الصحه

ويؤثر بالسلب على المكنه على المدى البعيد

رد: السخونه الزائده لمكنة السياره ( الأسباب والإحتياطات )

اقتباس:

المشاركة الأصلية كتبت بواسطة samirayad (المشاركة 632802)

طبعا ده غلط على المكنه

لأن دور الثرموستات

ماهو إلى منظم ميكانيكى للتحكم فى درجة حرارة المحرك

وجعلها بصفه دوريه عند حدود التشغيل الطبيعيه

-------------------------

على فكره

موضوع الصيف والشتاء ده بيعود مردوده فقط على المروحه

بمعنى

المروحه بتبقى محمله كهربيا فى الصيف أكثر من الشتاء بسبب إرتفاع حرارة الجو

المحيط بالمحرك أو السياره بوجه عام

وهنا

لاينصح نهائيا بسماع كلام أى ميكانيكى يقول

الثرموستات معمول للبلاد ذات الأجواء البارده وغير مطلوب للبلدان

ذات الأجواء الحاره ربنا يحفظنا من المفتيين واهل الفتوى بلا علم

فهذا كلام ليس صحيح علميا وعارى تماما من الصحه

ويؤثر بالسلب على المكنه على المدى البعيد

10000 شكر وتقدير وتحية للمعلومات القيمة المذكورة فى هذا الموضوع الرائع يا هندسة

رد: السخونه الزائده لمكنة السياره ( الأسباب والإحتياطات )

الله يخليك ياهندسه

رد: السخونه الزائده لمكنة السياره ( الأسباب والإحتياطات )

اقتباس:

المشاركة الأصلية كتبت بواسطة tonsy1979 (المشاركة 632795)

تسلم ايدك يا هندسة على تقاريرك المميزة:CONGRA~238:
وكان لى استفسار ايه رايك فى موضوع فصل حساس كوعة المية فى الفيرنا
هل ده له اثر ايجابى فى تبريد افضل ولا ليه اثر سلبى خصوصا والصيف داخل علينا ...وتحياتى لك

شوف وظيفة الثرموستات عامله إزاى

اقتباس:

5- الثرموثتات thermostat
يركب الثرموثتات فى الماسوره العلويه برأس الأسطوانات (رأس السلندر ) المؤديه الى الردياتير
يقوم الثرموثتات بتعجيل تسخين المحرك فى بداية الدواره
حيث يقوم برفع حرارة المكنه فى الحدود من 80 -90 درجه مئويه
ويحد من درجة الحراره أثناء عمل المحرك بالتحكم فى سريان الماء الى الردياتير
حيث يقوم بالتحكم وتحديد كمية المياه الماره الى الردياتير
وعلى هذا فأن الثرموثتات هو القطعه الميكانيكيه فى دورة التبريد التى تحدد ظروف تشغيل حراريه مناسبه من أجل الوصول الى آداء مثالى من المحرك

للثرموثتات تصميمات عديده والشائع منها
أنه يتكون من جسم وأنتفاخ نحاسى يملأ بسائل ( عجينه من بودرة النحاس المختلطه بمادة الكريزين وهو نوع من أنواع الشموع )
يغلى هذا النوع من الشموع عند درجة حراره تتراوح من 70- 75 درجه مئويه
ويوجد ساق وصمام ثنائى داخل الثرموثتات

فعندما يكون المحرك باردا فأن صمام الثرموثتات يكون مغلقا ويدور الماء فى دورة تبريد قصيره كالآتى
طلمبة المياه - أقمصة التبريد - الثرموثتات - خرطوم تحويل - فطلمبة المياه مره ثانيه
يعنى فى الحاله دى الميه مابتروحش للردياتير....لأننا مش عاوزينها تتبرد دلوقتى ولسه بنسخن علشان نهيىء المكنه لأخذ أحمال منها

عندما يسخن الماء مابين 70- 75 درجه مئويه فأن السائل ( أو الماده العجينيه الصلبه داخل الثرموثتات ) والموجوده داخل الأنتفاخ النحاسى للثرموثتات تتبخر ( شمع وبيسيح ).....فيزداذ الضغط داخل الثرموثتات ويتمدد الأنتفاخ محركا الساق مما يعمل على فتح الصمام وهذا يؤدى لمرور المياه الى الردياتير ........
وعندما تصل درجة الحراره الى 90 درجه مئويه كمثال .....
فأن صمام الثرموثتات يفتح كاملا ويسرى الماء فى دورة تبريد أطول فى هذه الحاله

طلمبة المياه - أقمصة التبريد - الثرموثتات - خزان الردياتير الساخن - السربنتينه أو قلب الردياتير - خزان الردياتير البارد - طلمبة المياه وهكذا
وده شكل لثرموثتات حقيقى

http://i728.photobucket.com/albums/w...ermostat-1.jpg

وده شكل آخر لرسم هندسى لثرموثتات لأظهار أقصى وضع فتح للثرموثتات

http://i728.photobucket.com/albums/w...thermostat.gif

رد: السخونه الزائده لمكنة السياره ( الأسباب والإحتياطات )

انا جربت موضوع السخونة دة مرة و الحمدلله ربنا ستر. فيوز المروحة اتحرك من مكانه و الحرارة زادت و انا مش واخد بالى ( مش كنت بابص على مؤشر الحرارة) و ركنت عند البيت و سمعت صوت فسفسة فى الموتور. لقيت كوعة مية ضربت من الحرارة و سبت العربية تبرد لتانى يوم و غيرت الخرطوم و زودت المية و بقيت مهووس من بعدها بمؤشر الحرارة.سوقسوق

رد: السخونه الزائده لمكنة السياره ( الأسباب والإحتياطات )

شكر خاص للمهندس سمير
حقيقى معلومات مفيدة جدا وعلمية
موضع جميل جدا والواحد عرف دورة التبريد كلها
:018A1D~146::018A1D~146:: 018A1D~146::018A1D~146::0 18A1D~146::018A1D~146:

رد: السخونه الزائده لمكنة السياره ( الأسباب والإحتياطات )

شكرا ياباش مهندس علي المعلومات القيمة
ولكن فضلا عندي استفسار

من حوالي 3 اسابيع لاحظت ان العربية بتسخن من عند الكابوت مع وجود رائحة غريبة لدرجة اني بقيت احس بصهد العربية بيدخلي في الصالون مع العلم ان مؤشر الحرارة طبيعي جدا والمروحة شغالة كويس وقربة المية فيها مية

من وجهة نظر حضرتك ما هو اسباب هذا الصهد الكبير مع العلم ان العربية مكنتش بتعمل كدة قبل كدة
وهل تنصحني اشيك علي حاجة معينة

في انتظار حضرتك
وشكرا لك